Is 41:29 - Chuj San Sebastian Bible

²⁹ May xon junc eb' 'ay yel'ch jab'oc, toc 'ay tas tztac' sb'on eb', yuj cha, nab'an̈ej 'ay jun tzo'n̈ yechl cha, xchi Dios.

Chuj San Mateo Bible

²⁹ Malaj junoc eb' ay yelc'och jab'oc, malaj tas syal sb'oan eb', yuj chi' juneln̈ej malaj jab'oc yopisio juntzan̈ yechel b'ob'il chi', xchi Dios.

Is 41:29 ပူးပေါင်းရင်းမြစ်များ

Salmos 96:5

A smasnil scomn diosal eb' chon̈ab', caw may jac yel'ch eb', al pax Jehová caw niwn yel'chi, yujto a b'ojnac satcha'an̈.

Is 17:8

Man̈x 'oj 'at yil eb' jun tzo'n̈ yet'l xajmb'al b'ob'il yu'uj, atn jun tzo'n̈ tzya'ch eb' yipc sc'ojol. Man̈x 'a yel'ch jun tzo'n̈ te te sch'oxnb'il sdiosal eb' tzcuch Asera, yet' jun tzo'n̈ yet'l xajmb'al eb' 'aj tzn̈us incienso.

Is 2:8

Palta caw wal tzniwtj jun tzo'n̈ yechl comn dios 'a yol schon̈b' eb'. A eb' 'anma tic, tzlaj yac' 'ejm sb'a eb' 'a jun tzo'n̈ yechl tzlaj sb'o cha.

Is 37:19

Tz'anc sdiosal eb', yujto wal yel man̈ diosoc jun tzo'n̈ cha. 'Anma b'ojnac, te eb', q'uen eb'. Yuj cha, xtechj satn 'el ewin eb'.

Is 41:24

Palta ax tic, caw may jac eyel'chi, toc 'ay tas tztac' eyu'uj. A eb' tzyac' 'ejm sb'a 'ayex, smoj spatquilx can 'el eb'.

Is 46:7

Tzya'n q'ue 'a sjolm squelab', tzyi'n 'ati, tzya'n q'ue 'a sat junc mexa, sin̈n̈i tzyutj can 'a yet'ul sec matz 'ib'xi. Wach'xam jantc yawj 'och jun 'ay yic chi 'a 'a, yic tzc'ann scolwal, palta matz ta'w xon jun yechl cha, matz tac' scolx 'el jun chi 'a syailal yu'uj.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Jeremías 5:13

A eb' schecb' Dios cha, caw may yel'ch tas tzyal eb', man̈oc spaxti Dios tzyal eb', xchi eb'. Palta a Jehová Dios, jun tzta'n̈j yuj smasnil, a 'ix aln 'ayn 'ixtic: Yujn̈ej to 'ix yal eb' jun tzo'n̈ paxti cha, yuj cha, 'ixtc wal tas 'oj jawc 'a yib'n̈ eb'. A 'in paxti 'oj 'eltoc 'a a ti', lajn 'oj wutc 'icha te c'ac', ax eb' chon̈b' tic, lajn 'oj 'aj eb' 'icha te c'atzitz. Ax jun c'ac' chi 'oj 'a'nc lajwc 'ejm eb' smasnil, xchi Dios.

Habacuc 2:18

May yopiso jun tzo'n̈ comn dios tzb'o eb' 'anma'. A jun tzo'n̈ cha, ton̈j tzex yac' satoc. Matz tac' spaxtini, palta ¿tas yuj a eb' tzb'oni, caw tzya'ch eb' yipc sc'ojol?

Zacarías 10:2

Man̈ 'ixta'oc spac tz'ajx 'a eb' tzc'anb'n yab' junc tas 'a jun tzo'n̈ yechel, yet' 'a eb' 'ajchum. A tas tzyal eb' cha, 'esn̈j smasnil, may jac yel'chi. A tas tzyal eb' tzwaych'ni, ton̈j tz'ixtx paxti junc mach chi yuj eb'. A spaxti eb' tz'a'n sniwnal sc'ojl cob' junc mach, may jac swach'il. Yuj cha, ton̈j tzsatc' eb' chon̈b' chi 'icha no calnelu tzsatq'ui, tzyab'n syail yujto may yilmal.

Jueces 18:17

Ya' sb'a 'ayc' jun ya'mal 'och sti eb' 'anma chi 'a sti puerta yet' eb' waque ciente soldado cha, ax eb' own̈ 'ilm lum cha, 'ix b'ab'l 'och eb' 'a yol n̈a. 'Ix yi'n 'elt eb' jun yechl to tzeyb'il cha, jun chaleco cha, yet' jun tzo'n̈ xo yechel.

A Ch'an̈ B'ab'el Libro Samuel 12:21

Man̈ ex 'och tza'n yuj jun tzo'n̈ comn dios may jac yel'chi, matz tac' scolwj eyet'oc, matz tac' ex scoln paxi.