Is 40:31 - Chuj San Sebastian Bible

³¹ Ax pax eb' cojn Jehová tzya'ch yipc sc'ojol, caw tzwach' 'och yip eb'. 'Oj stac' sb'ey eb' 'icha wal sjen̈w no salt'iw, 'oj stac' ya'n eb' carela, palta ma'oj c'unb'oc eb', ma'oj 'el pax yip eb' sb'eyi.

Chuj San Mateo Bible

³¹ Palta a val eb' an̈ej Jehová ayoch yipoc sc'ool, tz'ochn̈ej yip eb'. Te tec'an eb' icha noc' nivac ch'acb'a sq'ue jen̈naj yed' yip d'a chaan̈, scarelavi eb', palta max c'unb'ilaj eb', sb'ey eb', palta max el-laj yip eb'.

Is 40:31 ပူးပေါင်းရင်းမြစ်များ

Job 17:9

A eb' wach' snab'en, wach' 'oj 'aj 'el'ch eb', a tas tojl tzb'o eb', 'oj niwtjoc chan̈ eb' yet'oc.

Salmos 103:5

A tz'a'n tas wach' tzin c'uxu, yuj cha, coynto tzin quelmax pax tzwab' 'icha junc no salt'iw.

Salmos 123:2

Tzon̈ 'och wal q'ueln 'aych Mamin, 'icha wal yiln 'och junc win moso spatron̈, mto 'icha yiln 'och 'ix ya'mal servil junc mach 'aj tz'a'w servil, 'ixta qui tan̈wni yo'ch a c'ojl 'ayn̈ on̈.

Salmos 138:3

A yic xwaln in b'a 'ayach, in a ta'wej, 'ix a'n in te'nal yic x'ochx wip.

Salmos 20:9

Xyaln pax eb' chon̈b' chi 'ixtic: Mamin Jehová, colwjan̈ yet' jun qui reyl tic on̈, ta'wj on̈ 'a yic tzcaln qui b'a 'ayach, xchi eb'.

Salmos 25:21

Coln 'el yuj in wach' b'eyb'al yujto may in mul, cojn ach tzach wa'ch yipc in c'ojol.

Salmos 25:3

Wojtac, to a smasnil eb' tzach 'a'n 'och yipc sc'ojol, may xon b'a'n̈ 'oj 'el sq'uixwel eb'. 'El cab' sq'uixwel eb' ton̈j tzcomn meltzj 'och 'aych 'a nab'an̈ej.

Salmos 25:5

Cuyn wal yet' a paxti caw yel, sec tzin b'ey 'a swach'il, yujto in Diosal ach, in Colmal pax aji. Smasnil tiempo cojn ach tzach wa'ch yipc in c'ojol.

Salmos 37:34

Ca'c 'och Jehová yipc qui c'ojol, yiclum tzcutjec qui b'a 'a 'a, ax 'oj qui'nec cha'an̈, ax ya'n lum lum quicooquec. Q'ueln on̈c wal 'ochi, ax satx can 'el eb' maysch'olnil sb'eyb'al cha.

Salmos 40:1

'Ix wac' techjoc in tan̈wni scolwal Jehová, 'ix smaclni yab' tas xwala.

Salmos 84:7

'Oj 'och yip eb' si'mb'il, ax 'a lum tzaln Sión, ata 'oj ach yil eb' ach in Diosal.

Salmos 84:8

Mamin Jehová smasnil tas tztac' o'oj, qui Diosal ach an̈ yin̈tl on̈ Jacob tic, chaj wal ab' qui lesl on̈.

Salmos 92:1

Mamin Jehová, til wal sja'l caln wach' paxti 'aych on̈; tzqui b'itnan pax a b'i on̈, tzqui'n chan̈ a b'i yujto caw niwn el'chi.

Salmos 92:13

Yujto 'ayc' eb' 'a yamq'uil atut Mamin Jehová; wach' 'oj 'el'choc eb', yujto 'ayc' eb' 'a a stz'ey ach qui Diosal on̈.

