Is 43:5 - Chuj San Sebastian Bible

⁵ Man̈ex xiwoc, 'ayn 'ec' eyet'oc. 'Oj in molb'tzoc cot eb' eyit chon̈b' 'ay 'a stojlal 'aj tzq'uel c'u, yet' eb' 'ay 'a stojlal 'aj tz'ejm c'u, sec junxn̈ej 'oj eyaji.

Chuj San Mateo Bible

⁵ Man̈ ex xivoc, ayinec' eyed'oc. Ol in molb'ejcot eb' eyetchon̈ab' d'a stojolal b'aj sjavi c'u yed' b'aj tz'em c'u, junxon̈ej ol ex ajoc.

Is 43:5 ပူးပေါင်းရင်းမြစ်များ

Salmos 106:47

Mamin Jehová, qui Diosal ach on̈, colwjan̈ quet' on̈, tzon̈ a molb'tzej paxt 'a scal eb' chuc nacion̈al, sec tzqui mol b'itnej a b'i yet' qui tzaljc'ojlal.

Salmos 107:3

On̈ smolb'tzej cot 'a jun tzo'n̈ nacion̈ 'a stojlal norte, 'a stojlal sur, 'a stojlal 'aj tzq'uel c'u yet' pax 'a stojlal 'aj tz'em c'u.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 41:14

A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

Is 41:8

Tzyal Dios 'ixtic: Ex israel yin̈tl can Jacob 'ab'xnan̈c 'a tas tzwala, caw yel in checb' eyaji, an si'jnacx 'eli, ax tic yin̈tl ex can in wach'c'ojl Abraham.

Is 41:9

An ton ex wij cot 'a 'aj tzlajw c'och sti lum lu'um, ex wawtn cot 'a 'aj caw najt eyajcn 'ati. 'Ix waln 'ayx 'ixtic: In checb' ex, xin chi. An ex in si'cn 'eli, ma'ex in patquilj 'eli.

Is 43:1

Ax ticnec ex israel yin̈tl can Jacob 'ab'ec, a Jehová jun b'ojnaquex, a tzaln 'ixtic: Man̈ex xiwoc, an 'oj ex in colo', ex wawtj coti, yujto wiquex.

Is 43:2

A yic 'oj eyec' 'a yojl a mar, mto yic 'oj e c'axb'toc a niwc a tzb'eyi, ma'oj e jic' a'. A yic 'oj eyec' 'a scal c'ac', ma'oj e tz'a'i, yujto 'ayn 'ec' eyet' ta'.

Is 44:2

An Jehová in an ex in b'o'o yic mantzac ex 'alji, an tzin colwj eyet'oc. Man̈ex xiw ex 'aj Jesurún, ex yin̈tl can Jacob, in checb' ex, sic'b'ilx 'el wu'uj.

Is 49:12

'Iltec, 'ay jun tzo'n̈ 'anma tzcot 'a caw najat, 'ay eb' tzcot 'a stojlal norte, 'ay eb' 'a stojlal 'aj tz'em c'u, 'ay pax jun tzo'n̈ xo eb' tzcot 'a yol yic Sinim.

Is 49:18

'Ixc q'ueln 'a smasnil a tz'ey, wan laj syamnc pax sb'a smasnil eb' 'ijxnac 'at 'icha presoal, yic tzjapx eb' 'ayach. An Jehová in, mun tzin loc in b'i, tzwac' in ti 'ayach, to caw 'oj a b'an̈ a b'a yuj eb' a chon̈ab', atn eb' wan sjapx 'aych cha. 'Icha wal swach'l yilx tz'aj junc 'ix cob's 'ix yuj yixtal spichul yic tznupni, 'ixta wal 'oj aj yuj eb'.

Is 54:3

yujto 'oj lewnb'oc slugar cha. 'Oj yi'cn 'ec' slum eb' 'anma cajn 'a stz'ey 'a swach' c'ab' yet' eb' 'ay 'a stz'ey 'a surito; ax eb' yin̈tl b'aq'uin̈, a eb' 'oj cajnoc jun tzo'n̈ xo nacion̈ 'aj sictac yajcn jun tzo'n̈ chon̈b' cha, xchi Dios.

Is 54:7

Ach wactjcan jun tiempoal, palta yuj in chamc'ojlal 'ayach, tzach in chan pax jun 'ejm xo.

Is 61:9

Caw wal 'oj b'inaxc eb' eyin̈tl 'a scal jun tzo'n̈ xo nacion̈ b'aq'uin̈, ax smasnil 'anma 'oj 'ilnoc 'och eb', 'oj nachjoc 'el yuj eb' chajtlto an Jehová in, an tzwac' in wach'c'ojlal 'a eyib'an̈, xchi Dios.

