Is 42:20 - Chuj San Sebastian Bible

²⁰ Ex israel, caw 'ay cob' tas tzch'oxx eyila', palta matz e chamc'ojlej eyilni; caw wach' eyab'ni, palta matz e chaj eyab'i'.

Chuj San Mateo Bible

²⁰ Ex israel, te ayn̈ej tas sch'oxji eyila', palta max eyac'och d'a e c'ool eyilani. Syal eyab'ani, palta max e cha eyab'i, xchi Jehová.

Is 42:20 ပူးပေါင်းရင်းမြစ်များ

Salmos 107:43

A eb' jeln snab'en, smolcn cab' eb' jun tzo'n̈ tic 'a snab'en, sec 'oj yojcoc 'el eb' to caw niwn schamc'ojlal Jehová 'a eb'.

Is 1:3

A no wacax yojc no yajal, yet' no b'uru yojc no 'aj tz'ajx wa yuj mach 'ay yico'. Palta ax in chon̈b' Israel, toxn man̈ jac tznachj 'el yu'uj toto wico', 'icha to may xon snab'en, xchi.

Is 58:2

Junjn c'u tzcob' 'och eb' 'a 'emmquilal 'ayn yalni. Caw tzalj cob' eb', tznib'n eb' cob' yojcoc 'el in b'eyb'al. Lajn xo wal tzyutj sb'a eb' 'icha junc chon̈b'al eb' 'anma tzb'on swach'il. May 'aj tzyij 'el eb' snab'en 'a in checnb'il. Caw tznib'j eb' cob' yojcoc 'el jun tzo'n̈ checnb'il yic tojlal, tzch'oxn eb' 'ilxoc to 'ay stzaljc'ojlal eb' sjaw 'ayin.

Is 6:9

'Ix yaln 'ayin: 'Ixic, 'at al 'a jun tzo'n̈ eb' 'anma chi 'ixtic: Tzcob' eyab' tas tzalxi, palta matz nachj 'el eyu'uj, tzcob' eyila', palta matz eyojquej 'eli tas jun cha, xa chi 'a eb'.

Jeremías 6:10

In ta'w 'ixtc 'a 'a: ¿Mach 'ajtil 'oj wala', sec 'oj yab' jun 'ab'x 'oj wal 'a tic? Mamin, 'icha wal to macn schicn eb', caw matz yab' eb'. Ton̈j tzb'uchwj eb', matz chaj sc'ojl eb' a paxti'.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Ez 33:32

Ach tic, lajn ach 'icha junc 'aj b'it caw wach' sb'itn tzyab' eb', caw wach' yol sjaj, caw wach' pax syucn arpa. 'Ixta ach 'a sat eb'. Tzchaj eb' yab' tas tzala, palta matz b'eylb'ej eb'.

Nm 14:22

A eb' x'iln in tzictznil tic, yet' milagro in ch'oxjnac yil eb' 'a Egipto, xin ch'oxn pax yil eb' 'a lum cusltac lu'um, palta slajn̈ 'ejmal xo in ya'n prowal eb' tic, matz yiclj eb' xon tas tzwala.

Mt 13:13

Yuj cha, an̈j jun tzo'n̈ 'ab'x ya snachj tic tzwal 'a eb'. Yujto wach'xam tzyil eb' junc tas, ton̈j tzcann̈j eb' 'ixta'. 'Icha to may tas tzyil eb'. An̈jtona', wach'xam tzyab' eb', palta matz nachj xon 'el yuj eb'.

Ro 2:21

Caw cuywjum ex 'a jun tzo'n̈ xo mach. Palta ¿tas yuj matz e cuy pax wal e b'a? Tzeyala to matz tac' eyelc'wi, palta 'in 'elc'm ex.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.