Is 35:4 - Chuj San Sebastian Bible

⁴ Alc 'ixtc 'a eb' chab'c'ojlal yaji: Te'wtzejc e b'a, man̈ ex xiwoc, yaj qui Diosalec 'a tic, a 'oj qui colnec 'eli, ax eb' 'ajc'ojl yajch 'ayn̈ec, 'oj 'ajxoc 'och syailal eb' 'a 'icha wal smoj schani, xe chi.

Chuj San Mateo Bible

⁴ Alec icha tic d'a eb' chab'c'olal yaji: Tec'b'ejec e b'a, man̈ ex xivoc, ol javoc co Diosal on̈ scolo'. Ol yac'anoch syaelal eb' ayoch ajc'olal d'ayon̈ icha val smojal, xe chi.

Is 35:4 ပူးပေါင်းရင်းမြစ်များ

1 Cr 28:20

¡'Ac' ep, te'n tzotj a b'a, 'och cab' munljel! Man̈ ach xiwoc, man̈ a chab'c'ojloc a b'a, yujto a Jehová qui Diosal a 'oj 'ochn̈j et'oc. Ma'oj ach yactcani, masnto 'oj lajwc c'och smasnil munljel 'oj 'a b'o 'a yatut Jehová cha.

Salmos 116:11

Yuj cha, 'a sji'lti'al xwalni to smasnil 'anma', 'a'm 'es eb'.

Salmos 145:19

A eb' yiclum 'ayach, tzac' tas tznib'j eb'. A yic tzc'ann eb' a colwal, yajn̈j cha, tzach colwj 'a eb'.

Salmos 50:3

'Oj jawc qui Diosalec, palta man̈toc sictac 'oj 'aj sjawi. 'Ay jun c'ac' b'ab'l sjaw yu'uj, a jun chi tzsatn 'el smasnil tas. Oyn 'och pax jun niwquil 'ic' 'a 'a.

Salmos 94:1

Mamin Jehová ch'oxl a b'a to Dios ach, ach tzac' spac tas maysch'olnil.

Is 1:24

Yuj cha, an Jehová in tztac' wuj smasnil, Syajlil in chon̈b' Israel, an tzwal 'ixtic: Ax xo 'ajc'ojl eyajch 'ayin. Wal in b'on yaj in b'a eyet' tic, 'oj in pac in b'a 'ayex.

Is 25:9

A 'a yic jun c'ul cha, 'oj calc 'ixtic: Atn wal Jehová qui Diosalec tic, a ca'jnaquec 'och yipc qui c'ojol, yuj cha, on̈ scolnec. Ca'c wal tzaljoc qui c'ojol, yujto a 'on̈ colnec, 'oj qui chioc.

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Is 31:5

'Icha wal tzyutj no ch'ic stan̈wni yune 'a yol so', tz'ec' jen̈n̈oc no 'a yib'an̈. 'Ixta wal 'oj wutc in tan̈wni chon̈b' Jerusalén, an Jehová in, an 'oj in tan̈woc, 'oj in colo', xchi Dios.

Is 32:4

A eb' matz cham wal snani tas tzyala, 'oj tojlb'oc snab'en eb'; ax eb' que'ec, 'oj tojlb'oc spaxtin eb'.

Is 33:22

A Jehová a 'aych qui juezaloc, a tzb'on qui leyal, a pax 'aych qui Reyloc, a tzon̈ colnec paxi.

Is 34:8

Atn wal 'a jun c'ul chi 'oj yac' Jehová spac 'a eb' 'aj Edom. A 'a jun ab'il chi 'oj yi'cn 'el yowl sc'ojl yuj tas x'aj chon̈b' Sión yuj eb'.

Is 37:20

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey cha, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Is 37:6

'ix schecn 'at win eb' 'at yal 'a win rey cha, to a Jehová a 'ix aln 'ixtic: Man̈ ach xiw yuj jun tzo'n̈ paxti 'ix ab' cha. Caw tu 'ix yal win schecb' sreyl chon̈b' Asiria chi 'ayin, to matz tac' wuj yalni.

Is 40:2

Wach' tzeyutj paxtinc e b'a 'a eb' 'aj Jerusalén, tzeyaln 'a eb' chajtlto man̈x b'a'n̈ 'oj 'och eb' mosoal, tox 'ix stuplajwc eb' stenmtaquil yet' smaysch'olnilal, tox 'ix schaj eb' syailal 'a 'ayn an Jehová in, xchi Dios.

Is 44:2

An Jehová in an ex in b'o'o yic mantzac ex 'alji, an tzin colwj eyet'oc. Man̈ex xiw ex 'aj Jesurún, ex yin̈tl can Jacob, in checb' ex, sic'b'ilx 'el wu'uj.

Is 47:3

'Ilx cab' a niwnal jitn 'el cha, checlj cab' a niwnal to q'uixweltac yilxi. A jun chi 'oj wac' spacc 'ayach, may junc mach 'oj stac' ach scolni, xchi Dios.

Is 49:25

Palta a Jehová a tzaln 'ixtic: A 'a junc winc caw wal 'ay yip ata 'oj 'ijxoc 'ec' junc mach 'aych 'a preso, ax junc yajl to yel xo wal ow, 'oj 'ijxoc 'ec' tas 'ix 'at yac' ganar 'a owal. An 'oj wac' owl yet' eb' 'ajc'ojl cha, ax in coln 'el eb' one'.

