Is 35:9 - Chuj San Sebastian Bible

⁹ A 'aj tz'ec' jun b'e cha, may no león cajn ta', may e no chiwjum noc' 'oj c'och 'a jun lugar cha. A 'a jun b'e cha, ata 'oj 'ec' eb' colb'ilx 'el yuj Jehová.

Chuj San Mateo Bible

⁹ A d'a jun b'e chi' malaj junoc noc' choj ol ajoc, malaj pax junoc noc' chium noc' ol ajoc. Ata' ol ec' eb' colb'ilxo yuj Jehová.

Is 35:9 ပူးပေါင်းရင်းမြစ်များ

Salmos 107:2

An̈ colb'iln̈ec 'el yu'uj, calc 'eli to colb'iln̈ 'el yuj 'a yol sc'ab' eb' 'ajc'ojol.

Ex 15:13

Yuj a niwn chamc'ojlal, tzon̈ e'n b'ey an̈ a chon̈b' on̈ tic, on̈ a coln 'elt yet' a poder, yic tzon̈ e'n 'at 'a lum lum to sic'b'il 'el o'oj yic tzach 'aj cajn ta'.

Is 1:27

Yuj stojlal in nab'en, ax in coln can 'el eb' 'aj Sión, atn eb' 'oj sna sb'a sc'ojol,

Is 30:21

Toto 'oj eyel 'a e b'e, ax e 'atcn 'a stojlal e wach' c'ab' mto 'a e surito, 'oj eyab' yalx jun paxti 'a e patc 'ixtic; man̈ ex 'at ta', yaj b'e 'a tic, a 'a tic tzex 'ati, 'oj xchioc.

Is 30:6

Yaljnac Dios 'ixtc yuj no 'ictzum noc' tzlaj 'ec' 'a sat lum Neguev: A jun lugar cha, caw wal 'ay smay. Ata cajn 'ec' no león, til wal yel yaw no ta', 'ay no niwc chan, yet' no chan tzlaj jen̈wi. Ata tzb'ey no chej yet' no cameyo tzlaj cuchnc 'at sricoal chon̈b' Judá, yic tzya'n siylab'oc 'a Egipto, jun chon̈b' to matz colwj jab'oc.

Is 43:19

'Ay jun tas 'oj in b'o', mant 'a 'aj tzuj xoni, 'oj eyil nab'an. 'Oj in jac jun b'e 'a lum cusltac lu'um, ax wa'n b'ey yoct a a 'a sat lum tacn̈ lu'um.

Is 5:29

A yol sjaj eb', lajn wal sn̈il-li 'icha yic no león, yic tzyamn no schib'ej, tzyi'n 'at no a 'aj 'ay yet'ul, toc 'ay mach tztac' yi'n 'ec' 'a no'.

Is 51:10

'Ix a'n tup a mar yet' eb' a niwc a caw xab' yich, ax xab'l yich a mar cha, 'ix a'ch b'eal, sec a eb' colb'il 'el o'oj, wach' 'ix 'ec' eb' 'a yojl a'.

Is 62:10

Ex 'aj Jerusalén, 'eln̈ect 'a sti spuertail e chon̈ab', tze b'on sb'e eb' eyit chon̈b' 'aj 'oj jawc paxi. Caw wach' tzeyutj eya'n pan̈nb'oc lum ch'olctac. Tze si'n 'el eb' q'uen q'uen 'a yol b'e cha, caw mesmni tzeyutej. Tzlajw cha, tzeya'n q'ue e bandera yil jun tzo'n̈ xo nacion̈.

Is 62:12

A eb' israel, 'oj alxoc yuj eb', to Schon̈b' Dios eb', atn smasnil eb' tzcolx 'el yuj Jehová; ax yaln eb' 'anma yuj chon̈b' Jerusalén, To Caw Nib'b'il Jun Chon̈b' cha. Man̈x 'Actb'ilc Cani, 'ixta 'oj sb'ic yuj eb' 'anma cha.

Is 63:4

Yujto xjaw 'a in nab'en, to tzin pac in b'a 'a eb' 'ajc'ojl yajch 'ayin, tzin coln can pax 'el eb' in chon̈ab'.

Is 65:25

An Jehová in, an tzwala to a no 'oques yet' no calnelu, junn̈j 'oj 'ec' say wa sb'a e no', ax no león yet' no wacax, a te c'ultc 'oj slo e no', a no chan a lum pococ 'oj slec' no'. May junc tas 'oj stac' yixtn jun tzo'n̈ noc' chi 'a lum tzaln to wicn̈ej yaji, xchi Dios.

Jeremías 30:10

Ex israel yin̈tl can Jacob, caw man̈ ex xiwoc, yujto in checb' eyaji, 'oj ex in col 'elt yet' eb' eyunnal 'a jun nacion̈ 'ay 'a najt 'aj yamchjnacx 'at 'icha presoal. An Jehová in, an tzwala, to 'oj eyaj cajn jun 'ejm xo 'a junc'ojlal yet' 'a tzaljc'ojlal, man̈x 'a mach 'oj e xib'tni.

Ez 34:25

'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Ez 34:27

'Oj ya'x te 'awb'ente sat, til wal sb'al lum lum chi 'oj yac'a', caw junc'ojlal 'oj can eb' 'anma chi 'a sat lu'um. A yic 'oj in coln 'elt eb' 'a yol sc'ab' eb' 'aj 'aych mosoal cha, 'aj to man̈ yico'oc sb'a eb', ax yojcan 'el eb' to an Jehová in, an tzin col eb'.

Os 2:18

A 'a jun tiempoal cha, 'oj wac' in trato yet' e no calte'al noc' yuj swach'loc eb' in chon̈ab', e no ch'ic, yet' e no chan, sec man̈x 'a 'oj yutc e no eb', ax wi'n 'el jun tzo'n̈ jul-lab' 'a jun nacion̈ tic, atn lanza, yet' espada yic owal, sec 'oj 'iljoc eb' in chon̈b' tic 'a tzaljc'ojlal.

Lv 26:6

Caw tzaljc'ojlal 'oj e can 'a yol e chon̈ab'. Yelc'ojlal 'oj e wayi, may tas 'oj e xib'tni. 'Oj ex in col 'a no chiwjum noc' yet' 'a yol sc'ab' owal.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Sb'ab'el Carta San Pedro 1:18

A jun tzo'n̈ sb'eyb'al eb' qui mam quichmec, an̈j xqui b'eylb'ejc 'a yic yalan̈, palta nab'an̈ej cob' quixtjnaquec qui b'a. Ax ticnec, colchjnacn̈ec xo 'el 'a yol sc'ab' jun tzo'n̈ cha. Eyojc xo, to a qui colnb'ilec tic, ma'ix manx yet' jun tzo'n̈ tas ton̈j 'e'lb'a yeq'ui. A q'uen tumin, q'uen oro, yet' q'uen plata, may yopiso smann qui colnb'il tic.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.