Is 44:26 - Chuj San Sebastian Bible

²⁶ Palta an tic, tzwac' 'el'choc tas tzyal eb' in checab', sec wach' tz'aj 'el'ch tas tzyal eb' cha. An 'oj walxi ax scajx pax Jerusalén jun 'ejm xo, ax eb' lum chon̈b' juwnac can 'a yol yic Judá, 'oj 'ajxoc b'o eb' jun 'ejm xo. An 'oj wala', ax sb'ox eb' jun 'ejm xo 'a yet'l 'aj juwnac cha.

Chuj San Mateo Bible

²⁶ Palta a in svaq'uelc'och tas syal eb' in checab', yic vach' tz'ajelc'och tas syal eb' chi'. A in svala' to a Jerusalén ol cajnajxoc, axo juntzan̈ chon̈ab' d'a yol yic Judá, ol b'ochajxoc d'a yed'tal b'aj juvinaquel chi'.

Is 44:26 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 7:16

Xlajw cha, 'ix 'elt smasnil eb' 'anma', 'ix 'at yi'nc eb' smasnil tastc 'ay 'a yol scamplamento eb' sirio. 'Ix 'el'ch 'icha 'ix yutj Jehová yalni, to tztac' smanx junc 'almu 'ixm harina mto chab'oc 'almu 'ixm cebada yet' junc tumn plata.

A Ch'an̈ Schab'il Libro Yic Yab'ixal Eb' Rey 7:20

'Ix 'el'ch ton wal 'ixta', yujto a eb' 'anma 'ix ecn can telwc 'a sti spuertail chon̈ab', yuj cha, 'ix cham winac.

Esdras 2:70

A eb' ya'mal 'och sti eb' 'anma 'a Dios yet' eb' levita, yet' pax eb' chon̈ab', 'ix can cajn eb' 'a Jerusalén, yet' eb' tzb'itni, eb' tan̈m puerta, yet' pax eb' tz'a'n cuenta yatut Dios. Ax smasnil eb' yit israelal eb', 'ix japx can cajn junjn eb' 'a 'aj 'aycn schon̈ab'.

Nehemías 1:3

Xyaln eb' 'ayn 'ixtic: A eb' quit chon̈b' cha, 'ayc' eb' ticnec 'a Judá, caw cusltac yaj eb', q'uixweltac yilx 'och eb'. Ax pax yuj Jerusalén, mac'b'il 'ejm lan̈chjoc smuroal, tz'anc pax spuertail, xchi eb' 'ayin.

Nehemías 2:3

xwaln 'a win 'ixtic: —'Aychn̈ej cab' 'ec' 'a smasnil tiempo mamin rey. Cusltac yilx in sat, yujto tzin cus yuj in chon̈b' 'aj mucn eb' in mam wicham, caw juwnac, tz'anc pax spuertail? xin chi.

Salmos 102:17

'Oj a cha ab' slesl eb' may mach tzcolwj yet'oc, may mach 'oj stac' stenn 'och wan slesl eb' cha.

Salmos 147:2

A xb'on pax chan̈ Jerusalén jun 'ejm xo, xya'n qui yamc qui b'a an̈ israel on̈c tic, atn an̈ sactzicnac cajc can 'at 'a jun tzo'n̈ xo lugar.

Salmos 69:35

A 'oj colnc 'el Sión, ax sb'on pax chan̈ chon̈b' Judá jun 'ejm xo. Ax yin̈tl eb' schecab', a eb' 'oj cajnc jun chon̈b' cha. Ata 'oj cann̈j cajn eb', ax yoch eb' 'aj chon̈b'al ta', atn eb' 'ay schamc'ojlal 'a 'a.

Ec 3:3

'Ay yorail smilx 'anma', 'ay pax yorail yan̈txi. 'Ay yorail sma'x 'ejm junc tas, 'ay pax yorail sb'ox cha'an̈.

Is 40:9

'Ex 'aj Sión, q'uen̈ec c'och 'a sjolm junc lum witz, tzex 'awj 'a caw 'ip ta', yic tzeyaln 'el wach' 'ab'ix. Ex 'aj Jerusalén, man̈ex xiw eya'n 'el eyaw, alc 'el 'ixtc 'a yoltc chon̈b' yic Judá: 'Iltec yaj qui Diosalec 'a tic, xe chi.

Is 42:19

Toc 'ay mach jun 'eln̈ej caw matz uj yiln 'icha jun in checb' sic'b'il 'el wu'uj, toc 'ay junc mach to chacn̈ 'icha jun in checb' checb'il 'at wuj an Jehová in.

Is 42:9

'Iltec wal 'ix 'aj 'el'ch smasnil tas waljnac 'a yictax yaln̈taxi. Ax ticnec, 'ay jun tzo'n̈ xo tas mantzac wal 'ayex, a 'oj wala'. 'Aycto tzwaln cani, ya' sb'a mantzac uji, xchi Dios.

