Is 37:37 - Chuj San Sebastian Bible

³⁷ Xlajw cha, 'ix yi'n 'el Senaquerib sreyl Asiria scamplamento ta', axta xc'och 'a chon̈b' Nínive, 'ix can ta'.

Chuj San Mateo Bible

³⁷ Yuj chi', ix yiq'uel scampamento vin̈aj Senaquerib sreyal Asiria chi', ix pax vin̈ d'a chon̈ab' Nínive.

Is 37:37 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:1

A yic 'ix yab'n win rey Ezequías tas 'ix alx cha, 'ix stziln jat win spichul, ax pichl n̈achtac sat xya'ch yuj cusc'ojlal. Xlajw cha, 'ix 'at 'a yatut Jehová.

2 Cr 32:1

A yic tox xlajw sb'on Ezequías jun tzo'n̈ chi yuj syiclumal 'a Jehová, a yic cha, 'ix jaw Senaquerib sreyl Asiria yet' eb' soldado, 'ix 'och oyn eb' 'a spatquil jun tzo'n̈ chon̈b' 'aych smuroal 'a yol yic Judá, yic tzyi'n 'ec' yalni.

Is 31:8

'Oj 'ejmc Asiria yuj q'uen espada, palta man̈ 'anmac 'oj utnc 'ixta yet' sjelnal. A jun owl chi 'oj pechnc 'at eb' 'anma 'a jun chon̈b' chi 'eloc, ax eb' quelmtac, 'oj 'ochcn eb' mosoal.

Is 31:9

Yuj wal jun xiwlal cha, ax s'at win rey yet' eb' scapitan̈il eb' soldado 'eloc, ax yactn can eb' sbandera. A Jehová a tzaln jun tic, atn jun 'ay yic jun yet'l xajmb'al 'aych sc'a'l 'a tzaln Sión, a sc'a'l yowl sc'ojol, caw tzn̈ilchj 'a Jerusalén, yic tzya'n 'och yailal 'a eb' 'ajc'ojl yajch 'a 'a.

Is 33:19

Man̈x b'a'n̈ 'oj eyil jun tzo'n̈ eb' b'an̈quintac chi 'a e cal, atn eb' chuc til tzyala, may mach tz'ab'n tas tzyal eb'.

Is 37:29

Yujto a 'ayn ach owx 'ochi, caw ch'an 'ix otj a b'a, yuj cha, 'icha to 'oj wa'ch jun argoya 'a a n̈i', yet' jun freno 'a a ti', ax ach wa'n meltzjc 'a a b'e 'aj ach coti, xchi Dios, xchi Isaías.

Is 37:7

'Ilto, an 'oj wa'ch junc xiwlal 'a 'a. A yic 'oj yab'nc junc 'ab'ix, ax smeltzj 'a schon̈ab'. Ata 'oj wac' milxc cham yet' espada, xchi Dios, xchi Isaías.

Jonás 1:2

'Ixc 'a jun niwquil chon̈b' Nínive, tzaln yab' eb' 'anma ta', to 'oj in satl jun chon̈b' chi yet' smasnil eb' cajn 'a 'a, yujto 'ix niwtj smaysch'olnilal eb' 'ayin, xchi Dios.

Jonás 3:3

Xlajw cha, 'ix 'at Jonás 'a Nínive, 'icha wal 'ix yutj Jehová yaln 'a 'a. A jun chon̈b' cha, caw wal niwquil chon̈ab'. 'Oxe c'u ste'nb'il smasnil yol chon̈b' cha.

Jonás 4:11

An xo pax tic, ¿tom an to wal ma'oj cus in c'ojl yuj jun niwquil chon̈b' Nínive tic? 'Ec'b'al 120 mil 'anma mant 'a snab'en, mant yojcoc 'aj 'ay swach'il yet' tas maysch'olnil, til pax no noc', xchi Dios.

Miqueas 5:6

A eb' chi 'oj 'at 'a'nc ganar yejm eb' 'aj Asiria yet' espada, atn snacion̈ win Nimrod. Caw 'oj qui colchjec 'el yuj jun qui yajlilec chi 'a yol sc'ab' eb' asirio cha, atn eb' xc'axw 'e't 'a qui mon̈jonec yuj yi'n 'ec' eb' qui lumec yalni.

Nahúm 1:1

An Nahúm in tic, ata cajn in 'a jun aldea tzcuch Elcos. A 'ayn xyal Dios yuj jun tzo'n̈ paxti 'a 'icha waych'il yuj tas 'oj jawc 'a yib'n̈ chon̈b' Nínive.

Sofonías 2:13

Ax ya'n 'at yailal 'a yib'n̈ eb' 'ay 'a stojlal norte yuj satn 'el eb' cajn 'a Asiria. A chon̈b' Nínive, caw cusltac xoj 'oj 'ajcn yu'uj, 'oj 'ochcn cusltac lumal.

Mt 12:41

A yic 'ec' yalnc Jonás yab'xil Dios 'a eb' 'aj Nínive, caw snajnac sb'a eb'. An xo tic, 'ayn 'ec' 'a tic, 'ec'b'al wel'ch 'a yib'n̈ Jonás cha, palta matz e na e b'a. Yuj cha, at 'oj jawc jun c'u yic b'eyc'ojlal, a eb' 'aj Nínive cha, 'oj q'ue wan eb', ax yaln eb' e mul.