Is 45:24 - Chuj San Sebastian Bible

²⁴ 'Oj yaln eb' 'ixtic: Caw yel ton b'i'an, cojn 'a Jehová 'ay tojlal, caw 'ay pax yip, 'oj xchic eb'. Ax smasnil eb' 'ajc'ojl yajch 'ayin, 'oj q'uixwc can 'el eb'.

Chuj San Mateo Bible

²⁴ Ol yalan eb' smasanil d'ayin icha tic: A achn̈ejton Jehová tojol ach, ay a poder, xcham eb'. Axo masanil eb' ajc'ol yajoch d'ayin, ol q'uixvoccan eb'.

Is 45:24 ပူးပေါင်းရင်းမြစ်များ

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Salmos 110:2

A Jehová 'oj yac' a c'occh yic opiso 'a lum Sión, ach xo 'oj ac' yajlil 'a yib'n̈ eb' 'ajc'ojl yajch 'ayach.

Salmos 71:16

Mamin Jehová, a wal jun tzo'n̈ tas niwn yel'ch a b'ojnac, caw 'oj wal-l yab'xil. Ax waln 'el paxi chajtlto cojxn̈ej ach ton tojl ach.

Salmos 72:9

A eb' 'ajc'ojl yajch 'a winac, eb' cajn 'a lum cusltac lu'um, 'oj yic' 'ejm sb'a eb' 'a 'a.

Salmos 89:17

Yujto ach ton wal tzac' quip on̈, yuj a wach'c'ojlal tza'n cac' ganar on̈.

Is 26:4

'Ayn̈j cab' 'och Jehová yipc qui c'ojlec, yujto cojn tztac' on̈ scolnec 'a smasnil tiempo.

Is 41:11

A smasnil eb' to matz ex nib'ni, caw 'oj cancn eb' 'a q'uixwc'ojlal, man̈x 'a yel'ch 'oj 'ajcn eb', a eb' tzyac' yip ya'n owl eyet'oc, 'oj satcn 'el eb'.

Is 44:8

Man̈ex xiwoc, te'n tzeyutj e b'a, ax tic in testigo ex, to waljnac jun tic 'ayx 'a yictax pecti'. ¿Tom 'ay junc xo dios, mto 'ay junc xo colwjum? Cojxn In Toni, may junc xo mach wojtac, xchi Dios.

Is 45:25

Cojn 'ayn an Jehová in, ata 'oj yic' eb' yin̈tl Israel tojlal, 'oj yac' eb' tzaljoc sc'ojl wu'uj, xchi Dios.

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Is 55:5

Ax 'a yic b'aq'uin̈, 'oj eyawtc cot eb' 'anma man̈ eyojcoc. A eb' 'anma man̈ ex 'ojtnacc cha, caw yajn̈ej ax sjaw eb' 'ayx muc'uc, yujto an Jehová in, Cojxn In Ton e Diosal In, an tzex wac' 'ijxoc chan̈ yet' e chon̈ab', xchi Dios.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Is 60:9

A jun tzo'n̈ 'oj eyil cha, atn te barco tzcot 'a jun tzo'n̈ xo chon̈b' 'ay 'a sti a mar, b'ab'l eb' te yic Tarsis yuj eb' te'. Ata ajun eb' eyit chon̈b' yet' eb' 'anma cha, yet' eb' oro, yet' eb' plata, yuj yi'nb'ilc chan̈ in b'i an Jehová in. An e Diosal in, to Cojxn In Ton Dios In, an 'ixta 'oj wutc ex wa'n b'inaxc paxi.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Is 61:11

Yujto 'icha wal tz'aj spac' q'uet junc 'in̈t 'a yol lu'um, mto 'icha tz'aj sq'uel swol junc 'awb'ente', 'ixta 'oj yutc Jehová ya'n checljoc chan̈ stojlal, sec tzalx wach' paxti yuj eb' nacion̈ 'a 'a.

Jeremías 33:16

A 'a yic jun tiempoal cha, a eb' 'aj Judá 'oj colchjoc can 'el eb', ax eb' 'aj Jerusalén, man̈x 'a tas 'oj 'i'noc eb'. Atn jun b'i tic 'oj 'ajxoc 'a eb' 'ixtic: A Jehová Tzon̈ B'onyajec 'A Stojlal, xchi.

Habacuc 3:19

Mamin Jehová Wajlil, ach tzac' wip. Tzac' yip woc sec tztac' in b'ey 'icha no c'ultquil chej, tzin e'n q'ue 'a cha'an̈, 'a 'aj wach' in colchji. B'itnaxc cab' jun b'it tic yuj win tzjucb'tzan b'it, yet' jun tzo'n̈ yamc'ab ch'an̈ 'aych 'a 'a.

Zacarías 10:12

An 'oj wac' ste'nal eb' in chon̈ab'. Wu'uj, ax sta'n yuj eb'. An Jehová in, an tzwal jun tzo'n̈ paxti tic, xchi Dios.

