Is 37:21 - Chuj San Sebastian Bible

²¹ Xlajw cha, 'ix ya'n Isaías alxc 'ixtc 'a win Ezequías cha: A Jehová qui Diosal a 'ix aln 'ixtic: 'Ix wab' a lesl yuj tas xyal Senaquerib sreyl Asiria, xchi.

Chuj San Mateo Bible

²¹ Ix lajvi chi', ix in checan a in Isaías in tic b'at alchaj d'a vin̈aj Ezequías chi' icha tic: Icha val tic yalan Jehová co Diosal a on̈ israel on̈ tic: Toxo ix vab' a lesal ix al d'ayin yuj vin̈aj Senaquerib sreyal Asiria, xchi.

Is 37:21 ပူးပေါင်းရင်းမြစ်များ

A Ch'an̈ Schab'l Libro Samuel 15:31

'Ix yaln eb' 'anma chi 'a David, to a win Ahitofel 'ajc'ojl xo yajch win 'a 'a, yujto yitb'eym xo sb'a win yet' Absalón. Yuj cha, 'ix sc'ann David chi 'a Jehová, to tzyac' juwc tas nab'il yuj win Ahitofel cha.

A Ch'an̈ Schab'l Libro Samuel 17:23

Palta ax xyiln win Ahitofel to ma'ix 'och yopiso snab'en xyala, 'ix ya'n 'och stzum sb'uru, 'ix pax 'a schon̈b' 'aj 'ay yatut, 'ix laj sb'onc can yaj smasnil tas 'ay 'a 'a, xlajw cha, 'ix st'un̈n q'ue sb'a, 'ix chami. Axta 'ix mucx 'a 'aj mucn smam.

A Ch'an̈ Schab'il Libro Yic Yab'ixal Eb' Rey 18:13

A yic schan̈lajn̈il ab'il xo yoch Ezequías reyl 'a Judá, 'ix ya'n Senaquerib sreyl Asiria owl yet' jun tzo'n̈ chon̈b' 'aych smuroal 'a yol yic Judá, 'ix 'ajx ganar eb' yu'uj.

Job 22:27

Toto 'ay tas 'oj a c'an 'a 'a, 'oj yab'i', ax ya'n 'ayach, tza'n 'el'choc pax a ti tza'cn 'a 'a.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Is 37:2

'Ix schecn 'at win rey win Eliaquim mayltoma yaj 'a sdespacho, yet' Sebna tz'ib'n ab'ix, yet' pax eb' ya'mal 'och sti eb' 'anma 'a Dios to 'ichm winc xo. 'Ix ya'ch ewin spichl n̈achtac sat, 'ix 'at eb' 'a win schecb' Dios, atn win Isaías, yunnal Amoz.

Is 58:9

Yuj cha, toto 'oj eyawj 'ayin, yajn̈ej ax in ta'w 'ayex; toto 'oj 'el eyaw e c'ann in colwal, 'oj wal 'ixtc 'ayex: Waj 'a tic, 'oj in chioc. Tzeyij 'el jun tzo'n̈ maysch'olnil chi 'a e cal, man̈x comnoc tze tzuntzj junc eyit 'anma'il, man̈x comnoc tzeya'ch junc 'es paxti 'a yib'an̈.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

A Tas Sc'ulejnac Eb' Schecab' Jesús Hechos 4:31

Yic 'ix lajw sleslwi eb', ax jun n̈a 'aj 'ayc' eb' cha, caw 'ix tzicb'tan̈x yuj Dios. 'Ix wach' 'och Yespíritu 'a junjn eb'. Yuj cha, caw te'n xyutj sb'a eb' yaln 'el spaxti Dios.