Is 42:25 - Chuj San Sebastian Bible

²⁵ Yuj wal cha, 'ix cot yowl Dios, xya'n 'och yailal 'a yib'n̈ eb', 'ix jaw wal jun niwquil owl 'a yib'n̈ eb', 'icha wal sn̈ilchj te c'ac', 'ixta 'ix 'aj sjawi; palta man̈ yujoc cha 'ix sna sb'a sc'ojl eb'.

Chuj San Mateo Bible

²⁵ Yuj val chi' jun, ix cot yoval Jehová d'a eb', ix ac'jioch syaelal eb'. Ix javi jun oval icha sq'ue n̈iln̈on te' c'ac' d'a yib'an̈ eb', palta man̈ yujoc chi' ix sna sb'a eb'.

Is 42:25 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 25:9

'Ix ya'n n̈usxoc can yatut Dios yet' sdespacho win rey yet' smasnil yatut eb' 'aj Jerusalén, yet' pax smasnil yatut eb' niwc winac.

Job 40:11

Tzcham wal eln 'och eb' b'an̈quintac yeq'ui; 'ac' owl yet' eb', masnto tz'em eb' o'oj.

Is 29:13

Atn yuj cha, xyaln Jehová 'ayn 'ixtic: A eb' 'anma tic, tzcob' yal eb' to tzin yac' servil eb', tzyaln cob' eb' to 'ay wel'ch 'a sat eb', palta ax snab'en eb' caw najt yajl 'ayin. Tzcob' yal sb'a eb' 'ayn yalni, palta cojn jun tzo'n̈ checnb'il tzlaj spitzchan̈ eb' 'anma', a chi tzyac' eb' cuyxoc.

Is 47:7

'Ix aln 'ixtic: An tic yajl in 'a smasnil tiempo, xa chi. May wal jac xa na 'a yib'n̈ jun tzo'n̈ tic, ma'ix nachj 'el o'oj tas 'oj aj 'el'chi.

Is 48:8

Yel toni, a jun tic mant 'a 'aj eyab'jnac, mant eyojcoc, an̈jtona mantzac eyab' pax ticnec. Yujto wojtac to man̈ ex yiclumoc, tenmtacx xon 'a yic mantzac ex 'alji.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 57:1

A yic tzcham eb' 'anma wach' snab'en, ¡toc 'ay mach tznan eb'! A yic tzsat 'ejm eb' wach' snab'en cha, toc 'ay mach tznachj 'el yu'uj, to a yic tzcham eb' cha, to tzcolchj 'el eb' 'a yol sc'ab' smasnil yailal.

Is 57:11

¿Mach cob' jun tzo'n̈ nacion̈ chi 'aj tz'ex xiwi? Yuj cha, in eyactn cani, in eya'n sat 'a e c'ojol. An tic ton̈j sictac waji, toc 'ay tas tzwal 'ayex.

Is 9:13

Ma'oj sna sb'a eb' yic tzyaln sb'a eb' 'a Dios, wach'xam 'aych eb' 'a syailal. Ma'oj ya'ch eb' sc'ojl 'a Jehová tztac' yuj smasnil.

Is 9:19

Yujn̈ej yowl sc'ojl Jehová tztac' yuj smasnil, yuj cha, ax slajw 'el jun chon̈b' tic. 'Icha n̈ej stz'a te 'ac yuj c'ac', 'ixtan̈ej 'oj 'aj slajw 'ejm eb' 'anma tic, man̈x 'oj sna eb' yit 'anma'il.

Jeremías 12:11

Cusltac x'ajcn in chon̈b' yuj eb', caw wal tzcus tzwila. Smasnil jun nacion̈ tic, cusltac x'ajcni, man̈x 'a mach tznan jab'oc.

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Lm 2:3

A yic xcot yowl sc'ojl cha, caw yajn̈ej 'ix satn 'el smasnil eb' soldado chon̈b' Israel. Man̈x 'ic colwj yet'oc yic xjaw eb' 'ajc'ojl 'a 'a. 'Ix ya'ch yowl sc'ojl 'a yib'n̈ eb' yin̈tl Jacob, lajn wal jun yowl sc'ojl chi 'icha tzyac' junc c'ac' tz'a smasnil tas yu'uj.

Lm 2:4

A Cajlilec lajn xyutj sb'a 'icha junc 'ajc'ojol, 'ix yij chan̈ sc'ab' yet' sjul-lab', xyi'n 'at 'a spatic; lajn wal xyutj sb'a 'icha junc milm 'anma'. 'Ix smiln cham smasnil eb' 'anma xajn cu'uj. 'Icha wal c'ac', 'ixta xyutj ya'n cot yowl sc'ojl 'a yib'n̈ eb' cajn 'a Sión.

Ez 20:34

'Oj ex in molb'tzoc cot 'a jun tzo'n̈ nacion̈ 'aj sactzicnac eyajcn 'ati, ax wa'n 'och eyailal yuj yowl in c'ojol.

Os 7:9

A eb' chuc chon̈b'al 'ix 'i'n 'el yip eb', palta matz yil cot sb'a eb'. 'Icha to sacx xil sjolm eb', palta matz yil sb'a eb'.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Malaquías 2:2

Ax tic, yowlal 'ay cab' wel'ch 'a e sat yet' eyopiso. Toto ma'oj eyicloc, to 'ixta', 'oj ex in catb'oc can 'eli. 'Oj wa'cn 'och e alj wach' paxti 'a catb' paxti'al. Wal yel, a jun eyopiso cha, tox xin catb'ej cani, yujto may yel'ch in checnb'il 'a e sat.

Dt 32:22

A wal yowl in c'ojol, 'ix n̈ilchjchan̈ 'icha junc c'ac' tz'at 'a yol lu'um. Smasnil tas 'ay 'a sat lum lum tic, tz'a smasnil yet' lu'um, caw wal tzxexni yilx sn̈ilchj c'ac' 'a yich lum niwc witz.