Is 46:3 - Chuj San Sebastian Bible

³ Yuj cha, tzyaln Dios 'ixtic: Ex yin̈tl Jacob, e masnil ex cann̈c to can 'a chon̈b' Israel, 'ab'c tas 'oj wal 'ayex: An 'et'jnacx xoni yic 'ayx to 'ec' 'a yol sc'ojl e nun, mec'b'ilx wu'uj yictax ex 'alji.

Chuj San Mateo Bible

³ Ix yalan Jehová icha tic: Maclejec eyab' tas sval ex yin̈tilal Jacob, jantac exto cannac ex d'a Israel tic, cuchb'ilexn̈ej vuuj ayic manto ex alji. Ix ex in chelb'eyec'oc.

Is 46:3 ပူးပေါင်းရင်းမြစ်များ

Salmos 28:9

Mamin Jehová colwjan̈ 'ayn̈ an̈ a chon̈b' on̈ tic, 'ac' a yaxilal 'a quib'n̈ an̈ to ec xo caji. 'Ilt on̈ 'icha tzyac' junc 'ilm calnelu, tan̈wj on̈ 'a smasnil tiempo.

Salmos 71:6

Yic 'aynto 'ec' 'a yol sc'ojl in nun, toxn a 'aych tzwij wip. Ach in ac' 'aljoc. 'Oj ach in b'itnoc 'a smasnil tiempo.

Ex 19:4

Ax tic, eyiljnac wal tas wutjnac eb' 'aj Egipto, yet' tas ex wutj ex wi'n 'elta, yic ex wi'n cot 'a tic, 'icha to a 'a yib'n̈ sc'axl junc no salt'iw 'ayx q'ue'i, yic ex jaw 'a tic.

Is 1:9

A Jehová tztac' yuj smasnil, 'ix 'el 'a sc'ojol, on̈ yactj can jaywn̈ on̈c tic. Q'uinloc ma'ay, 'icha am 'ajnc satl Sodoma yet' Gomorra, 'ixta on̈ 'ajec.

Is 10:20

A 'a jun tiempoal cha, a jaywn̈ocx eb' israel ma'oj chamoc, atn jaywn̈ocx eb' yin̈tl can Jacob 'oj colchjoc can 'eli. Man̈x 'oj ya'ch eb' yipc sc'ojl jun nacion̈ 'ijn satn 'el eb' cha. Palta axn̈ej 'a Jehová 'aj 'oj ya'ch eb' snab'en, atn sDiosal Israel to cojxni.

Is 10:21

A jaywn̈ocx eb' yin̈tl Jacob cha, 'oj meltzjoc can eb' 'a jun Dios to matz tac' yajx ganar.

Is 10:22

Wach'xam a chon̈b' Israel caw wal niwn sb'isl yanma 'icha yarenail sti a mar, palta jaywn̈ xoj eb' 'anma chi 'oj meltzjoc 'a schon̈ab'. A eb' 'anma chi smasnil, 'oj satl eb' 'icha yaj yalx cani, 'ixta 'oj yutc Dios sb'eyc'ojlwi.

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Is 37:4

Comnoc wal 'ix yab' Jehová qui Diosal jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj an̈ jayn̈ on̈ tzon̈ can tic, xchi Ezequías, xchi eb'.

Is 4:3

A jaywn̈ocx eb' 'aj Sión 'oj can 'a Jerusalén, 'ay yaln eb' yic scan cajn ta', 'oj alxoc yuj eb', to yicn̈ej Dios yaj eb'.

Is 44:21

Tzyaln pax Dios 'ixtic: Ex israel yin̈tl can Jacob, nacc coti, chajtlto in checb' ex, an in b'ojnac ex, sec tzex 'och in checb'oc. Ex israel may b'a'n̈ 'oj wac' sat in c'ojl 'ayex.*f13*

Is 46:12

Ex pit 'anma'il, 'ab'c wal tas tzwala; caw wal man̈ tojloc e nab'en 'a in sat.

Is 48:1

A Dios a tzaln 'ixtic: 'Ab'c wal jun tic ex yin̈tl Jacob, ex tze cuch israel, yin̈tl ex pax can Judá. Tze loc in b'i an Jehová in tic, tzeyalni to tzex 'och 'emmquilal 'ayin. Ex israel, e Diosal in eyalni, palta man̈ yelc tzeyala, tzex paxtin 'a chab'satil.

Is 51:1

A Jehová a 'ix aln eyuj 'ixtic: Ex tze nib'j b'ey e b'a 'a stojlal, ex to tze nib'j jawc e b'a 'ayin, macljec eyab' tas 'oj wala'. Tzcham wal e maclni eyila' 'aj cotnc eyin̈til, 'aj pax 'ay yin̈tl e mam eyicham.

Is 51:7

A mach 'ojtnac tojlal, ex to tzeya'ch in checnb'il 'a e nab'en, 'ab'tec tas 'oj wala': Man̈ ex xiw yuj sb'uchwal paxti eb' 'anma', man̈ eyac' chab'c'ojlal yuj tas ya tzyal eb' 'ayex.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Dt 1:31

yet' pax tas quiljnaquec 'a lum cusltac lu'um. A Jehová qui Diosalec, 'icha to quetzb'iln̈ec yu'uj, yic on̈ yi'nec cot 'a yol b'e, masnto on̈ jawc 'a jun lugar tic. 'Icha wal tzyutj squetzn b'ey junc mamb'il yunnal mto yisil, 'ixta 'on̈ yutjec.