Is 43:23 - Chuj San Sebastian Bible

²³ Man̈x 'ic eyac' no calnelu xajmb'al-l 'ayin, man̈x 'a wel'ch jac 'a e sat yet' e xajmb'al cha. Ma'ix in c'ann̈j ofrenda 'ayex, ma'ex wac' pural eya'n incienso 'ayin.

Chuj San Mateo Bible

²³ Majxo eyac' noc' calnel silab'il d'ayin, man̈xa velc'och d'ayex yed' e silab' chi'. Maj in c'ann̈ej ofrenda d'ayex, maj ex vac' pural eyac'an incienso d'ayin.

Is 43:23 ပူးပေါင်းရင်းမြစ်များ

Nehemías 13:10

An̈jtona', xwab'n paxi to man̈xtzac 'ajx jun tzo'n̈ tas tzc'uxx 'a eb' levita, yet' eb' tzb'itni, eb' 'aych 'a yib'n̈ ya'n 'emmquilal, yuj cha, tolab' 'atnc eb' 'eloc, 'ix pax junjn eb' 'a slu'um.

Ex 30:34

'Ix yaln pax Jehová 'a Moisés 'ixtic: Molb'tzej cot jun tzo'n̈ tic, yic tza'n b'o jun incienso to wicn̈ej tz'aji: Tzcot stzatjil te estacte, stzatjil te incienso wach' sjab', stzatjil te gálbano yet' sjoxl jun tzo'n̈ e no noc' uña sb'i 'ay 'a yojl a mar.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Pr 21:27

A Jehová matz chaj sc'ojl yofrenda eb' maysch'olnil, ocxom wal eb' tzyac' yofrenda yet' stu nab'enal.

Pr 3:9

'Ac' yofrendail smasnil tas 'ay 'ayach, yuj e'n chan̈ sb'i Jehová. Tza'n pax yofrendail sat awb'en tzb'ab'l 'el-li.

Is 66:3

'Ay mach yel xo wal yajb'entac tas tzb'eylb'ej, caw wal tzalj eb' sb'on jun tzo'n̈ tic: 'Ay mach tzmiln junc wacx xajmb'alil, ax 'a in sat 'icha to a junc 'anma tzmila; a mach tzmiln junc no calnelu xajmb'alil, ax 'a in sat 'icha to a junc no tz'i tzc'uychtej 'el sjaj; 'ay mach tz'a'n sat yawb'en ofrendail, ax 'a in sat 'icha to a schic'l junc chitm tzyac'a; 'ay pax mach tz'a'n tz'a jun tzon̈ incienso, 'icha to a 'a yechl junc comn dios 'aj tzyal sb'a.

Jeremías 7:21

A Jehová jun tztac' yuj smasnil, atn sDiosal Israel, a 'ix aln 'a eb' schon̈b' 'ixtic: 'A'c e nab'en e chin no xajmb'al tzeyac' tz'aoc, yet' jun tzo'n̈ xo xajmb'al.

Jeremías 7:22

A yic 'ix wi'n 'elt eb' e mam eyichm 'a Egipto, may tas xwal 'a eb' yuj xajmb'al, yet' yuj ofrenda.

Lv 2:1

Toto 'ay junc mach tz'i'n cot 'ixm harina ofrendail 'ayn an Jehová in, a cab' 'ixm caw wach' tzyij coti, ax 'a yib'an̈, ata tz'ajx 'ejm aceite yet' incienso.

Lv 24:7

Tza'n 'ejm incienso caw wach' 'a yib'n̈ junjn latz'an̈, sec a jun incienso chi 'oj tz'a 'a wojltac yic tzch'oxn 'eli, to wic yaj 'ixm pan cha.

Am 5:25

Ex israel, a wal yic yec' eb' e mam eyichm chawinc ab'il 'a lum cusltac lu'um, caw man̈oc 'ayn ya'jnac tz'a eb' xajmb'al yet' yofrenda.

Miqueas 6:3

Ex israel tzcham wal eyab'n tas tzwala. Ta'wan̈c 'ayn ex in chon̈ab'. ¿Tom ex wixtej, mto 'ay wal tas tu xin b'o 'ayex?

Malaquías 3:8

An xo tic tzin c'anb'n 'ayex: ¿Tom smoj tz'elc'w eb' 'anma 'a sDiosal? Ax tic caw tzin eyelq'uej. Tze c'anb'n to pax 'ixtic: ¿Tas 'aj tzach quelq'uej? xe chi. A tas 'aj in eyelq'uej, atn 'a e diesmo yet' 'a eyofrenda.

Mt 11:30

Yujto a jun 'icha 'ictz tzwac' e cuch tic, man̈ 'aloc, man̈ 'ajltacc in eya'n servil, xchi Jesús 'a eb'.