Is 43:15 - Chuj San Sebastian Bible

¹⁵ Ex israel, an Jehová in, an b'ojnac ex, e Diosal in, e Reyl in paxi, xchi Dios.

Chuj San Mateo Bible

¹⁵ Ex israel, a in Jehová in in b'onac ex. E Diosal in, A inxon̈ej Ochi, e reyal in paxi, xchi Jehová.

Is 43:15 ပူးပေါင်းရင်းမြစ်များ

Salmos 149:2

Ex wit israelal, tzaljan̈c yuj jun mach 'ijnac 'el yich sb'on qui chon̈b'ec tic,*f3* ex 'aj Sión tzaljan̈c yet' qui Reyal.

Salmos 74:12

Palta yictax pecti', qui Reyl xon aj on̈; til wal 'ajtil 'ix ac' ganar owl 'a sat lum lum tic.

Is 30:11

'Eln̈ec 'a yol qui b'e 'on̈. A jun Dios To Cojxni, atn qui Diosal an̈ israel on̈, caw man̈ eyal cot 'ayon̈, xchi eb'.

Is 31:1

'Oltac wal ex tz'at e sayc' scolwal Egipto. A eb' soldado yet' schej, yet' scaruaje to caw niwn sb'isul, a chi tzeya'ch yipc e c'ojol, palta matz ex q'ue q'ueln jac 'a Jehová, atn jun Dios To Cojxni.

Is 33:22

A Jehová a 'aych qui juezaloc, a tzb'on qui leyal, a pax 'aych qui Reyloc, a tzon̈ colnec paxi.

Is 40:25

A Dios Cojxn toni, a tzc'anb'n 'ixtic: ¿Mach junc 'oj in e lajb'tzoc yet'oc? ¿Toc 'ay mach lajn xon wet'oc? xchi.

Is 41:14

A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

Is 41:16

Ax e tzicn can 'at 'a cal 'ic', ax 'ic' chi 'oj 'i'nc can 'ati, sactzicnac 'oj 'ajcn yuj chacxuxm'ic'. 'Ixta to b'i'an, ax eyi'n e tzaljc'ojlal 'a 'ayn an Jehová in, ax e b'an̈n e b'a wu'uj, To Cojxn in Ton Dios In.

Is 41:20

sec wach' tzyil smasnil 'anma', ax snachj 'el yuj eb', chajtlto an ton Jehová in, an 'ix 'in b'o jun tzo'n̈ tic yet' in poder. Cojxn In Ton e Diosal In, an 'ix wac' 'el'choc jun tzo'n̈ tic, xchi Dios.

Is 41:21

A Jehová sReyl eb' yin̈tl Jacob, a tzaln 'ixtic: Cotn̈ec ex yechel, wul ch'oxc e jelnal, cotn̈ec, wul ch'oxc e colwal.

Is 43:1

Ax ticnec ex israel yin̈tl can Jacob 'ab'ec, a Jehová jun b'ojnaquex, a tzaln 'ixtic: Man̈ex xiwoc, an 'oj ex in colo', ex wawtj coti, yujto wiquex.

Is 43:21

B'ob'ilx wu'uj, yic tzeyaln wach' paxti 'ayin.

Is 43:3

An Jehová in, e Diosal in, e colmal waji, Cojxn In Ton e Diosal In. An 'ix wa'ch Egipto, Etiopía, yet' chon̈b' Seba e mannb'iloc.

Is 43:7

Atn smasnil eb' wico', an in pitzjnac 'el eb', in b'on eb', yuj yi'nb'ilc chan̈ in b'i, 'oj in chioc.

Is 44:6

A Jehová Rey tztac' yuj smasnil, a tz'a'n 'el eb' israel 'a libre, a tzaln 'ixtic: An ton tic b'ab'l waj 'a smasnil, slajb' in paxi, cojn in ton Dios in, may junc xo.

Is 45:11

A Jehová qui Diosal an̈ israel on̈ tic, atn jun Dios To Cojxni, a b'ojnac n̈ec, a tzaln 'ixtic: ¿Tom ax 'oj eyal 'ayin tas 'oj in b'o yet' eb' wunnal 'a yic b'aq'uin̈? ¿Tom ax 'oj eyac' in nab'enoc tas 'oj in b'o'?

Is 47:4

A qui colmal an̈ israel on̈ tic, atn jun Dios To Cojxni, Jehová tztac' yuj smasnil, 'ixta yalx sb'i. A tzaln pax 'ixtc 'a chon̈b' Babilonia:

Is 48:17

A Jehová qui Diosal an̈ israel on̈ tic, jun Dios To Cojxni, a tzaln 'ixtic: An Jehová e Diosal in, an tzin ch'ox 'ayex tas wal 'oj 'och e wach'loc, an tzin ch'ox pax e b'e 'aj smoj 'oj e 'ati.

Jeremías 51:5

Wach'xam a eb' 'aj Israel yet' eb' 'aj Judá, caw 'ix 'och smul eb' 'ayin, palta an̈ja mantzac wij 'el in c'ojl 'a eb' an Jehová in, tztac' wuj smasnil, sDiosal in eb', to Cojxn̈ in.

Habacuc 1:12

Mamin Jehová, ¿tom man̈ toc 'aych 'ec' 'a jun 'ejmn̈ej jun? Ach in Diosal, cojxn̈ej ach ton Dios ach. Ma'oj on̈ a cha satl 'a jun 'ejmn̈ej on̈, qui Colmal aji. Ach 'ix ac' yip eb' caldeo yuj a'n 'och yailal 'a quib'n̈ yuj qui mul on̈.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Apoc 3:7

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Filadelfia: 'Ay jun caw wach'n̈ej, caw yel. A syawe win rey David a 'ayc' 'a yol sc'ab'. A yic tzjacni, may mach tztac' scomn macni. Ax yic tzmacni, may mach tztac' scomn jacn paxi. A tzaln 'ayx 'ixtic: