Is 49:15 - Chuj San Sebastian Bible

¹⁵ Palta ¿tom tzsat sc'ojl junc nunb'il 'a junc yune chamc'ojlb'il yu'uj? Wach'xam pax tzsat sc'ojl 'ix jun, palta an tic ma'oj e 'at satc'ojlal wu'uj.

Chuj San Mateo Bible

¹⁵ Palta syalanxi Jehová icha tic: A junoc ix nunab'il, ¿tocval sb'at satc'olal yune' ix yuuj? Vach'chom sb'at satc'olal yuj ix jun, palta a in tic man̈ ol ex b'at satc'olal vuuj.

Is 49:15 ပူးပေါင်းရင်းမြစ်များ

Job 24:20

Tz'atcn eb' 'a satc'ojlal yuj snun; ax no ay tzchin schib'jal eb', toc 'ayt mach 'oj nanc cot eb'. A eb' maysch'olnil snab'en cha, lajn wal tz'aj yem eb' 'icha junc te te tzch'acx 'ejmi.

Salmos 103:13

'Icha wal yo'ch sc'ojl junc mamb'il 'a yunnal, 'ixta yo'ch sc'ojl Jehová 'a 'ayn̈ an̈ yiclum on̈c 'a 'a.

Salmos 27:10

Wach'xam tzin yactj can in mam in nun in ch'ocoj, palta ach 'oj in a tan̈woc.

Salmos 77:9

¿Tom 'ix sat sc'ojl Dios 'a swach'c'ojlal? ¿Yelc'ojlal am 'ay cot yowal, man̈xtzac am 'o'ch sc'ojl 'ayn̈ on̈? xin chi 'a in nab'en.

Pr 31:2

Ach wune', a Dios ach 'a'n 'ayin, yuj spac tas xin c'an 'a 'a.

Is 14:1

A Jehová 'oj sch'oxx schamc'ojlal 'a eb' israel jun 'ejm xo. 'Oj scha si'c pax 'och eb' yico'oc, ax scha cajn pax eb' slum chi jun 'ejm xo. Ax eb' chuc chon̈b'al, 'oj jawc pax cajn eb' 'a scal eb', ax ya'n 'och sb'a eb' 'aj chon̈b'al yet' eb' yin̈tl can Jacob.

Is 44:21

Tzyaln pax Dios 'ixtic: Ex israel yin̈tl can Jacob, nacc coti, chajtlto in checb' ex, an in b'ojnac ex, sec tzex 'och in checb'oc. Ex israel may b'a'n̈ 'oj wac' sat in c'ojl 'ayex.*f13*

Is 49:14

Tzyaln eb' 'aj Sión 'ixtic: On̈ 'actxec can yuj Jehová, 'ix sat sc'ojl Dios 'ayn̈ec, xchi eb'.

Is 54:10

An Jehová in, caw yel tz'o'ch in c'ojl 'ayach. Wach'xam 'oj jelmjoc eb' lum niwc witz tic 'a yet'ul, ax scot eb' lum tzaln c'acpil, palta a 'in chamc'ojlal 'ayach, may b'a'n̈ tzjelmji, may pax b'a'n̈ 'oj in ju in trato b'ob'il wuj et'oc, yuj cha, 'ay junc'ojlal 'a qui cal, xchi Dios.

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Jeremías 51:5

Wach'xam a eb' 'aj Israel yet' eb' 'aj Judá, caw 'ix 'och smul eb' 'ayin, palta an̈ja mantzac wij 'el in c'ojl 'a eb' an Jehová in, tztac' wuj smasnil, sDiosal in eb', to Cojxn̈ in.

Lm 4:10

Yuj cha, a eb' 'ix 'ix caw wach' xon cob' snab'en, tzlaj stz'an̈ eb' schi yune yuj jun yailal 'ix jaw 'a yib'n̈ eb' wit chon̈ab'.

Lm 4:3

A e no nun 'oques, tzyac' chuw e no yune', palta ax eb' 'ix 'ix 'a yol in chon̈ab', toxn matz 'o'ch sc'ojl eb' 'ix 'a yune', lajn tzyutj sb'a eb' 'ix 'icha no avestruz tzyactj can sn̈olb' 'a scal arena 'a cusltac lu'um.

Os 11:1

'Ix yaln pax Dios 'ixtic: A yic 'icha to caw 'unn to jun chon̈b' Israel tic, caw 'ay in chamc'ojlal 'a 'a, 'icha to wunnal yaji. A 'a Egipto, atta 'ix wawtj coti.

Lv 26:29

At wal yuj jun tzo'n̈ chi b'i'an, ax e chin 'ejm eb' eyunnal mto eyisil.

Malaquías 3:17

A Jehová tztac' yuj smasnil, a tzaln 'ixtic: 'Ay jun c'ual, 'oj in b'eyc'ojloc eb' 'anma', a eb' 'ay wel'ch 'a sat, caw 'oj in si'cn 'el eb', yic tz'ochcn eb' wico'oc. 'Icha junc mamb'il tz'o'ch sc'ojl 'a junc yunnal tz'a'n servil, 'ixta wal 'oj 'aj yo'ch in c'ojl 'a eb'.

Mt 7:11

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' 'a eb' eyunnal. Ax qui Mamc 'ayc' 'a satcha'an̈, yel xo wal niwn tas wach' tzyac' 'a eb' tzc'ann 'a 'a.

Ro 1:31

Man̈ nab'enal tzyutj sb'a eb'. Matz yiclj eb' strato 'a junc mach. May schamc'ojlal eb'. [Matz yac' eb' niwnc'ojlal 'a junc xo mach.] Matz 'o'ch sc'ojl eb' 'a junc yit 'anma'il.

A Ch'an̈ B'ab'el Libro Samuel 12:22

Yujto a Jehová ma'oj ex yactc can e ch'ocoj, sec matz alx tu paxti 'a spatquil, yujto tznib'j to tzex 'och schon̈b'oc.