Is 44:5 - Chuj San Sebastian Bible

⁵ A 'a scal eb' chuc chon̈b'al, ata 'ay eb' 'oj alnc 'ixtic: An tic yic in Jehová, 'oj xchioc, ax junc xo 'oj alnoc chajtlto yin̈tl can Jacob. 'Ay pax junc 'oj yac' tz'ib'xoc 'och 'a sc'ab' 'ixtic: Yic in n̈ej Jehová, 'oj xchioc, ax ya'n 'och sb'i Israel sjolmoc sb'i, xchi Dios.

Chuj San Mateo Bible

⁵ A d'a scal eb', ay mach ol alan icha tic: A in tic, yic in Jehová, xchama. Ay pax mach ol alan icha tic: Yin̈tilal in Jacob, xchama. Ay pax mach ol tz'ib'anoch d'a sc'ab' icha tic: Yic in val Jehová, xchama. Ol yac'anoch Israel sjolomoc sb'i, xchi Jehová.

Is 44:5 ပူးပေါင်းရင်းမြစ်များ

2 Cr 36:23

An Ciro in tic, sreyl in Persia, an tzwal 'ixtic: A Jehová sDiosal satcha'an̈, a x'a'n 'och smasnil nacion̈ 'ay 'a sat lum tic 'a yol in c'ab'. A 'ix aln 'ayin, to tzin b'o chan̈ junc yatut 'a Jerusalén 'a yol yic Judá. Yuj cha, tzann̈j ex to schon̈b' Jehová eyaji, colwj cab' Jehová e Diosal eyet'oc. A ticnec 'ixquec 'a Jerusalén cha, xchi Ciro.

Nehemías 9:38

A yuj smasnil jun tzo'n̈ tic, tzca'n can qui ti an̈ tic, to tz'ib'xcani, chajtlto 'oj qui yiclc 'a caw yel. Yuj cha, a ch'an̈ un̈ 'aj tz'ib'x cha, to tz'och seyo yet' sb'i eb' qui yajlil a ch'an̈, eb' levita yet' eb' ya'mal 'och qui ti', xchi eb' 'a slesal.

Salmos 116:16

A Jehová, yel ton b'i'an, schecb' waji, yune 'in 'ix schecb' Dios cha. A 'in coln 'elt 'a yol sc'ab' tas jaljnac in.

Ex 13:9

'Icha wal yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun q'uin̈ tic yic tzqui nan coti. Yuj cha, to 'oj calb'tan̈c sley Jehová, ax qui yiclniec paxi, yujto a on̈ 'i'nec 'elt 'a Egipto yet' spoder.

Is 2:3

Til wal 'anma chi 'oj c'och ta', ax yaln eb' 'ixtic: Cotn̈ec, coyc 'a lum jolm witz 'aj 'ay yatut Jehová, atn sDiosal eb' yin̈tl Jacob. Coyc quila', sec to 'oj on̈ scuyc 'a wach' b'eyb'al, ax qui b'eylb'anec sb'eyb'al cha, 'oj schic eb'. Yujto a 'a switzl Sión ata 'oj 'eltoc ley, ax 'a Jerusalén ata 'oj cuyxoc spaxti Dios.

Jeremías 32:10

'Ix in tz'ib'n can jun trato chi 'a jun u'un̈, xya'n eb' testigo sfirma 'a 'a; xin macn cani, 'ix wa'n can 'och seyoal.

Jeremías 50:5

'Oj sc'anb'c 'ec' eb' jun b'e tzc'och 'a Sión, axta 'oj 'at eb', ax yaln eb' 'ixtic: Meltzjcoyc 'a Jehová. Junxn̈ej tzon̈ 'ajc yet'oc, qui b'oc junc qui trato yet' 'a jun 'ejmn̈ej, man̈x 'a b'a'n̈ tz'at satc'ojlal cujec, 'oj schic eb'.

Miqueas 4:2

Caw niwn sb'isl eb' chon̈b' cha, ax yaln junjn eb' 'a 'ixtic: Cotn̈ec, q'ue coyc 'a lum tzaln 'aj 'ay yatut Jehová, atn sDiosal eb' yin̈tl Jacob, yic wach' tzon̈ sch'oxc 'a sb'eyb'al, sec tzqui b'eylb'ejec, 'oj schic eb'. Yujto a 'a tzaln Sión cha, ata 'oj 'eltoc cuynb'il yic Jehová, ax 'a Jerusalén, ata 'oj cuyxoc sley cha.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

2 Co 8:5

Xqui na on̈, jantc tzyac' eb', palta yel xo wal niwn xyac' eb', yujto b'ab'l xyac' sb'a eb' 'a Cajlil. Xlajw cha, xya'n pax sb'a eb' 'ayn̈ on̈, 'icha tznib'j Dios.

Gl 6:16

Jantc eb' tzb'eylb'an jun tzo'n̈ cuynb'il tic, atn eb' yel israel 'a sat Dios, yujto schon̈b' yaj eb'. Ya' cab' Dios sjunc'ojlal 'a eb', tz'o'ch pax sc'ojl 'a eb'.

Gl 6:17

A ticnec, tzin nib'ej, man̈x 'a junc mach tzin 'ixtni. Yujto a jun tzo'n̈ sjech'l tic checl 'ayin, a tzch'oxni, to ya'mal in servil Cajlil Jesús.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.