Is 49:8

A Jehová a tzaln 'ixtic: 'Ix c'och stiempoal in ch'oxn in wach'c'ojlal, yic tzin pacn tas tza c'an 'ayin. Xc'och stiempoal wa'n a colnb'il, yuj a'n 'el'choc in trato yet' eb' in chon̈ab'. Tza b'on pax in chon̈b' 'a 'icha xon yaji, sec wach' tzyij pax eb' israel chi smacl 'a lum lum sictac 'ajnc can sat.

Is 52:9

Ex 'aj Jerusalén to lan̈chjnac can 'ejm e chon̈ab', 'el cab' eyaw e b'itn yuj tzaljc'ojlal, yujto a Jehová 'ix 'o'ch sc'ojl 'a schon̈b' tic, yuj cha, ex colx 'elt yu'uj.

Is 54:3

yujto 'oj lewnb'oc slugar cha. 'Oj yi'cn 'ec' slum eb' 'anma cajn 'a stz'ey 'a swach' c'ab' yet' eb' 'ay 'a stz'ey 'a surito; ax eb' yin̈tl b'aq'uin̈, a eb' 'oj cajnoc jun tzo'n̈ xo nacion̈ 'aj sictac yajcn jun tzo'n̈ chon̈b' cha, xchi Dios.

Is 58:12

'Oj e b'ox chan̈ e chon̈b' 'a yet'l 'aj lan̈chjnac can 'ejmi. 'Oj eya'x 'ejm 'a yib'n̈ yipnub'al yich b'ob'il can xon 'a yic pecti'. Ax yalx eyu'uj, to b'om ex pax smuroal chon̈ab', b'om ex pax n̈a lan̈chjnac 'ejmi.

Is 60:10

A eb' chuc chon̈b'al, a eb' 'oj b'onc pax smuroal e chon̈b' jun 'ejm xo, ax eb' sreyl eb', a eb' 'oj 'och eya'malc servil. Wach'xam yuj yowl in c'ojol, 'ix wa'n 'och eyailal, palta ax ticnec, yuj swach'l in nab'en, tz'o'ch pax in c'ojl 'ayex.

Is 61:4

'Oj scha b'oc pax chan̈ eb' jun tzo'n̈ schon̈b' satnc can 'ejmi, ax sb'on eb' sjel jun tzo'n̈ n̈a lan̈chjnac can 'ejm 'a yic pecti cha.

Jeremías 1:10

A ticnec tzach in checb't 'a jun tzo'n̈ xo nacion̈ yic tzaln yab' eb' to 'oj jawc yailal 'a yib'n̈ eb', 'oj satl eb', ax slan̈chj 'ejm schon̈b' eb'. 'Ay eb' chon̈b' chi 'oj satl 'a jun 'ejmn̈ej, 'ay pax eb' 'oj b'ox cha'an̈, xchi.

Jeremías 28:9

Palta a junc checb' tzaln pax 'eli, to 'oj niwtjoc tas wach' 'a jun nacion̈ tic, masnto 'a yic 'oj 'el'choc, atta 'oj checljoc 'eli, toto a Jehová 'a'jnac yal-l jun cha, mto ma'ay, xin chi 'a 'a.

Jeremías 30:18

Tzyaln pax Jehová 'ixtic: Caw 'oj in jel tas 'aych 'a eyib'n̈ ex yin̈tl can Jacob, 'oj 'o'ch in c'ojl 'ayex. A e chon̈ab', 'oj e b'ox chan̈ jun 'ejm xo 'a yet'l 'aj lan̈chjnac 'ejm 'a yic b'ab'el, an̈jtona pax e despacho, 'oj e b'ox chan̈ 'a yet'l 'aj 'e'nc xoni.

Jeremías 31:4

'Oj ex wi' chan̈ jun 'ejm xo. 'Oj e b'atj chan̈ pax yuj tzaljc'ojlal jun 'ejm xo yet' e pandereta.

Jeremías 32:15

A Jehová tztac' yuj smasnil, qui Diosalec an̈ israel on̈c tic, a tzaln 'ixtic: A yic b'a'n̈ cha, 'oj sman eb' 'anma yatut, slu'um, yet' te uva 'awb'ilx 'a jun lum tic, xchi Dios, xin chi 'a 'a.

Jeremías 32:44

A yic 'oj smannc eb', ax sb'on can eb' yun̈al, 'oj ya'cn 'och eb' seyo, yet' pax sfirma eb' testigo 'a 'a. 'Ixta wal 'oj ujc 'a yol yic lum slum Benjamín, yet' pax 'a jun tzo'n̈ aldea 'ay 'a spatquil 'el Jerusalén, yet' pax 'a jun tzo'n̈ xo chon̈b' 'ay 'a yol yic Judá 'a lum jolmctac witz, yet' 'a lum niwc pan̈n 'a'lic, yet' 'a yol yic Négueb. An Jehová in, an tzwala, to 'oj wi'x q'ue'ch eb' in chon̈b' tic jun 'ejm xo, xchi Dios.

Jeremías 33:7

'Oj wi'x meltzjoc eb' 'aj Judá yet' eb' 'aj Israel jun 'ejm xo 'a 'aj 'ayc' eb' 'icha presoal, ax in b'on pax chan̈ schon̈b' eb' jun 'ejm xo 'a 'icha xon yaji.