Ex 19:4

Ax tic, eyiljnac wal tas wutjnac eb' 'aj Egipto, yet' tas ex wutj ex wi'n 'elta, yic ex wi'n cot 'a tic, 'icha to a 'a yib'n̈ sc'axl junc no salt'iw 'ayx q'ue'i, yic ex jaw 'a tic.

Pr 30:19

Atn tas tz'aj sb'ey no salt'iw 'a satcha'an̈, tas tz'aj yec' no chan 'a sat q'ue'en, tas tz'aj sb'ey te barco 'a yib'n̈ a mar yet' tas tzyutj win quelm smontn sb'a yet' 'ix cob'es.

Cantares 8:5

¿Mach jun 'ix chi tzcot 'a lum cusltac lum cha, pacn q'ue 'a squelb' jun chamc'ojlb'il yuj cha? xchi eb'. A 'a yich jun te snun mansan, ata xin pitzl a wayan̈, ata yab'jnac a nun syail yic alji.

Is 25:9

A 'a yic jun c'ul cha, 'oj calc 'ixtic: Atn wal Jehová qui Diosalec tic, a ca'jnaquec 'och yipc qui c'ojol, yuj cha, on̈ scolnec. Ca'c wal tzaljoc qui c'ojol, yujto a 'on̈ colnec, 'oj qui chioc.

Is 30:15

A Jehová qui Diosal an̈ israel on̈c tic, jun Dios To Cojxni, a tzaln 'ixtic: Meltzjan̈c cot 'ayin, tzin eya'n 'och yipc e c'ojol, man̈ ex 'och 'il, sec 'ixta 'oj eyaj e colchji, xchi. Palta ax xo tic, ma'ix e chaj eyab'i'.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Is 41:1

Tzyal Dios 'ixtic: Ex chon̈b' cajn 'a sti a mar, sictac tzex 'aj 'a wojltac. Te'wtzejc e b'a e masnil ex nacion̈. Cotn̈ec, yamn tzon̈ 'ajec, tzqui mol alnec jun tzo'n̈ tic.

Is 64:4

'A yictax pecti cha, mant 'a xon 'aj tz'ab'xi, may 'aj tz'ilx junc xo dios to lajn et'oc; junc to tzb'on 'icha tas tza b'o'o, yic tz'och swach'loc eb' tzya'ch sc'ojl 'ayach.

Is 8:17

Wach'xam tzc'ub'j 'el sb'a Jehová 'a 'ayn̈ an̈ yin̈tl on̈ Jacob tic, palta an tic, tzwa'ch 'a in c'ojol, to a yipc'ojlal yaj wu'uj.

Jeremías 48:15

Wan sc'och jun 'oj 'a'nc lajwc jun tzo'n̈ chon̈b' 'a yol yic Moab, 'oj cham eb' quelmtac caw 'ay yip cajn ta'. A jun tic, tzwal an Rey in tic, Jehová in b'i, tztac' wuj smasnil.

Zacarías 10:12

An 'oj wac' ste'nal eb' in chon̈ab'. Wu'uj, ax sta'n yuj eb'. An Jehová in, an tzwal jun tzo'n̈ paxti tic, xchi Dios.

Lc 18:1

'Ix yal Jesús junx 'ab'x 'a eb' scuywum, yic tzyaln yab' eb', to wach' tzleslwi eb' 'a smasnil tiempo, man̈ comnoc tzactzj eb'.

Ro 8:25

Palta a jun tzca'c 'och yipc qui c'ojol, mantzac quilc yet' qui sat. Yuj cha, yowlal te'n tzcutjec qui b'a qui tan̈wniec sjawi.

2 Co 4:1

Yuj cha, caw matz on̈ tzactzj on̈, yujto x'o'ch sc'ojl Dios 'ayn̈ on̈, xya'n jun copiso tic on̈.

2 Co 4:16

Yuj cha, caw may 'aj tzon̈ tzactzj on̈. Wach'xam wan yichmax qui niwnal tic on̈, ax qui pixn on̈, 'ipn ya'tb'i 'a junjn c'u tzcab' on̈.

