Is 36:16 - Chuj San Sebastian Bible

¹⁶ Man̈ e cha eyab' 'a Ezequías cha. Yujto a win wajlil, tzyac' win wal 'ayex to tzex 'och 'a junc'ojlal yet'oc, tzeya'n servil. Toto 'ixta', junjn ex, 'oj e lo sat eyawb'ente', ax eyu'n eyal joyb'il eyu'uj.

Chuj San Mateo Bible

¹⁶ man̈ e cha eyab' d'a vin̈. Yujto a vin̈ sreyal Asiria chi' ix in checancot val d'ayex to tzex och d'a junc'olal yed' vin̈, tzeyac'anoch e b'a d'a yol sc'ab' vin̈ yic vach' ol e lo sat te' eyuva yed' sat te' higo, ol eyuc'anpax a a' eyictaxoni,

Is 36:16 ပူးပေါင်းရင်းမြစ်များ

Gn 32:20

Tzeyaln 'ixtic: A 'a checb' Jacob, tza'n sjaw 'a qui patc on̈, xe chi 'a 'a, xchi win 'a ewin schecb' cha. Yujto sna win Jacob 'ixtic: Tecn 'oj sicb'oc 'ejm yowl sc'ojl Esaú yuj jun tzo'n̈ siylab' xwac' b'ab'ljoc wuj tic, 'ixta 'oj wutc wiln in b'a yet'oc; toto 'ixta', tecn 'oj in scha 'a tzaljc'ojlal, xchi.

Gn 33:11

Tzin tew 'ayach, chaj jun tzo'n̈ siylab' xwij cot 'aych tic, yujto a Dios x'el 'a sc'ojl ya'n in ricoal, may jac tas tzyac' palta 'ayin, xchi. Syamn 'och Jacob wal stew 'och 'a Esaú, ax x'aji c'ojnc'ojnil schaj jun tzo'n̈ siylab' cha.

A Ch'an̈ Schab'l Libro Samuel 8:6

Yajn̈j wal cha, xya'n 'och David eb' soldado yet' scamplamento 'a yol yic Damasco cha, 'ixta x'ajcn eb' sirio chi scan 'a yaln̈ schecnb'il David, syamn 'och eb' ya'n stojlb'al 'a 'a. Ax Jehová a tz'a'n yac' ganar David owal, yaln̈j 'ajtil tz'ati.

A Ch'an̈ B'ab'el Libro Yic Yab'ixal Eb' Rey 4:20

A eb' 'aj Judá yet' eb' israel, man̈x jantcoc sb'isl eb', lajn eb' 'icha yarenail sti a mar. Til wal tas tzc'uxxi yet' tas tz'u'xi, caw wal 'ay tzaljc'ojlal ta'.

A Ch'an̈ B'ab'el Libro Yic Yab'ixal Eb' Rey 4:25

A 'a yol stiempoal yic pitzn Salomón, a smasnil yol yic Judá yet' Israel, caw junc'ojlal yaj eb' 'anma smasnil, tzchaj cot 'a Dan 'a stojlal norte masnto 'a Beerseba 'a stojlal sur. Junjn eb', mun 'ay yawb'ente eb' 'awb'il yuj 'a stz'ey yatut.

A Ch'an̈ Schab'il Libro Yic Yab'ixal Eb' Rey 18:31

Man̈ e cha eyab' 'a Ezequías cha. Yujto 'a win wajlil tzyac' win wal 'ayex to tzex 'och 'a junc'ojlal yet'oc, tzeya'n servil. Toto 'ixta', junjn ex, 'oj e lo sat eyawb'ente' ax eyu'n eyal joyb'il eyu'uj.

A Ch'an̈ Schab'il Libro Yic Yab'ixal Eb' Rey 5:15

Xlajw xoj cha, 'ix 'at yet' eb' ajun yet' chi 'a win schecb' Dios cha, atn Eliseo, 'ix c'och 'a yojltac winac, 'ix yaln Naamán 'ixtic: —¡A ticnec 'ix wojquej 'eli, chajtlto may junc xo Dios 'a smasnil yolyib'n̈q'uinl tic, palta cojn wal e Diosal ax israel ex tic, yuj cha, tzin tew 'ayach, to tza chaj jun in siylab' tic, xchi.

Pr 27:18

A mach wach' tzyutj stan̈wni te higo 'awb'il yu'uj, 'oj slo sat te'; 'ixta pax 'a yic wach' tzyutj junc mach stan̈wni spatron̈, caw 'oj 'ijxoc chan̈ sb'i.

Pr 5:15

Yuj cha, cojn cab' 'a 'ix estzil 'aj tza'ch a nab'en, 'ac' a gana yet' 'ix.

Is 36:17

'Oj 'ec' jun tiempoal eyuj 'ixta', ax wul ex yi'nc eb' soldado win qui reyl on̈, ax 'at ex ya'n win can 'a jun lum lum to lajn yet' eyic tic, tz'el trigo, tz'el uva 'a sat lu'um, 'oj e b'o e pan, ax eyu'n yal uva. Palta man̈ e cha eyab' tas tzyal Ezequías cha, yujto ton̈j tzex yixtj paxti', yic tzyaln 'ixtic: A Jehová 'oj qui colnec, xchi cob'i'.

Miqueas 4:4

Yuj cha, smasnil 'anma', 'oj can eb' 'a tzaljc'ojlal. Junjn mach 'oj stac' yilj 'a yen̈l yich te uva 'awb'il yu'uj, yet' pax 'a yich te higo. A Jehová tztac' yuj smasnil, a 'ix 'a'n can sti 'a jun tic.

Zacarías 3:10

A wal yic 'oj jawc jun c'ul cha, ax tic, junjn ex 'oj eyawtc cot e b'a. 'Oj eyilj 'a yen̈l yich e uva yet' e higo. An Jehová in, tztac' wuj smasnil, an tzwal jun tic, xchi Dios, xchi jun ángel cha.

2 Co 9:5

Yuj cha, xin nani, to yowlal tzin tew 'och 'a eb' cu'tac tic, sec 'oj b'ab'l c'och eb' 'ayex. 'Oj 'at colwjc eb' eyet' eyi'n chan̈ eyofrenda, 'icha yaj eya'n can e ti'. Toto 'ixta', lista 'oj eyutc eyofrenda cha, ax eya'n yuj swach'l e nab'en, sec ma'oj 'at ex cac' pural on̈.

A Ch'an̈ B'ab'el Libro Samuel 11:3

Yuj cha, 'ix ta'w eb' yichmtac wincal chon̈b' Jabes 'ixtic: —'Ac' qui tiempo uque'oc c'u yic tzca'n 'at qui checb' 'a smasnil yol smacb'en qui chon̈b' an̈ israel on̈ tic. Toto may mach 'oj jawc colwjoc quet' on̈, toto 'ixta', tzca'ch qui b'a 'a yol e c'ab', xchi eb'.

A Ch'an̈ B'ab'el Libro Samuel 25:27

Ax ticnec jun, tzin tew 'ayach to tza chaj jab' in siylab' wet' 'aych tic, tza pojn 'ec' 'a scal eb' a checb' ajun 'et' tic.