Ez 36:10

Caw yajn̈ej ax wa'n niwtjoc e b'isl 'a jun tzo'n̈ lugar cha. 'Oj niwtjoc sb'isl 'anma 'a junjn chon̈ab', ax laj e b'onc pax chan̈ jun tzo'n̈ chon̈b' mac'b'il 'ejm cha.

Ez 38:17

An Jehová in, an tzwala: Ach ton tic waljnac oj 'a eb' in checb' 'a yic pecti', yic spaxtin can 'el eb' 'a scal eb' in chon̈b' israel cha; najtl ya'jnac eb' yaln 'el o'oj, to an 'oj ach wi' cot ac' owl yet' eb' in chon̈ab'.

Dn 9:12

Tox 'ix 'el'ch tas aljnac cani, chajtlto 'oj jawc yailal 'a quib'n̈ on̈, yet' 'a yib'n̈ eb' qui yajlil on̈. Yel xo niwquil 'ix otj a'n 'och syailal Jerusalén 'a yib'n̈ junc xo chon̈ab'.

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.

Am 9:14

yujto 'oj wi'x cot eb' in chon̈b' 'a 'aj 'aycn 'at 'icha presoal, ax sb'on pax chan̈ eb' schon̈b' lan̈chjnac 'ejmi. 'Oj canx cajn eb' 'a 'a, 'oj yawc eb' te uva, ax yu'n eb' yalil te'. 'Oj yawc eb' yawb'ente', ax slon eb' sat te'.

Hageo 1:13

'Ix waln 'ixtc 'a eb': A Jehová, a tzaln 'ixtic: 'Aynn̈ej 'ec' eyet'oc, xchi Dios, xin chi 'a eb'.

Zacarías 1:17

An̈jtona', 'ix yaln pax jun ángel chi 'ayn 'ixtic: Al-l jun tzo'n̈ xo tic: A Jehová tztac' yuj smasnil, a tzaln 'ixtic: 'Oj wi'x chan̈ eb' in chon̈b' tic yet' wach'ilal. 'Oj in niwnc'ojloc Sión jun 'ejm xo. An Jehová in, 'oj wal-l jun 'ejm xo, chajtlto a Jerusalén tic, in chon̈b' to sic'b'il 'el wu'uj, xchi Dios, xchi jun ángel cha.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.

Zacarías 12:6

A 'a yic jun c'ul cha, a eb' syajlil Judá, lajn 'oj wutc eb' 'icha junc cuxc'ac' caw xexni tz'och 'a scal te c'atzitz. Lajn pax 'oj wutc eb' 'icha jun topc taj tzn̈iln̈ni sc'aq'uil yic tz'ajx 'och 'a scal nan̈loc 'ixm trigo syuchn̈al xo yaji. 'Oj ya'cn lajwc 'el eb' smasnil jun tzo'n̈ nacion̈ 'ay 'a stz'ey. Ax eb' cajn 'a Jerusalén, wach' 'oj 'aj yaj cajn eb' 'a schon̈b' jun 'ejm xo.

Zacarías 2:4

'Ixc muc'uc, 'at al 'a jun quelm 'et'jnac jun ch'an̈ 'echtab' lum cha: To a Jerusalén 'oj b'ox cha'an̈, ax scajn eb' 'anma jun 'ejm xo. Caw 'oj niwtjoc sb'isl eb' 'anma cha, yel xo 'oj niwtjoc scajb'en noc' eb', man̈x 'oj stac' yoch smuroal chon̈b' cha.

Mt 26:56

Palta 'ixtn tic tz'aji, sec tz'el'ch tas tz'ib'b'il can yuj eb' schecb' Dios 'a Ch'an̈ U'un̈, xchi 'a ewinac. Ax eb' scuywum cha, xyactj can eb' sch'ocoj, 'ix 'at eb' 'elc smasnil.

Mt 5:18

Wal yel tzwal 'ayex, yowlal 'oj 'el'choc jantcn̈ej tas tz'ib'b'il can 'a ch'an̈ ley cha. Ya' sb'a 'ayt 'ec' yolyib'n̈q'uinl tic yet' satcha'an̈, may wal jac tas 'a Ch'an̈ Un̈ chi 'oj satli. Wach'xam junc letra, mto junc punto, may wal junc tas 'oj satoc, masnto 'oj 'el'choc jantcn̈ej tas 'ay 'a 'a.

Lc 24:44

Xlajw cha, xyaln pax 'a eb' 'ixtic: —A ticnec, 'ix 'el'ch 'icha yaj waln 'ayex, yic in 'ec' eyet'oc. 'In waljnac 'ayex, to yowlal 'oj 'el'choc jantcn̈ej wab'xil tz'ib'b'il can 'a ley yic Moisés, yet' tas tz'ib'b'il can yuj eb' schecb' Dios, yet' jun tzo'n̈ xo wab'xil 'a ch'an̈ libro salmos, xchi 'a eb'.