Is 36:18 - Chuj San Sebastian Bible

¹⁸ ¿Toc wal 'ay junc sdiosal jun tzo'n̈ nacion̈ chi 'ix coln 'el slum eb' 'a yol scab' sreyl chon̈b' Asiria?

Chuj San Mateo Bible

¹⁸ Tato syal vin̈aj Ezequías chi' to a Jehová ol ex colanoc, man̈ eyac' e b'a smusej e sat vin̈. ¿Tocval ay junoc sdiosal juntzan̈xo chon̈ab' ix yal scolan schon̈ab' d'a yol sc'ab' vin̈ sreyal Asiria chi'?

Is 36:18 ပူးပေါင်းရင်းမြစ်များ

Salmos 12:4

Atn eb' tzaln 'ixtic: Cojn toto tztac' qui paxtini, a qui ti 'oj qui colni. ¿Toc 'ay xon wal junc mach 'oj ste'wtzoc sb'a yoch cajliloc? xchi cob' eb'.

Is 10:11

Yuj cha, 'icha wal xwutj Samaria yet' eb' sdiosal, 'ixta pax 'oj wutc Jerusalén yet' eb' sdiosal cha, xchi win rey cha, xchi Dios.

Is 10:7

Palta man̈oc wal chi nab'il yuj win sreyl Asiria cha, man̈oc chi tzsayq'ui. A tas nab'il yu'uj, to niwn nacion̈ tzsatli.

Is 36:10

An̈jtona', ¿tom tzon̈ comn jaw 'a jun lugar tic yic tzex wul qui satnc 'el on̈, toto man̈ 'ayc 'och Jehová quet'oc? Caw a Jehová 'ix aln 'ayn̈ on̈ to tzex wul qui satli, xchi winac.

Is 36:15

Tznib'j Ezequías to a Jehová tzeya'ch yipc e c'ojol, tzyaln cob' 'ixtic: Wal yel 'oj on̈ scolc Jehová qui Diosal; ax jun qui chon̈b' tic ma'oj ya'ch 'a yol sc'ab' sreyl chon̈b' Asiria, xchi cob'i'.

Is 36:17

'Oj 'ec' jun tiempoal eyuj 'ixta', ax wul ex yi'nc eb' soldado win qui reyl on̈, ax 'at ex ya'n win can 'a jun lum lum to lajn yet' eyic tic, tz'el trigo, tz'el uva 'a sat lu'um, 'oj e b'o e pan, ax eyu'n yal uva. Palta man̈ e cha eyab' tas tzyal Ezequías cha, yujto ton̈j tzex yixtj paxti', yic tzyaln 'ixtic: A Jehová 'oj qui colnec, xchi cob'i'.

Is 36:7

Toto tzeyal 'ixtc 'ayin: An̈ tic on̈ a Jehová qui Diosal on̈, a tzca'ch yipc qui c'ojol, toto xe chi. 'In tox 'ix yac' win Ezequías chi satl jun tzo'n̈ macsej 'ay 'a jolmctac witz yet' smasnil yet'l xajmb'al yic e Diosal cha. Tox 'ix yal 'ayx 'ex 'aj Judá yet' ex 'aj Jerusalén, to an̈j 'a jun yet'l xajmb'al, ata tze yal e b'a.

Is 37:10

A 'a Diosal tzalni, to ma'oj 'ajxc 'och Jerusalén 'a yol in c'ab'; palta man̈ a'ch yipc 'a c'ojl tas tzyal a Diosal cha, man̈ a cha 'ixtxoc paxti a b'a yu'uj.

Is 37:11

Ach tic 'ix ab'i, tas 'ix cutj qui satn 'el jun tzo'n̈ xo nacion̈ an̈ sreyl chon̈b' Asiria on̈ tic. ¿Tom 'oj cob' techjoc e coln e b'a e nani?

Is 37:4

Comnoc wal 'ix yab' Jehová qui Diosal jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj an̈ jayn̈ on̈ tzon̈ can tic, xchi Ezequías, xchi eb'.

Ez 31:5

Yujto caw 'ay a a chi 'a stz'ey te', yuj cha, caw niwquil x'aj stel te', 'ec'b'al x'aj stel te 'a yib'n̈ jun tzo'n̈ xo yit te'al; 'ix q'uib' eb' te sc'ab' cha, 'ix 'el wal jen̈n te'.

Dn 3:15

A ticnec jun, toto 'oj scha e c'ojol, to a yic 'oj 'oc' jun tzo'n̈ yamc'ab' tzc'anlb'ax sonal, a yic cha, tzex 'em cuman, tzeya'n 'ejm e b'a 'a jun yechl nab'a oro 'ix wac' 'ajxoc b'o cha, to 'ixta', may tas 'oj eyi'ni. Toto ma'oj eyiclc eya'n 'ejm e b'a 'a 'a, wal 'a yajn̈ej 'oj e julx 'emt 'a yojl jun jorna caw ow sn̈ilchj sc'aq'uil. ¡'Oj wila', toto 'ay junc xo dios 'oj e coln 'el 'a yol in c'ab'! xchi winac.