Is 34:8 - Chuj San Sebastian Bible

⁸ Atn wal 'a jun c'ul chi 'oj yac' Jehová spac 'a eb' 'aj Edom. A 'a jun ab'il chi 'oj yi'cn 'el yowl sc'ojl yuj tas x'aj chon̈b' Sión yuj eb'.

Chuj San Mateo Bible

⁸ Aton val d'a jun c'u chi' ol yac' spac Jehová, aton val d'a jun ab'il chi' ol yic'canel yoval sc'ool yuj tas ix utaj chon̈ab' Sion yuj eb'.

Is 34:8 ပူးပေါင်းရင်းမြစ်များ

Salmos 94:1

Mamin Jehová ch'oxl a b'a to Dios ach, ach tzac' spac tas maysch'olnil.

Is 13:6

C'uyyoc cab' yel eyaw, yujto jab'xoj wal sc'och sc'ul sjaw yowl sc'ojl Jehová 'a eyib'an̈, atn jun tztac' yuj smasnil, a tz'a'n cot jun yailal cha.

Is 13:9

A ticnec wan sc'och sc'ul sjaw yowl sc'ojl Jehová, caw wal 'ay smay jun cha, lajn 'icha junc c'ac' tzn̈ilchji. 'Oj can lum lum tic 'a cusltacl yu'uj, 'oj lajwc 'el eb' 'anma maysch'olnil sb'eyb'al cajn ta'.

Is 26:21

Yujto 'oj 'eltoc Jehová 'a yol sdespacho yuj wul ya'nc 'och yailal 'a yib'n̈ smasnil 'anma cajn 'a sat lum lum tic, man̈x 'oj sc'ub'c 'el lum lum tic eb' milb'il cham 'a 'a, palta to 'oj sch'oxl lum jantc maysch'olnil 'ix uj 'a sat.

Is 35:4

Alc 'ixtc 'a eb' chab'c'ojlal yaji: Te'wtzejc e b'a, man̈ ex xiwoc, yaj qui Diosalec 'a tic, a 'oj qui colnec 'eli, ax eb' 'ajc'ojl yajch 'ayn̈ec, 'oj 'ajxoc 'och syailal eb' 'a 'icha wal smoj schani, xe chi.

Is 47:3

'Ilx cab' a niwnal jitn 'el cha, checlj cab' a niwnal to q'uixweltac yilxi. A jun chi 'oj wac' spacc 'ayach, may junc mach 'oj stac' ach scolni, xchi Dios.

Is 49:26

A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.

Is 61:2

Tzwaln 'eli, to tox xjaw sc'ul yajx colnb'il tzyac' Jehová, xjaw sc'ul ya'n Dios spac 'a eb' 'ajc'ojol. Checb'iln cot yu'uj, yic tzwul wa'nc sniwnal sc'ojl eb' 'ay scusc'ojlal.

Is 63:4

Yujto xjaw 'a in nab'en, to tzin pac in b'a 'a eb' 'ajc'ojl yajch 'ayin, tzin coln can pax 'el eb' in chon̈ab'.

Jeremías 46:10

Palta atn jun c'u tic wic an Jehová in, tztac' wuj smasnil. A wal 'a jun c'u tic 'oj in pac in b'a 'a eb' 'ajc'ojl yajch 'ayin. A q'uen espada 'oj 'a'nc lajwc eb' smasnil, masnto 'oj pimb'oc 'el q'uen yet' chic', yujto caw niwn eb' soldado 'oj in mil cham 'a stojlal norte 'a stz'ey a niwn a Éufrates.

Os 9:7

A ticnec, xc'och sc'ul sjaw yailal. Xc'och stiempoal e chan e tojl 'a 'icha wal tas smoj e chani. Ex israel, 'oj eyab' syal jun yailal cha. Tzeyal cob' 'ixtic: A jun schecb' Dios tic, caw may jac snab'en. A jun winc 'aych cob' Yespíritu Dios 'a tic, 'ix 'och owyail, xe chi. 'Oj eyal 'ixta', yujto cajn 'och maysch'olnil 'ayex, caw niwn pax e chichnc'ojlal.

Jl 3:4

¿Tas tze nib'j 'ayn ex 'aj Tiro, ex 'aj Sidón, yet' ex 'aj Filistea? ¿Tom tze nib'j tze pac e b'a 'ayin? Toto tze nib'j tze pac e b'a, wal 'a yajn̈ej ax wa'n spac 'ayx 'icha wal smoj e chani.

Miqueas 6:1

Ex 'anma', 'ab'c tas tzyutj Jehová yaln 'a eb' schon̈ab': Ex israel, wul alc 'a in sat tas tu 'ix 'el in b'on 'ayex, 'icha cab' to tzyab' eb' lum tzaln yol e jaj.

Lc 18:7

An̈jtona Dios, caw 'oj sb'oyaj pax eb' sic'b'il 'el yu'uj, eb' to tz'awj 'a sc'ual yac'wlil 'a 'a. ¿Tom 'oj 'ec' tiempo sb'onyaj eb'?

Ro 2:5

Palta 'ayx pit ex, matz e na e b'a. Yuj cha, wan eya'n niwtjoc yowl sc'ojl Dios 'a eyib'an̈. Ax 'a yic 'oj jawc jun c'u yic yailal, ax yajx can 'och 'a eyib'n̈ ta'. At wal 'a jun c'ul cha, 'oj checljoc 'el sb'eyc'ojlal Dios caw yel.

Dt 32:35

An 'ay waln wic wa'n 'och syailal eb', an 'oj wac' spac 'a eb', 'icha smoj schan eb'. 'Ay jun c'ual 'oj lajwc 'el eb', caw la'nxo yaj sc'ual yic 'oj lajwc 'el eb'. ¡Caw jab'xoj sc'och yorail schan eb' spac! xchi Dios.

Apoc 14:11

A wal jun 'aj 'oj yab' eb' syal cha, 'oj q'ue stab'l 'a smasnil tiempo. Wach'xam c'ual, wach'xam 'ac'wal, man̈x b'a'n̈ 'oj 'iljoc jac eb'. A eb' 'oj 'aj ta', atn eb' tzlaj yal sb'a 'a jun noc' sb'i, yet' 'a yechel, atn eb' xlaj schaj 'och senyail sb'i jun noc' chi 'a 'a, xchi jun ángel cha.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

Apoc 19:2

Tojln̈ej tzyutj sb'eyc'ojlwi 'a yel. Yujto 'ix sb'eyc'ojlej jun 'ix yajl 'ajmul 'ix. Atn 'ix x'a'n juwc 'el eb' 'anma 'a yolyib'n̈q'uinl yuj yajmulal. A Dios 'ix 'a'n spac 'a jun 'ix cha, yujto 'ix milx cham eb' schecb' Dios yu'uj, xchi eb'.