Is 44:18 - Chuj San Sebastian Bible

¹⁸ A wal jun tzo'n̈ 'anma 'ixta tzb'o cha, caw may snab'en eb'. Matz nachj 'el jac yuj eb', 'icha to matz uj yiln eb'.

Chuj San Mateo Bible

¹⁸ A val juntzan̈ anima chi', malaj spensar eb', max nachaj jab'oc yuj eb'. Macan sat eb', max uji yilan eb', macan spensar eb', max nachaj yuj eb'.

Is 44:18 ပူးပေါင်းရင်းမြစ်များ

Salmos 81:12

Yuj cha, xwa'n can 'at eb' 'a scal stenmtaquil, 'ix ya'n eb' sgana 'icha tznib'ej.

Salmos 92:6

A eb' 'anma may snab'en, mto eb' tz'ec' 'a yib'an̈, caw matz nachj 'el yuj eb'.

Pr 28:5

A eb' 'anma maysch'olnil, toc tznachj 'el tas tojl yuj eb', ax pax eb' tzya'ch sb'a yico'oc Jehová, tznachj 'el yuj eb'.

Is 1:3

A no wacax yojc no yajal, yet' no b'uru yojc no 'aj tz'ajx wa yuj mach 'ay yico'. Palta ax in chon̈b' Israel, toxn man̈ jac tznachj 'el yu'uj toto wico', 'icha to may xon snab'en, xchi.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

Is 29:10

Yujto a Jehová, a 'ix a'n cot jun 'icha niwquil wayn̈ 'a eyib'an̈. Ax eb' schecb' Dios, a eb' tz'ilni tas tzjaw 'a eyib'an̈, palta 'ix smac Dios sat eb' schecb' cha, 'icha junc mach tzmacx sat yet' junc nip.

Is 44:19

Matz cham wal snan junc cha, yuj cha, matz nachj yaln 'ixtic: A yet' sc'axpil jun te tic 'ix wa'ch in c'ac', 'ix uyb' 'elt woch 'a 'a. Xin b'oln pax 'elt in chib'j 'a 'a, xlajw cha, in wa'i. ¿Tom smoj wal tzin b'o junc yechl comn dios yajb'il 'el yet' jab'x sobrail jun te tic? ¿Tom smoj tzin 'em cumn waln in b'a 'a jab'x yib'te tic? tom xchi.

Is 44:20

A jun tzo'n̈ 'anma 'ixta tzyutj sb'a cha, 'icha to a stan̈il c'ac' tzc'ux eb', juwnacx 'el snab'en eb', satnc eb'. A jun tzo'n̈ 'anma cha, ma'oj stac' scoln sb'a eb'. Matz nachj 'el yuj eb', toto a tas b'ob'il yuj eb' cha, may jac yel'chi.

Is 44:9

A eb' tzb'on yechl jun tzo'n̈ comn dios, may jac yel'ch eb', may pax yel'ch jun tzo'n̈ yechl tzchamc'ojlej eb' cha. A eb' tz'och 'emmquilal 'a jun tzo'n̈ cha, 'icha to matz uj yiln eb'. May snab'en eb', yuj cha, caw 'oj can eb' 'a q'uixwc'ojlal yu'uj.

Is 45:20

Tzyaln pax Dios 'ixtic: Jantcn̈ej mach 'atnc can 'eloc, molb'tzejc e b'a, tzex coti. Caw wal may jac e nab'en, yuj cha, a te te tzeya'ch e diosaloc, tzlaj e b'achnb'eyc'oc, tzeyaln e b'a 'a jun dios to matz tac' scolwji.

Is 56:11

A eb' stan̈mal in chon̈b' tic, lajn eb' 'icha no tz'i 'ayn̈j swejel, toxn may tz'aj sb'ut'ji, 'ixta eb'. Toxn may jac tas tznachj 'el yuj eb'; cojn tas tznib'j 'och eb' 'a mun yico', a chi tzlaj sayc' eb'.

Jeremías 10:14

Smasnil eb' 'anma tzya'ch jun tzo'n̈ yechl yipc sc'ojol, caw may snab'en eb', may tas yojc eb'. A eb' tenm q'uen cha, caw tzq'uixw 'el eb' yuj jun tzo'n̈ yechl tzb'o cha. A jun tzo'n̈ tzb'o eb' cha, may jac yel'chi, may spixan.

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Jeremías 5:21

Ex chon̈b' to may jac e nab'en, a ticnec 'ab'c jun tzo'n̈ tic. 'Ay yol e sat, palta matz eyila, 'ay e chiquin, palta matz eyab'i.

Jeremías 51:17

A wal eb' 'anma', yel xo may jac snab'en eb', toc tzq'uixw eb' jac yuj jun tzo'n̈ yechl tzlaj sb'o'. A jun tzo'n̈ yechl cha, man̈ pitznoc, ton̈j tzyac' satc sb'a eb' 'anma chi yuj eb'.

Ez 12:2

Ach 'anma', ach tic cajn ach 'ec' 'a scal jun c'aj eb' 'anma caw wal pit. 'Ay cob' yol sat eb', palta 'icha to matz tac' yiln eb'; 'ay pax cob' schicn eb', palta 'icha to matz tac' yab'n eb', yujto caw wal pit eb'.

Dn 12:10

Yuj jun tzo'n̈ yailal cha, caw niwn 'anma 'oj 'ijxoc 'el smul, 'oj tojlb'oc can snab'en eb', caw wach' oj 'ajcn eb'. Ax eb' maysch'olnil sb'eyb'al, 'oj niwtjoc sb'on eb' maysch'olnil. Toxn ma'oj nachjoc 'el yuj eb' tas wan yuji. Palta ax eb' 'ay snab'en, 'oj nachjoc 'el yuj eb'.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Mt 12:34

Ax tic, caw 'ixtm 'anma 'ex, lajn ex 'icha no chan. Yuj cha, ¿tom 'ay jac tas wach' tz'el eyalni? Yujto an̈j tas 'ay 'a e nab'en, an̈j chi tzeyala.

Jn 5:44

Toto an̈j 'a e sat junjn ex tze nib'j 'ay eyel'chi, toto matz e nib'j 'ay eyel'ch 'a sat Dios jun caw yel, ¿tom 'oj stac' eya'n 'och e c'ojl 'a 'a?

Jn 8:43

¿Tas yuj matz nachj 'el eyu'uj, tas tzwal 'ayex? Tecn to matz yal e c'ojl tze chaj eyab' in paxti tic.

A Tas Sc'ulejnac Eb' Schecab' Jesús Hechos 14:16

A yic pecti', yactjnac can Dios eb' 'anma', sec mun tzb'o eb' 'icha tznib'ej.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

A Schab'il Carta San Pedro 2:14

Tzann̈j junc 'ix tzyil eb', caw tznib'jn̈ej 'och eb'. Caw matz tac' stenn 'och wan sb'a eb' sb'on 'ajmulal. Ax eb' mant 'a ste'nal, caw tz'ajx sc'ojloc eb' yuj eb'. C'ayncn̈ej eb' snib'n 'och maysch'olnil. Yuj cha, caw 'ayx cot yowl sc'ojl Dios 'a yib'n̈ eb'.