Is 36:13 - Chuj San Sebastian Bible

¹³ Xlajw cha, 'ix q'ue lin̈n win syajlil eb' soldado asirio cha, caw 'ip 'ix yal 'ixtc 'a sti eb' hebreo: —'Ab'tec wal tas tzyal win niwquil rey, atn sreyl chon̈b' Asiria.

Chuj San Mateo Bible

¹³ Yuj chi' ix q'ue lin̈an vin̈ yajal chi', ix avaj chaan̈ vin̈, ix yalan vin̈ d'a ti' hebreo: —Ab'ec val tas syal vin̈ rey ec'b'al te nivan yelc'ochi, aton vin̈ sreyal Asiria:

Is 36:13 ပူးပေါင်းရင်းမြစ်များ

2 Cr 32:18

A eb' schecb' Senaquerib caw 'ip yaln 'at eb' 'a eb' 'anma 'a Jerusalén, atn eb' lin̈n q'ue 'a yib'n̈ muro. 'A sti hebreo tzyalb't eb', yic tzxib'tw eb', sec 'ixta 'oj yutc eb' ya'n ganar Jerusalén yalni.

Is 36:11

Xlajw cha, 'ix ta'w Eliaquim, Sebna, yet' Joa 'a win syajlil eb' soldado asirio cha: Tzon̈ tew 'ayach, to tzach paxtin 'ayn̈ 'a sti arameo, yujto tznachj 'el cuj an̈ tic on̈. Man̈ al 'ayn̈ 'a sti hebreo, yujto tzyab' eb' 'anma 'ay q'ue 'a yib'n̈ smuroal chon̈b' tic, xchi eb'.

Is 36:12

Palta 'ix yaln win syajlil eb' soldado chi 'ixtic: —Man̈ cojnocn̈ej 'ayx yet' 'a eyajlil 'aj in checx coti, yic tzwul walnoc jun tzo'n̈ paxti tic yuj sreyl Asiria; palta wal yel atn 'a smasnil eb' 'anma 'ay q'ue 'a yib'n̈ muro chi tzwala, yujto locn eb' 'oj yab' syal eyet'oc, caw 'oj e lo e tza', ax eyu'n pax e chul yet' eb', xchi winac.

Is 36:4

'Ix yaln win syajlil eb' soldado asirio chi 'ixtic: —Alc 'a win Ezequías, to 'ixtc 'ix yutj win niwquil rey yalni, atn sreyl chon̈b' Asiria: ¿Tas 'aych yipc e c'ojol?

Is 37:4

Comnoc wal 'ix yab' Jehová qui Diosal jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj an̈ jayn̈ on̈ tzon̈ can tic, xchi Ezequías, xchi eb'.

Is 8:7

An xo, 'icha to 'oj wac' pul'tzjoc 'el a niwn a Éufrates 'a sb'e, 'oj c'och mayn a 'a Judá. 'Oj macchjoc el lum lum chi yuj a', 'oj q'ue'choc xab'l a 'a sjaj 'anma'. (Tzyal 'el'chi, atn win sreyl Asiria yet' smasnil eb' soldado.) 'Ixta 'oj yutc win smacn 'ec' a lum ach Emanuel, xchi.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.