Gl 6:9

Yuj cha, caw wach'n̈j tzcutjec qui b'eyb'al 'a smasnil tiempo, matz tac' qui tzactzjec. Toto matz cactjec can qui wach' b'eyb'al tic, ax yic 'oj jawc stiempoal, ax qui chanec spac.

Dt 32:11

'Icha wal tz'a'jt jen̈n sc'axl no salt'iw 'a yib'n̈ so', mto 'icha wal tzyutj no scuyn yune' yic tzjen̈wi, mto 'icha tzyutj no yi'n 'at yune 'a yib'n̈ sc'axil, 'ixta wal on̈ 'ajc yuj Jehová.

Dt 33:25

Wach' cab' smac yatut eb'. A cab' q'uen hierro, mto q'uen bronce 'aych smacoc. 'Ay cab' yip eb' yic te'n sq'uinl eb'.

1 Ts 1:10

An̈jtona', tzyaln pax eb', chajtlto wan e tan̈wni yemx wul Yunnal Dios 'a satcha'an̈, atn Jesús. A Dios, 'a'jnac pitzwc pax 'a scal eb' chamnac. Atn tzon̈ colnec can 'el 'a yol sc'ab' jun niwn yailal 'oj jawc yuj yowl sc'ojl Dios.

A Ch'an̈ Carta D'a Eb' Hebreo 12:1

Til wal eb' sch'oxjnac 'el sb'a, to ya'jnac 'och eb' Dios 'a sc'ojol. A eb' cha, 'icha to oyn 'och eb' 'ayn̈ec ticnec. An̈ec xo tic, lajn on̈c 'icha eb' caw tzyac' carela 'a junc tajnel. Yuj cha, yowlal tzquijec 'el jun tzo'n̈ 'al yajch 'ayn̈ec, yujto a jun tzo'n̈ chi tzon̈ 'i'nec 'och wa'an. An̈jtona', yowlal tzcactjec can pax jun tzo'n̈ maysch'olnil, yujto a jun tzo'n̈ cha, lajn 'icha junc tas tzcan b'a'n 'a scal coc, tzon̈ telw yu'uj. Yowlal caw te'n tzcutjec qui b'a ca'n quip, 'icha eb' tzyac' carela cha.

A Ch'an̈ Carta D'a Eb' Hebreo 12:3

Yuj cha, caw tze na cot sb'eyb'al Jesús, chajtl xyutj ya'n techjoc yic yab'n syal yuj eb' maysch'olnil. Toto 'ixta', ma'oj e tzactzji, ma'oj somchjc 'el e nab'en.

Josué 14:11

Palta caw wal an̈ja 'ayt wip tzwab'i, 'icha 'a yic in schecn cot Moisés wul in maclnoc wil lum lum tic, 'ixta to in te'nal tzwab'i, tztac' to in b'eyq'ui tztac' to pax wa'n owal.

Apoc 12:14

Palta x'ajx 'och sc'axl 'ix caw niwac, lajn 'icha sc'axl no salt'iw. Yuj cha, x'at jen̈n̈oc 'ix 'a jun yet'l 'a cusltac lu'um, sec matz yamchj yuj jun chan cha. Ata x'ajx wa 'ix nan̈l schan̈l ab'il.

Apoc 2:3

Caw niwn tzeyutj e c'ojol. Til wal yailal xeyab' syal wu'uj, palta ma'ex tzactzji.

Apoc 4:7

A jun b'ab'el, lajn yilx 'icha junc león. Ax jun schab'il, lajn yilx 'icha junc quelm wacax. Ax jun yoxil, lajn yilx sat 'icha sat 'anma'. Ax jun schan̈il, lajn yilx 'icha junc no salt'iw tzjen̈wi.

Jueces 16:28

Xlajw cha, 'ix yaln win Sansón 'ixtc 'a Jehová: Tzin tew 'aych Mamin Jehová to tzin 'a na coti. Cojxn̈ej jun 'ejm tic tzac' wip ach in Diosal, yic tzwa'n spac 'a eb' filisteo yuj chab' yol in sat 'ix yij 'elt eb' tic, xchi Sansón.