Is 41:25 - Chuj San Sebastian Bible

²⁵ 'Ix wac' checlj chan̈ jun mach 'a stojlal norte, 'oj wawtc coti, ax scot 'a 'aj tzq'uel c'u, ax yaln sb'a 'ayin. A 'oj te'nc 'ejm eb' syajlil chon̈ab', 'icha wal tz'aj ste'x lum b'iq'uich, 'icha wal tzyutj win tz'acm ste'wtan̈n lum b'i'ch cha, 'ixta 'oj 'ajcn eb' yu'uj.

Chuj San Mateo Bible

²⁵ Ol vac' checlaj jun mach d'a norte, ol vavtejcot d'a stojolal b'aj sjavi c'u, ol yalan sb'a d'ayin. A' ol tec'anem eb' yajal, icha stec'ji lum soc'om yuj vin̈ tz'acum luum, icha chi' ol aj eb'.

Is 41:25 ပူးပေါင်းရင်းမြစ်များ

A Ch'an̈ Schab'l Libro Samuel 22:43

Caw choc' 'ix 'aj eb' wu'uj, 'icha wal lum pococ xwutj in te'n chojc eb', 'icha wal tz'aj ste'x lum b'i'ch 'a yol caye.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Is 21:2

Caw wal 'ay xo smay jun tas x'ajx wil tic 'a 'icha waychil. A mach toxn to tu snab'en, caw tu tas tzb'o'o, a mach milwjum xoni, caw tzmilwjn̈ej. 'Ixquec mu'c 'a owl ex 'aj Elam, ex 'aj Media, 'ochn̈ec oyn 'a chon̈b' Babilonia. Smasnil jun tzo'n̈ yailal xya'ch Babilonia cha, c'uxn 'oj 'och wan yuj Jehová.

Is 41:2

¿Mach 'oj 'a'n checljoc jun rey 'a 'aj tzq'uel c'u? ¿Mach 'oj 'a'n yac' ganar jun rey chi owal yic tzann̈j 'aj 'oj 'ec'oc? ¿Mach 'oj 'a'n 'och jun tzo'n̈ nacion̈ 'a yol sc'ab' jun rey cha, sec tzyij 'ejm sb'a eb' 'a 'a? A yespada yet' sjul-lab' jun rey cha, a 'oj pechnoc 'el eb', ax sactzic can 'at eb' 'a juncxo lugar 'icha tz'aj solcal trigo tzpucn 'at 'a scal 'ic'.

Is 44:28

An tzwal 'a win Ciro 'ixtic: Ach 'aych 'och yilmalc wu'uj, ach 'oj a b'o smasnil tas tzin nib'ej, xin chi 'a 'a. Tzwaln 'a Jerusalén: Ach tic 'oj a b'ox chan̈ jun 'ejm xo, ax yajx pax 'ejm yich watut jun 'ejm xo, xin chi 'a 'a, xchi Dios.

Is 45:1

A Jehová a 'ix si'n 'och Ciro reyal, caw a 'ix quetzn b'ey yet' swach' c'ab', sec tz'ejm jun tzo'n̈ nacion̈ yu'uj, yuj pax yi'n 'ec' yopiso eb' rey. A Jehová, a 'oj 'a'nc jacwc spuertail jun tzo'n̈ chon̈b' 'a Ciro, may junc mach 'oj stac' smacni. Yuj cha, tzyaln Dios 'a 'ixtic:

Is 45:13

An Jehová in tztac' wuj smasnil, 'oj in b'o snab'en win Ciro sec 'oj sb'o tojlal. An 'oj wac' nachjoc 'el yu'uj sec a wach'l 'oj sb'o'. A 'oj b'onc pax in chon̈b' Jerusalén jun 'ejm xo. Ax eb' in chon̈b' to 'ijxnac 'at 'icha presoal, 'oj 'ajxoc 'el eb' 'a libre yuj 'a nab'an̈ej. May tas 'oj stoj eb', may pax spac 'oj yac' eb' 'a 'a, xchi Dios.

Jeremías 1:14

Yuj cha, xyaln Jehová 'ixtc 'ayin: A 'a stojlal norte cha, ata 'oj cot yailal 'oj jawc 'a yib'n̈ smasnil eb' 'anma cajn 'a tic.

Jeremías 50:3

A 'a stojlal norte, ata 'oj cot jun nacion̈ 'oj wul 'a'nc owl yet'oc. A 'oj 'a'noc can 'och 'a cusltaquil. Man̈x 'a 'anma 'oj can cajn 'a 'a, man̈x 'a pax no noc'. 'Oj 'at 'elc smasnil, xchi Dios.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.

Zacarías 10:5

'Oj ste'cn 'ejm eb' smasnil eb' 'ajc'ojl yajch 'a 'a, 'icha tzyutj eb' soldado ste'n chan̈ b'i'ch 'a yol caye. 'Oj yac' ganar eb' owal, yujto 'ayn 'och yet' eb'. A eb' soldado 'ay q'ue 'a yib'n̈ chej, 'oj can eb' 'a yaln̈ yuj eb'.

Apoc 16:12

Xlajw cha, ax jun swacl ángel, 'ix secn 'ejm sb'al svaso 'a yib'n̈ a niwquil a Éufrates. Ax jun a cha, 'ix tupi. 'Ix tacj can sb'e a'. 'Ixta x'aj sb'o jun sb'e eb' yajl xcot 'a stojlal 'aj tzq'uel c'u.