Is 49:4

Palta xin nan 'ixtic: Nab'an̈ej in munlji, nab'an̈ej x'el wip, may jac tas 'ix wij 'a 'a, xin chi. Palta wojtac to checl yaj jun tic 'a sat Jehová, a spac wic yuj jun tic, ata 'ayc' 'a yol sc'ab' Dios.

Is 59:18

A Dios 'oj yac' spac yic junjn 'anma', a tzyala tas tz'el sb'oni: 'Oj ya'ch syailal eb' 'ajc'ojl yajch 'a 'a, eb' tzchichn 'och 'a 'a, yet' eb' nacion̈ cajn 'a sla'nil sti a mar. 'Oj yac' spac 'a eb', a tzyal tas xyutj eb' yi'n cot 'a yib'an̈.

Is 61:2

Tzwaln 'eli, to tox xjaw sc'ul yajx colnb'il tzyac' Jehová, xjaw sc'ul ya'n Dios spac 'a eb' 'ajc'ojol. Checb'iln cot yu'uj, yic tzwul wa'nc sniwnal sc'ojl eb' 'ay scusc'ojlal.

Is 63:4

Yujto xjaw 'a in nab'en, to tzin pac in b'a 'a eb' 'ajc'ojl yajch 'ayin, tzin coln can pax 'el eb' in chon̈ab'.

Is 66:15

Yujto a 'a scal c'ac' 'aychi ax sjawi, a scaruaje 'aj 'aychi, lajn wal sb'ey 'icha chacxuxm'ic'. 'Oj jawc wul yi'l yowl sc'ojl 'a eb' 'ajc'ojl cha. Lajn wal yowl sc'ojl chi 'icha sq'ue wan snich c'ac'.

Is 7:4

ata tzal 'a win 'ixtic: Tzel wal a b'a, man̈ ach 'och 'il, man̈ a comn xib'tc a b'a yuj win Rezín yet' eb' 'aj Siria, yet' pax win yunnal Remalías, yujto caw wal tzowx 'och eb' 'ayach. A eb' cha, lajn eb' 'icha chab'oc cuxc'ac' ton̈j tztab'lani.

Dn 10:18

A jun lajn yilx 'icha 'anma cha, 'ix 'ochx yamn 'ayn jun 'ejm xo, yuj cha, caw x'ochx wip xwab'i.

Dn 10:19

Xyaln 'ayn 'ixtic: Man̈ ach xiwoc. Caw tzach schamc'ojlej Dios. Cojn to tza te'wtzej a b'a, xchi. A yic wanto spaxtin 'ayn cha, 'ix 'ochx wip si'mb'il xwab'i, xwaln 'a 'ixtic: Ach wajlil, paxtinan̈ 'ayin, yujto caw wal x'ochx wip oj tzwab'i, xin chi 'a 'a.

Os 1:7

Palta ax chon̈b' Judá, 'oj 'o'ch in c'ojl 'a 'a. An Jehová in tic, sDiosal in jun chon̈b' cha, an 'oj in colo', man̈oc yet' owl 'oj in colo', man̈oc yet' jul-lab', man̈oc yet' q'uen espada, man̈oc pax yet' eb' soldado 'ay q'ue 'a yib'n̈ chej, palta a yet' in poder 'oj in col eb', xchi Dios cha.

Habacuc 2:3

Wach'xam a tas wan in ch'oxn 'aych tic, 'ayt sjaw stiempoal yuji, palta yowlal 'oj ujoc. Tan̈wj ela', wach'xam 'oj 'ec' tiempo, palta 'oj 'el'chn̈ej.

Hageo 2:4

Palta man̈ a chab'c'ojloc a b'a ach Zorobabel, ach Josué yet' ex chon̈ab'. Munljan̈ec, yujto an Jehová in, tztac' wuj smasnil, 'ayn 'ec' eyet'oc.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Lc 21:28

A yic wan xo yuj jun tzo'n̈ tas tzwal tic, tzaljan̈ec, te'wtzejc e b'a, yujto jab'xoj wal e colchji, xchi Jesús 'a eb'.

Ef 6:10

A ticnec ex wu'tac, ex wanab', caw te'n tzcutjec qui b'a 'a yol sc'ab' Cajlilec. 'Och cab' qui te'nalec yuj spoder.

1 Ts 5:14

Ex wu'tac, ex wanab', tzcham wal caln 'at 'ayx on̈, to tze xib'tj chan̈ eb' matz nib'j sb'o smunljel. Tzeya'n pax sniwnal sc'ojl eb' 'ay scusc'ojlal. Tzeyac' ste'nal eb' mant 'a yip 'a screyenteal. Caw niwn tzeyutj e c'ojl 'a eb' smasnil.

2 Ti 2:1

Ach xo, 'icha wal to wunnal ach. Caw te'n tzotj a b'a yuj swach'c'ojlal Dios tzyac' 'ayon̈, yujto junxn̈ej caj yet' Cristo Jesús.

A Ch'an̈ Carta D'a Eb' Hebreo 9:28

An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

Apoc 22:20

A jun xaln jun tzo'n̈ tic, a tzaln pax 'ixtic: —Wal yel, jab'xoj wal 'oj in c'ochxi, xchi. B'o cab' 'ixta'. ¡Cotn̈ ach Cajlil Jesús!

A Ch'an̈ B'ab'el Libro Samuel 23:17

'Ix yaln Jonatán 'ixtic: —Man̈ ach xiwoc, yujto ma'oj elchj yuj in mam. Ach tic 'oj och xon qui reyloc an̈ Israel on̈c tic, an xo 'oj woch schab'l yajlil. An̈jtona yojc xo in mam, xchi Jonatán.