Is 43:17 - Chuj San Sebastian Bible

¹⁷ 'Ix yac' 'eltoc jun b'uln̈ eb' soldado, yet' eb' scaruaje, yet' pax eb' schej, palta 'ix satl eb' yu'uj. 'Ix telw can 'ejm eb', man̈x 'ic stac' sq'uex wan eb', 'ix satl eb' 'icha tz'aj stup sc'a'l junc cantil.

Chuj San Mateo Bible

¹⁷ Yac'annac elta jun nivan n̈ilan̈ eb' soldado yed'nac scarruaje yed' noc' chej, palta satnaquel eb' yuuj. Satnaquel eb' smasanil, man̈xalaj eb' cannac. Satnaquem eb' icha stup sc'ac'al candil.

Is 43:17 ပူးပေါင်းရင်းမြစ်များ

Salmos 118:12

'Ix 'och oyn eb' 'ayn 'icha no sno'l 'acan̈, ax yowl sc'ojl eb' chi 'ayin, 'ix tup 'icha tzyac' te c'ac' 'a scal q'ui'ix; yuj scolwal Jehová 'ix wa'n ganar in satn 'el eb'.

Ex 15:19

A yic x'e't scaruaje win sreyl Egipto yet' jun tzo'n̈ xo eb' 'et'jnac no chej 'a yojl a mar, 'ix schan sb'a a 'a yib'n̈ eb' yuj Jehová. Ax pax eb' israel, caw wach' 'ix 'aj ye't eb' 'a stacn̈il lum lum 'a yojl a mar cha.

Ex 15:4

A scaruaje win sreyl Egipto, eb' soldado yet' eb' 'aych yajlil yet' winac, 'ix mucchjcan 'ejm eb' yet' jun tzo'n̈ chi 'a yojl a Chac Mar yuj Jehová. A eb' capitan̈ niwn yel'ch yet' yopiso, 'ix 'atcn eb' 'a yojl a mar cha.

Is 1:31

A junc 'anma caw te'n yaj 'a tzyutj snani, 'icha xoj te 'ac 'ixta 'oj 'ajoc; ax jun tzo'n̈ yechl xlaj sb'o cha, 'oj 'och n̈ilnjoc sc'aq'uil, lajn 'oj 'aj scan sc'ac'l eb' 'a schac'ajil, man̈x 'a mach 'oj stac' stupn jun c'ac' cha, xchi Dios.

Jeremías 51:21

Xin mil cham no chej yet'oc, yet' eb' 'ay q'ue 'a yib'n̈ no', yet' jun tzo'n̈ caruaje, yet' pax eb' 'aych 'a yojol.

Ez 38:4

'Oj wa'ch junc q'uen 'icha ch'oc 'a yaln̈ a ti', ax ach in to'n meltzjoc. 'Oj ach wi' cot 'a tic yet' smasnil eb' a soldado 'ay q'ue 'a yib'n̈ chej, eb' to yet'n̈j syamc'ab' yic owal, eb' soldado yet' yespada, eb' 'et'jnac syamc'ab' tzmacn sat jul-lab', yet' pax smasnil jun tzo'n̈ xo yamc'ab' yic owal.

Mt 12:20

'Ay eb' caw 'oltac, 'icha junc te 'aj tzpacchji, mto 'icha junc cantil wan stupi, 'ixta 'eb'. Palta a 'oj colwjoc 'a eb', ma'oj yixtc eb'. 'Ixta 'oj yutc sb'a, masnto 'oj 'och Yajlil. Ax ya'n yajlil 'a stojlal.

Jueces 4:16

Ax win Barac, spech win eb' soldado win Sísara yet' pax eb' 'et'jnac q'uen q'uen caruaje cha, masnto xc'och eb' 'a Haroset-goim. C'uxn xcham eb' soldado chi smasnil ta', man̈x 'a junc eb' xcani.