Is 35:1 - Chuj San Sebastian Bible

¹ 'Oj tzaljoc chan̈ lum cusltac lu'um, ax snichn te c'ultc 'a lum tacn̈ lu'um.

Chuj San Mateo Bible

¹ Tzalajocab'q'ue lum taquin̈ luum, ayocab' xumac d'a lum taquin̈ sat.

Is 35:1 ပူးပေါင်းရင်းမြစ်များ

Salmos 48:11

Tzalj cab' chan̈ eb' 'anma 'ay 'a tzaln Sión. Q'uib' cab' stzaljc'ojlal eb' 'anma 'ay 'a yol yic Judá, yujto tojl tzyutj Dios sb'eyc'ojlwi.

Salmos 96:12

Tzalj cab' chan̈ lum lum tz'awxi yet' tas 'ay 'a sat lu'um. 'Oj 'el yaw eb' te te 'ay 'a waymtac yuj tzaljc'ojlal

Salmos 97:8

Mamin Jehová, a eb' 'aj Sión yet' eb' 'aj Judá, 'oj tzaljoc chan̈ eb' yic 'oj yab'nc eb' yab'xil a b'eyc'ojlal.

Cantares 2:1

An tic, lajn in 'icha te snichte 'ay 'a lum pan̈n Sarón. 'Icha pax te snichte 'ay 'a eb' lum pan̈an, xchi 'ix.

Is 25:9

A 'a yic jun c'ul cha, 'oj calc 'ixtic: Atn wal Jehová qui Diosalec tic, a ca'jnaquec 'och yipc qui c'ojol, yuj cha, on̈ scolnec. Ca'c wal tzaljoc qui c'ojol, yujto a 'on̈ colnec, 'oj qui chioc.

Is 27:10

A jun chon̈b' to caw wach' yaj sb'o'i, c'uxn 'ix lan̈chj 'ejmi, 'icha junc n̈a man̈x 'a yajal, 'icha pax 'aj may 'anma', cusltac xoj yilxi. Swalab' xoj no noc' 'oj 'ajcni, c'uxn 'oj laj sc'uxcn 'ejm no sc'ab' te te', ax yem pun̈n e no yilj 'a yich te'.

Is 27:6

'Ay jun c'ual 'oj yi'x eb' yin̈tl Jacob yip jun 'ejm xo. Yuj eb' ax ya'n cot Dios syaxilal 'a yolyib'n̈q'uinl tic jun 'ejm xo. Lajn eb' 'icha junc snun uva to tz'ejm schan̈l yib', tzwolni, tznichni, caw niwn sat tzyac'a.

Is 29:17

Jab'xoj wal tiempo ax yoch eb' lum yaxc'ultc yic Líbano 'awlanb'il, ax eb' lum 'awlanb' cha, 'oj 'ochx can eb' lum yaxc'ultcal.

Is 35:6

A eb' tz'em sb'eyi, 'oj b'atjoc chan̈ eb' sb'ey 'icha no c'ultquil chej, yet' eb' matz uj xon spaxtini, 'oj b'itnc chan̈ eb' yuj tzaljc'ojlal. Ax 'a lum cusltac lu'um, yet' 'a lum caw tacn̈ sat, til wal a a 'oj q'uelc pulnjoc spac' 'a eb' lu'um.

Is 4:2

A 'a jun tiempoal cha, 'ay jun yin̈tl David 'oj pitzw chan̈ yuj Jehová. A jun cha, lajn 'icha swol junc te te'. A eb' 'oj can to 'a yol schon̈ab' 'oj tzaljoc chan̈ eb' yu'uj, ax stzalj pax eb' yiln yelx wul smasnil sat yawb'en 'ay 'a slu'um.

Is 40:3

'Ay jun 'aw tz'ochi, tzyaln 'ixtic: B'oc junc sb'e Jehová 'a cusltac lu'um, caw tojl tzeyutj e b'on junc b'e 'a qui Diosal 'a lum lum to may tas 'ay 'a 'a.

Is 42:11

Tzalj cab' chan̈ eb' chon̈b' 'ay 'a lum cusltac lu'um, yet' eb' yin̈tl can win Cedar cajn 'a jun tzo'n̈ scamplamento. Eb' 'aj chon̈b' Sela, b'itn cab' eb' 'a tzaljc'ojlal, q'ue cab' yaw eb' sb'itn 'a lum jolmctac witz.

Is 43:19

'Ay jun tas 'oj in b'o', mant 'a 'aj tzuj xoni, 'oj eyil nab'an. 'Oj in jac jun b'e 'a lum cusltac lu'um, ax wa'n b'ey yoct a a 'a sat lum tacn̈ lu'um.

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Is 6:11

Yuj cha, xin c'anb'n 'a 'a: ¿Jantc to wal tiempo 'oj wal-l jun tzo'n̈ tic Mamin? xin chi. 'Ix ta'w 'ayn 'ixtic: Masnto 'oj lajwc can 'ejm jun tzo'n̈ chon̈b' tic, yic man̈x 'a mach cajn 'ec' 'a 'a; yic man̈x 'a junc 'anma tzcan 'a yol yatut, yic 'oj can lum lum tic 'a sictaquil.

Is 7:21

A 'a jun tiempoal cha, a mach 'oj cajn junc snun swacax mto chawn̈oc snun scalnelu,

Ez 36:35

Yuj cha, ax yaln eb' 'ixtic: 'In cannc jun tzo'n̈ lugar tic 'a cusltaquil, palta ax ticnec, lajn xo pax yilx 'icha lum Edén. Mac'b'il 'ejm jun tzon̈ chon̈b' tic, ax ticnec xlaj b'ox eb', 'ayx 'anma cajn pax 'a 'a, 'oj schic eb'.