Is 37:8 - Chuj San Sebastian Bible

⁸ 'Ix yab'n win syajlil eb' soldado sreyl Asiria, chajtlto man̈x 'ayc 'ec' win rey chi 'a chon̈b' Laquis. Yuj cha, 'ix meltzji, 'ix schaj sb'a yet' win rey chi 'a chon̈b' Libna, wan ya'n win owl yet' jun chon̈b' cha.

Chuj San Mateo Bible

⁸ Axo ix yab'an jun vin̈ yajalil eb' soldado chi' to a vin̈ sreyal Asiria chi' toxo ix el vin̈ d'a chon̈ab' Laquis, yuj chi' ix meltzaj vin̈, ix b'at vin̈ d'a vin̈ sreyal Asiria chi' ayic van yac'an oval vin̈ d'a chon̈ab' Libna.

Is 37:8 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 8:22

Ax eb' 'aj Edom cha, 'ix yac' ganar eb' yi'n 'el sb'a 'a yaln̈ schecnb'il eb' 'aj Judá, 'ix yique'ej sb'a eb' sch'ocoj, masnto ticnec. An̈jtona 'a jun tiempoal cha, 'ix yique'ej can pax sb'a chon̈b' Libna.

2 Cr 21:10

Palta a eb' 'aj Edom, 'ix ya'n̈j ganar eb' yi'n 'el sb'a 'a yaln̈ schecnb'il eb' 'aj Judá. An̈jtona 'a jun tiempoal cha, 'ix yique'ej sb'a chon̈b' Libna, yujto 'ix yactj can yaln sb'a Joram chi 'a Jehová, atn sDiosal yet' eb' smam yicham.

Jeremías 52:1

A Sedequías junschawinquil ab'il sq'uinal yic yoch reyal, uxlche ab'il ya'jnac reyl 'a Jerusalén, Hamutal sb'i snun, yisl win Jeremías 'aj Libna.

Josué 10:29

Xlajw cha, 'ix 'atx Josué yet' smasnil eb' soldado cha, axta xc'ochx eb' yac' owl 'a chon̈b' Libna, 'ix 'ochx owl chi yuj eb' ta'.

Josué 21:13

A sb'isl chon̈b' x'ajx 'a eb' yin̈tl Aarón, eb' ya'mal 'och sti eb' 'anma 'a Dios, 'ay 'oxlajn̈e chon̈b' 'a smasnil yet' swalab' no cajb'en noc' 'a junjn chon̈b' cha. A 'a yol smacb'en eb' yin̈tl Judá yet' Simeón, ata 'ay b'aln̈e chon̈b' x'ajx 'a eb': Atn chon̈b' Hebrón 'aj tz'at scol sb'a eb' tzmiln junc yit 'anma'il. X'ajx pax chon̈b' Libna, Jatir, Estemoa, Holón, Debir, Aín, Juta, yet' Bet-semes. Ax 'a yol smacb'en eb' yin̈tl Benjamín, ata 'ay chan̈e xo chon̈b' x'ajx 'a eb': Atn chon̈b' Gabaón, Geba, Anatot yet' Almón.