Is 8:10

'Oj cob' e mol aloc tas 'oj eyutc e b'a, palta ma'oj scha sb'a eyalni; 'oj cob' eya'ch 'a yoclemal tas 'oj e b'o', palta ma'oj stac' eyu'uj, yujto 'ayc' Dios quet' on̈.

Jeremías 23:7

Tzyaln pax Jehová: A ticnec, a yic tzlocn eb' 'anma in b'i, tzyal eb' 'ixtic: Yojc wal Jehová, atn jun x'i'n 'elt eb' israel 'a Egipto, xchi eb'.

Jeremías 23:8

Palta ax yic 'oj b'ey tiempo, 'ixtc 'oj yutc eb' yalni: Yojc wal Jehová, jun x'i'n 'elt eb' israel 'a stojlal norte yet' 'a jun tzo'n̈ xo chon̈b' 'aj sactzicnac yajcn 'at eb', 'oj xchic eb'. 'Ixta to b'i'an, ax yaj cajn eb' israel 'a slum jun 'ejm xo, xchi Dios.

Jeremías 29:14

'Oj in ch'oxn̈j in b'a 'ayex. An Jehová in, an tzwala to 'oj in jel tas 'aych 'a eyib'an̈, ax ex wi'n cot 'a smasnil nacion̈, yet' 'a smasnil 'ajtil sactzicnac eyajcn 'at wu'uj. 'Oj ex in molb'tzoc paxta, ax e jab'x 'a 'aj 'ayx 'eq'ui, yic eyijx 'ati.

Jeremías 3:18

A 'a yic jun c'u cha, junxn̈ej 'oj yutc sb'a chon̈b' Judá yet' chon̈b' Israel. Junxn̈ej 'oj eyaj e meltzj cot 'a jun nacion̈ 'ay 'a stojlal norte, ax e jaw cajn 'a lum lum wa'jnac smacloc eb' e mam eyicham.

Jeremías 42:11

An Jehová in, an tzwala: Man̈ ex xiw 'a win sreyl Babilonia, atn win 'aj tzex caw xiwi. A ticnec man̈ ex xiwoc, yujto 'aynn̈ej 'ec' eyet'oc, 'oj ex in col-l 'a yol sc'ab'.

Jeremías 51:46

Man̈ ex 'och 'il, man̈ ex xiw yuj jun tzo'n̈ 'ab'x tzalx 'a yol chon̈b' cha. 'A junjn ab'il, chucchc tas tzb'inaxi, cojxn tas 'et'jnac yailal tzb'inaxi, 'ayxn̈ej 'och eb' yajl 'a owal.

Jl 3:7

Palta an 'oj wi'x 'elt eb' 'a 'aj e chon̈jnac can 'at cha, ax 'a eyib'n̈ 'oj wa'x can 'och yailal 'icha 'ajnc yab'n eb' syal cha.

Miqueas 2:12

'Icha tzyutj junc 'ilm calnelu smolb'tzan no calnelu 'a yol scolal, 'ixta 'oj ex wutc ex in molb'tzan cot e masnil ex yin̈tl Jacob, atn ex israel to 'oj to e cani. 'Icha junc lum 'a'lic b'ut'jnac 'el yuj no calnelu, 'ixta wal 'oj 'aj sb'ut'j pax 'el e lum eyu'uj.

Zacarías 8:7

An 'oj in col-l in chon̈b' 'a yol sc'ab' jun tzo'n̈ nacion̈ 'a stojlal 'aj tzq'uel c'u yet' 'a stojlal 'aj tz'em c'u.

Lc 13:29

Yujto 'ay eb' 'oj cot 'a junjn lugar 'a 'aj tzq'uel c'u, yet' 'a 'aj tz'em c'u, 'a stojlal sur yet' 'a stojlal norte. Ax yem wocn eb' wac 'a te mexa 'a 'aj 'aych Dios Yajlil.

Jn 10:16

'Ay pax jun tzo'n̈ xo eb' 'oj ya'ch sc'ojl 'ayin, palta man̈ quit chon̈b'oc eb'. Yowlal 'oj in molb'tzoc cot eb'. A eb' cha, 'oj syiclc eb' tas tzwala. Junn̈j 'oj 'aj eb' wic smasnil, yujto junn̈j mach tz'iln eb'.

Dt 30:3

toto 'ixta 'oj eyutc e b'a, ax Jehová qui Diosalec 'oj sjel pax snab'en 'a eyib'an̈. 'Oj 'o'x 'och sc'ojl 'ayex. Ax ex smolb'tzan cot jun 'ejm xo 'a jun tzo'n̈ nacion̈ 'aj pechb'ilx can 'at 'a 'icha presoal.