Zacarías 10:6

An 'oj wac' ste'nal eb' yin̈tl Judá, ax wa'n colchjoc 'el eb' yin̈tl José. 'Oj wi'x meltzjc eb' 'a schon̈b' jun 'ejm xo, yujto caw tz'o'ch in c'ojl 'a eb', ax scanxcan eb' 'icha xon yaji, 'icha to may 'aj xwijl eb' 'a in c'ojol. An ton Jehová sDiosal in eb', tzwab'n̈j slesl eb'.

Zacarías 12:5

A yic 'oj yilnc eb' syajlil Judá jun tic, ax yaln eb' 'ixtic: A Jehová tztac' yuj smasnil, sDiosal eb' 'aj Jerusalén quet'ec, a tz'a'n yip eb', 'oj schic eb'.

Zacarías 8:23

A 'a yic jun c'ul cha, lajn̈wan̈ eb' chuc chon̈b'al 'oj 'och yamn 'a spichl junc israel, ax yaln eb' 'a 'ixtic: Tzqui nib'j tzon̈ 'at eyet'oc, yujto 'ix cab'i chajtlto 'a Dios 'aych eyet' ax tic, 'oj xchic eb', xchi Dios.

Lc 13:17

Yic xyaln 'ixta', c'uxn xq'uixw 'el eb' 'ajc'ojl yajch 'a 'a. Palta ax eb' 'anma smasnil, caw xtzalj eb' yiln jun tzo'n̈ tas sb'o Jesús cha, yujto caw niwn yel'ch jun tzo'n̈ tas tzb'o'o.

Lc 19:27

A eb' 'ajc'ojl yajch 'ayin, eb' xnib'n ma'in 'och 'a wopiso tic, tzlaj 'at eyi' cot eb', ax yic tzjaw eb', tze miln eb' 'a wojltac tic, xchi winac, xchi Jesús.

Jn 12:32

Aln tic, a yic 'oj wajx q'ue'i, 'oj wi' cot smasnil 'anma 'ayin, xchi Jesús.

Jn 7:37

A wal 'a yol slajw q'uin̈, ata caw sin̈n̈i tz'aj eb' 'anma'. Yuj cha, at 'a yol slajw q'uin̈ cha, atta 'ix q'ue lin̈n Jesús 'a sat eb'. Caw 'ip 'ix yal 'elt 'a scal eb' 'ixtic: —Toto 'ayx tze nib'j tze chaj e q'uinl 'a jun 'ejmn̈ej, cotn̈ec 'ayin. 'Icha tzeyutj ey'un a yuj e tacn̈ti'al, 'ixta 'oj e yutc e chan jun e q'uinl chi 'ayin.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Ef 3:16

Man̈ jantcoc swach'l qui Mam Dios. Yuj cha, tzin c'an 'a 'a, sec 'oj swach' 'a'c ste'nal e nab'en, ax swach' 'a'n spoder 'ayx yuj Yespíritu.

Ef 6:10

A ticnec ex wu'tac, ex wanab', caw te'n tzcutjec qui b'a 'a yol sc'ab' Cajlilec. 'Och cab' qui te'nalec yuj spoder.

A Scarta San Pablo D'a Eb' Aj Filipos 4:13

Tzann̈j tas tzta'n̈j wu'uj, yujto a Cristo tzyac' spoder 'ayin.

A Scarta San Pablo D'a Eb' Aj Colosas 1:11

Tzon̈ leslwi pax eyuj on̈, sec a tz'a'n e te'nal yet' spoder, yujto a spoder cha, caw niwn yel'chi. To 'ixta', 'oj techjoc smasnil tas eyu'uj. Caw te'n 'oj eyutcn̈ej e b'a, 'oj e tzaljn̈ej paxi.

A Schab'il Carta San Pedro 1:1

An tic Simón Pedro in, ya'mal in servil Jesucristo. Schecb' in paxi. Tic tzin tz'ib'j 'at jun in carta tic 'ayx tzeya'ch e c'ojl 'a Dios quet' on̈. Caw niwn swach'l eyic quet' on̈, yujto 'aych qui c'ojlec 'a 'a. 'Ixta tzon̈ 'ajec, yujto a qui Diosalec, atn qui Colmal Jesucristo, caw tojl snab'en.

Apoc 11:18

A jun tzo'n̈ nacion̈ xlaj cot yowal, caw xjaw sc'ul a'n syailal eb'. 'Ix jaw pax stiempoal a b'eyc'ojlan eb' chamnac. 'Oj ac' spac 'a junjn eb' tzach 'a'n servil, atn eb' a checab'. A eb' cha, ec xo yaj eb', tzch'oxn 'el eb', to caw niwn el'chi. Toxn̈ej eb' niwn yel'chi, toxn̈ej eb' may yel'chi, 'oj a'n̈j spac 'a eb'. An̈jtona', 'ix jaw pax stiempoal a'n lajwc 'el eb' tz'a'n lajwc yolyib'n̈q'uinal, xchi eb'.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.