Is 37:38 - Chuj San Sebastian Bible

³⁸ 'Ay jun c'ual 'ix 'at leslwoc 'a yatut jun sdiosal tzcuch Nisroc, axn 'ayc' chi ta', 'ix c'och chawn̈ eb' yunnal 'a 'a, atn Adramelec yet' Sarezer, 'ix smiln can eb'. 'Ix 'atcn eb' 'elc 'a yol yic Ararat. Ax junx yunnal scuch Esarhadón, a 'ix 'ochcn reyl sjeloc.

Chuj San Mateo Bible

³⁸ Ay jun c'u ayic van slesalvi vin̈ d'a stemplo sdiosal scuch Nisroc, axo eb' vin̈ yuninal vin̈, aton vin̈aj Adramelec yed' vin̈aj Sarezer, ix b'at milancham vin̈ ta'. Ix lajvi chi' ix b'at eb' vin̈ elelal d'a yol yic Ararat. Axo vin̈aj Esar-hadón, junxo yuninal vin̈ ix ochcan reyal sq'uexuloc.

Is 37:38 ပူးပေါင်းရင်းမြစ်များ

Gn 8:4

Uclajn̈e xo c'u yoch yucl 'uj, 'ix 'em te barco chi 'a sjolm switzl Ararat.

2 Cr 32:14

¿Tom 'ay junc 'a jun tzo'n̈ sdiosal jun tzo'n̈ nacion̈ 'ix satl in mam wicham, stac' scoln 'el schon̈b' 'a yol qui c'ab' on̈? ¿Tas yuj tze na'a to a e Diosal chi 'oj stac' ex scoln 'el 'a yol in c'ab'?

2 Cr 32:19

Tzlajb'tzej wal eb' sDiosal Jerusalén yet' sdiosal jun tzo'n̈ xo nacion̈, atn jun tzo'n̈ comn dios to 'anma b'ojnac yet' sc'ab'.

2 Cr 32:21

Yuj cha, 'ix schecn cot Jehová jun ángel yic tzwul satnc 'el smasnil eb' soldado caw tec'an, yet' eb' 'aych yajlil yet'oc, yet' eb' scapitan̈il scamplamento sreyl Asiria. Yuj cha, caw q'uixwc'ojlal xoj x'aj smeltzj jun rey chi 'a schon̈ab'. A yic x'och 'a yol yatut sdiosal, axta xmilx cham yet' espada yuj chawn̈ eb' yunnal.

Esdras 4:2

Yuj cha, 'ix 'at eb' 'a Zorobabel yet' 'a eb' yajl yaj 'a eb' yican, 'ix yaln eb' 'a eb' 'ixtic: —Comnoc tzchaj e c'ojl qui b'on jun munljel tic eyet'oc, yujto an̈ tic on̈ tzon̈ 'och pax 'emmquilal 'a Dios 'icha ex tic, atxo yic on̈ 'ijx cot yuj Esar-hadón sreyl Asiria, atxo ta 'on̈ c'ojl ca'n qui xajmb'al 'a e Diosal cha, xchi eb'.

Is 14:12

Ach sacb'su'un, ¡tas ach 'aj a cotcn 'a satcha'an̈! 'In ach 'ix ac' 'ejm jun tzo'n̈ nacion̈, palta ax ticnec ach julx can 'emt 'a sat lum tic.

Is 14:9

A yic 'oj c'och jun tu snab'en chi 'a yol lum 'aj 'ay smasnil eb' chamnac, caw 'oj sat sc'ojl eb' yu'uj, ax scot eb' wul scha'. 'Icha to 'oj 'el swayn̈ eb' yu'uj, ax wul schanc eb' niwc yajal, eb' ya'jnac reyl 'a yolyib'n̈q'uinl tic. 'Oj q'ue wan eb' 'a yol xila, ax wul schanc eb'.

Is 36:15

Tznib'j Ezequías to a Jehová tzeya'ch yipc e c'ojol, tzyaln cob' 'ixtic: Wal yel 'oj on̈ scolc Jehová qui Diosal; ax jun qui chon̈b' tic ma'oj ya'ch 'a yol sc'ab' sreyl chon̈b' Asiria, xchi cob'i'.

Is 36:18

¿Toc wal 'ay junc sdiosal jun tzo'n̈ nacion̈ chi 'ix coln 'el slum eb' 'a yol scab' sreyl chon̈b' Asiria?

Is 37:10

A 'a Diosal tzalni, to ma'oj 'ajxc 'och Jerusalén 'a yol in c'ab'; palta man̈ a'ch yipc 'a c'ojl tas tzyal a Diosal cha, man̈ a cha 'ixtxoc paxti a b'a yu'uj.

Is 37:7

'Ilto, an 'oj wa'ch junc xiwlal 'a 'a. A yic 'oj yab'nc junc 'ab'ix, ax smeltzj 'a schon̈ab'. Ata 'oj wac' milxc cham yet' espada, xchi Dios, xchi Isaías.

Jeremías 51:27

Ch'oxc chan̈ jun senya yic owl 'a Babilonia. 'Utz'jec q'uen trompeta, sec tzjaw smasnil nacion̈ yac' owl 'a 'a. Cot cab' eb' 'aj Ararat, yet' eb' 'aj Mini, yet' pax eb' 'aj Askenaz yac' owl yet'oc. Si'c 'och junc general tzjucb'tzan eb' soldado 'a owal. 'At cab' no chej 'a owal, niwn cab' no 'icha no c'ulb' man̈x jantcoc sb'isul.