Is 40:24 - Chuj San Sebastian Bible

²⁴ Lajn eb' yajl chi 'icha junc 'unn c'ultc tot 'awb'il, mant 'a sch'an̈lyib' tz'at 'a yol lu'um. Toto tzyutz'j 'och Dios yic' 'a 'a, wal 'a yajn̈ej tztacji, ax chacxuxm'ic' tz'utz'n 'at 'icha solcal trigo.

Chuj San Mateo Bible

²⁴ Lajan eb' yajal chi' icha an̈ unin an̈c'ultac toto tz'avchaji, vanto yem sch'an̈al yib' d'a yol luum. Tato syac'b'at yic' Jehová d'a yib'an̈ an̈, stacjiel an̈, tz'ic'jib'at an̈ yuj chacxuxum ic' icha yoc trigo. Icha chi' tz'aj eb' yajal chi'.

Is 40:24 ပူးပေါင်းရင်းမြစ်များ

A Ch'an̈ Schab'l Libro Samuel 22:16

'Ix checlj chan̈ yich a mar yu'uj, ax sb'achnub'al yaln̈ yolyib'n̈q'uinal 'ix 'ilxi, yujto caw ow 'ix 'awj Jehová, caw ow pax jun 'ic' 'ix ya' coti.

A Ch'an̈ Schab'il Libro Yic Yab'ixal Eb' Rey 10:11

Xlajw cha, 'ix swach' miln cham Jehú jaywn̈ xo eb' yin̈tl Acab 'a Jezreel cha, eb' niwn yel'chi, eb' to caw swach'c'ojl sb'a yet'oc, yet' eb' 'aych ya'malc 'och sti eb' 'a sdioal yu'uj, man̈x 'a junc eb' xcan 'a spitznal.

Job 21:18

¿Tom comn xoj tzsactzic eb' 'icha tzyac' te 'ac tzma' chan̈ chacxuxm'ic'?

Job 4:9

'Icha tz'aj satl tas yuj chacxuxm'ic', 'ixta tzyutj Dios satn 'el eb' tzb'on maysch'olnil chi yuj yowl sc'ojol.

Job 8:17

'Ay te tzlaj 'at sch'an̈lyib' 'a slot'l q'ue'en, ax 'a yib'n̈ q'uen q'uen chi tzq'uib' cha'an̈.

Salmos 58:9

Lajw cab' 'ejm eb' mu'c 'icha te q'uix tzmolb'tzax 'och 'a yaln̈ chen, yajn̈ej tz'a 'ejmi. Toxn matz xej xon jun chen chi yu'uj.

Salmos 83:13

Ach in Diosal, 'icha cab' tz'aj c'alem s'at yuj chacxuxm'ic', 'ixta tzotjcan eb', 'icha s'at junc tacn̈ xil te yuj 'ic', 'ixta cab' tz'aj eb'.

Pr 1:27

'Icha junc chacxuxm 'ic' tz'a'n lajwc 'el smasnil tas, 'ixta wal 'oj 'aj sjaw tas tz'i'n cot xiwc'ojlal 'a eyib'an̈: atn yailal, somc'ojlal yet' cusc'ojlal.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Is 17:11

Wach'xam to 'oj q'uib' eyawb'ente chi mu'c 'a jun c'u cha, mto 'oj nichnoc muc'uc, palta ax yic 'oj jawc syab'il 'oj satnc 'eli, ata 'oj pucl sat eyawb'ente cha, yujto man̈x 'a yan̈il.

Is 17:13

Palta ax yic 'oj tenxoc 'och wan eb' yuj Dios, wach'xam tzc'an̈ yec' eb', palta ma'oj yil eb' s'at 'eloc, lajn 'oj 'aj eb' 'icha tz'aj yutz'x 'at solcal trigo yuj 'ic' 'a caltc te', mto 'icha tz'aj yutz'x chan̈ pococ yuj chacxuxm'ic', 'ixta 'oj 'aj eb'.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Is 37:7

'Ilto, an 'oj wa'ch junc xiwlal 'a 'a. A yic 'oj yab'nc junc 'ab'ix, ax smeltzj 'a schon̈ab'. Ata 'oj wac' milxc cham yet' espada, xchi Dios, xchi Isaías.

Is 40:7

A te c'ultac caw yajn̈ej tztacj can 'el te', ax snich te', tzlaj puccn 'eli, yic tz'ec' yic' Jehová 'a scal te'. Yel ton wal b'i'an, ax 'anmax tic, lajn ex wal 'icha te c'ultac.

