Is 44:15 - Chuj San Sebastian Bible

¹⁵ A 'a te', ata tzyijcan 'el win sc'atzitz, tzya'n 'och win sc'ac' yet' te', tzc'achn winac. Axta tzb'o 'elt win tas tzc'uxu. An̈jtona a yet' jacx te', ata tzb'o win junc yechl sdiosal. Tzlajw cha, tzyamn 'och win yem n̈ojn yaln sb'a 'a yojltac te'.

Chuj San Mateo Bible

¹⁵ Aton d'a te' tz'elta te' sc'atzitz vin̈, syac'anoch sc'ac' vin̈ yed' te' b'aj sc'axni. Sb'oanpax svael vin̈ yed' te' c'ac' chi'. Axo yed' jab'ocxo te', sb'o junoc yechel sdiosal vin̈, tz'och ijan vin̈ yoch ejmelal d'ay.

Is 44:15 ပူးပေါင်းရင်းမြစ်များ

2 Cr 25:14

A yic 'ix meltzj Amasías, yic smiln eb' 'aj Edom, atn eb' 'aj Seir, 'ix yij cot jun tzo'n̈ scomn diosal eb' 'aj Seir cha, xya'n 'och jun tzo'n̈ chi sdiosaloc, xyaln sb'a 'a 'a, 'ix sn̈usn incienso 'a 'a.

Is 2:8

Palta caw wal tzniwtj jun tzo'n̈ yechl comn dios 'a yol schon̈b' eb'. A eb' 'anma tic, tzlaj yac' 'ejm sb'a eb' 'a jun tzo'n̈ yechl tzlaj sb'o cha.

Is 44:10

A eb' tzb'on junc yechl comn dios 'a q'uen q'ue'en, nab'an̈ej tzyixtj sb'a eb' sb'oni.

Is 44:14

A te te tzc'anlb'ej win cha, 'ay 'aj a junc c'ute', junc q'uisis, mto junc te jiy mto c'u'taj tz'at sch'ac cot win 'a calc te'. Mto tzmac q'uib' win te 'a yune'al, mto a win 'awjnac te, ax n̈ab' tziclan te'.

Is 44:16

'Ilt nab'n jun, a yet' te c'atztz chi tzya'ch win sc'ac', tzb'oln win schib'j 'a te', man̈x jantcoc sja'l tz'aj win sb'ut'ji. Tzc'achn pax win 'a te', tzyaln win 'ixtic: Caw wal wach' tzin 'aj in q'uixn̈j 'a sti c'ac' tic tzwab'i, xchi winac.

Is 44:17

Ax yet' jacx te te chi tzcan cha, a yet' te tzb'o junc yechl sdiosal. Tzlajw cha, tz'em n̈ojn yaln sb'a 'a yojltac te'. Tzyamn 'och stew 'och 'a te 'ixtic: Coln 'eli, yujto in diosal ach, xchi win 'a te'.

Is 45:20

Tzyaln pax Dios 'ixtic: Jantcn̈ej mach 'atnc can 'eloc, molb'tzejc e b'a, tzex coti. Caw wal may jac e nab'en, yuj cha, a te te tzeya'ch e diosaloc, tzlaj e b'achnb'eyc'oc, tzeyaln e b'a 'a jun dios to matz tac' scolwji.

Is 46:6

'Ay mach til wal q'uen oro tzyijq'uet 'a yol smucuc, tzyechtan pax q'uen plata 'a yojl junc 'echtab'. Tzlajw cha, tztojn junc win tenm q'ue'en, sec tzb'o win junc sdiosal win cha. A yic tzb'o 'el'chi, tzyamn 'och win ya'n 'ejm sb'a 'a yojltac jun yechl cha, tzleslwi 'och 'a 'a.

Apoc 9:20

Palta ax eb' 'anma ma'ix cham yuj jun tzo'n̈ yailal cha, caw man̈ jac 'ix sna sb'a eb' yuj smul tzlaj sb'o'. Ma'ix yactj can eb' yaln sb'a 'a ewin demonio. Ma'ix yactj can pax eb' yaln sb'a 'a jun tzo'n̈ yechl tzalx 'och diosal, atn jun tzo'n̈ tzb'o yet' oro, yet' plata, yet' bronce. Tzb'o yet' q'uen q'ue'en, yet' pax te te'. A jun tzo'n̈ cha, matz yila, matz yab'i, matz b'ey paxi.

Jueces 2:19

Palta ax yic tzcham jun tzcolwj cha, tzmeltzj can pax eb' 'anma 'a spatic. Tzyamn 'och eb' sb'on maysch'olnil to caw 'ec'b'alxo 'a yib'n̈ tas sb'ojnac smam yichm eb'. Tzya'n 'ejm sb'a eb' 'a jun tzo'n̈ comn dios yic tzya'n servil eb'. Tz'em n̈ojn eb' 'a yojltac eb', matz yactj eb' sb'eylb'an stu b'eyb'al cha, caw pit eb'.