Is 41:16

Ax e tzicn can 'at 'a cal 'ic', ax 'ic' chi 'oj 'i'nc can 'ati, sactzicnac 'oj 'ajcn yuj chacxuxm'ic'. 'Ixta to b'i'an, ax eyi'n e tzaljc'ojlal 'a 'ayn an Jehová in, ax e b'an̈n e b'a wu'uj, To Cojxn in Ton Dios In.

Is 41:2

¿Mach 'oj 'a'n checljoc jun rey 'a 'aj tzq'uel c'u? ¿Mach 'oj 'a'n yac' ganar jun rey chi owal yic tzann̈j 'aj 'oj 'ec'oc? ¿Mach 'oj 'a'n 'och jun tzo'n̈ nacion̈ 'a yol sc'ab' jun rey cha, sec tzyij 'ejm sb'a eb' 'a 'a? A yespada yet' sjul-lab' jun rey cha, a 'oj pechnoc 'el eb', ax sactzic can 'at eb' 'a juncxo lugar 'icha tz'aj solcal trigo tzpucn 'at 'a scal 'ic'.

Jeremías 22:30

A Jehová tzaln 'ixtic: Tz'ib'jec can 'a ch'an̈ libro yic registro, chajtlto lajn 'oj 'ajcn jun winc tic 'icha junc winc may yunnal, 'icha junc winc to man̈ wach'c x'aj 'el'chi. Yujto man̈x 'a junc yin̈tl 'oj 'och yac' reyl 'a sdespacho David, yic tzya'n reyl jun 'ejm xo 'a Judá, xchi Dios.

Jeremías 23:19

Caw maysch'olnil eb', yuj cha, 'oj wic' 'ejm eb' yet' yowl in c'ojol, lajn yowl in c'ojl chi 'icha junc niwquil yaxn̈ab' to caw 'aych yic'al, caw ji'lti sjawi.

Os 13:15

Wach'xam 'oj e niwtj chan̈ 'a scal eb' eyit israelal, palta 'oj cot wowl 'ayex. Lajn 'oj 'aj scot 'icha tacn̈ 'ic' tzcot 'a cusltac lum 'aj tzq'uel c'u, yuj cha, 'oj tup chan̈ eb' a spac'b'a' yet' eb' a c'ob'a'. Ax eb' 'ajc'ojl yajch 'ayex, a eb' 'oj 'i'nc 'at smasnil e ricoal.

Os 13:3

Yuj cha, lajn 'oj eyaj 'icha 'asn 'ay 'ejm 'a sq'uin̈b'ial, 'icha pax chicb'chan̈ tz'em 'a 'ac'wal, to yajn̈ej tzsatcha'an̈. Lajn ex pax 'icha te tzab' tz'ijx 'at yuj 'ic', mto 'icha te tab' tz'el 'a swentnul cusnu.

Nahúm 1:14

A Jehová a tzaln 'ixtc 'a win sreyl Nínive: Man̈x 'a junc en̈tl 'oj b'inanc a b'i. 'Oj in satl jun tzo'n̈ a diosal 'a yol yatutal 'aj 'aychi, checl xo yaj et'l 'aj 'oj a mucxi, yujto caw yajb'entac ach, xchi Dios.

Hageo 1:9

A tze na'a to niwn tas 'oj eyic' 'a e munljel, palta jab' wali. An Jehová in, an tzwala, a tas cob' tze mol 'a yol eyatut, 'icha to an tzwutz'j 'at yet' wic'. ¿Tas yuj 'ixta tzex wutj tze na'a? 'Ixta tzex 'aji, yujto lann̈chjnac 'ejm watut, ya' sb'a ax xo tic, cojn eyatut chi 'ayx 'och 'il e b'oni.

Zacarías 7:14

Yuj wal cha, xwa'n sactzic eb' 'icha tzyutj chacxuxm'ic' junc tas. 'Ix 'atcn eb' 'a jun tzo'n̈ nacion̈ to man̈ yojcoc eb'. Ax schon̈b' eb', cusltac x'ajcni. Man̈x 'a junc mach xcan cajn 'a 'a. A schon̈b' eb' cha, caw wach' yilxi, palta yuj smul eb' 'ix cancn 'a cusltaquil, xchi Dios.

Zacarías 9:14

A Jehová 'oj sch'ox sb'a 'a yib'n̈ schon̈ab'. 'Icha raya 'ixta 'oj yutc sjulwji. A Jehová Cajlil, 'oj yutz'c strompeta, ax yec' lemnjoc 'a scal chacxuxm'ic' 'a stojlal sur.