Is 34:5 - Chuj San Sebastian Bible

⁵ A 'a satcha'an̈ ata 'oj sch'ox cot Jehová yespada, ax 'a yib'n̈ Edom 'oj 'emoc, yujto a jun chon̈b' cha, tox 'ix 'ajx 'och chaml 'a yib'an̈.

Chuj San Mateo Bible

⁵ Ayic ol lajvoc sc'anan yespada Jehová d'a satchaan̈, ol yac'anpaxem d'a yib'an̈ Edom, jun chon̈ab' toxo ix och chamel d'a yib'an̈ yuuj.

Is 34:5 ပူးပေါင်းရင်းမြစ်များ

Salmos 137:7

Mamin Jehová, na cot wal tas yaljnac eb' edomita yic yem Jerusalén, yic yaln eb' 'ixtic: Ma'c 'ejm smasnil, masnto tz'em'ch 'a 'aj 'ay yipnub'al yich, xchi eb'.

Salmos 17:13

Mamin Jehová cotan̈, mac sjaw eb' 'ajc'ojl yajch 'ayin, 'ac' telwc 'ejm eb'. Coln 'el yet' a poder 'a yol sc'ab' eb' maysch'olnil snab'en.

Is 21:11

Alb'il can 'el jun tzo'n̈ paxti tic 'ixtc 'a yib'n̈ chon̈b' Edom: 'Ay jun mach 'ix 'awj cot 'ayn 'a Seir, 'ix yaln 'ixtic: Ach macwjum, ¿jantc to wal sacb' ticnec tzela? xchi.

Is 24:6

Yuj wal cha, 'ix cotcn catb' 'a yib'n̈ lum lum tic, ax eb' cajn 'a sat lu'um, wan yab'n eb' syail, wan yemt sb'isl eb', jaywn̈ xoj eb' 'ayq'ui.

Is 43:28

Yuj cha, ma'ix yal in c'ojl to tzin ya' servil eb' ya'mal 'och e ti ax israel ex tic. Ex yin̈tl can Jacob, 'oj ex wac' satxoc 'eli, caw wal 'oj eyixtxi, xchi Dios.

Is 63:1

An Isaías in tic, xin c'anb'n 'ixtic: —¿Mach jun chi tzcot 'a niwquil chon̈b' Bosra, 'a yol smacb'en Edom, chac spichl 'aychi, caw wal 'ay xo smay yilxi? Caw wal niwc winc sjawi, tzjaw yet' smasnil yip, xin chi. Xta'w jun chi 'ixtic: —An tic Jehová in, 'ay waln wic in b'eyc'ojlwi, tztac' pax ex in coln 'el yet' in poder, xchi.

Is 65:12

Palta an pax wojtac tas yowlal tzjaw 'a eyib'n̈ cha, a tas wach' cob' tan̈b'il eyu'uj. Caw maysch'olnil 'oj 'aj 'el'ch 'a eyib'an̈: 'Oj wac' tzu'xoc 'el e jolm yet' q'uen espada, yujto xcob' ex wawtej, palta ma'ex ta'w 'ayin. In cob' 'awj 'ayex, palta ma'ix e tz'ac eyab'i'; a tas matz in nib'ej, a chi xe b'o'o.

Jeremías 46:10

Palta atn jun c'u tic wic an Jehová in, tztac' wuj smasnil. A wal 'a jun c'u tic 'oj in pac in b'a 'a eb' 'ajc'ojl yajch 'ayin. A q'uen espada 'oj 'a'nc lajwc eb' smasnil, masnto 'oj pimb'oc 'el q'uen yet' chic', yujto caw niwn eb' soldado 'oj in mil cham 'a stojlal norte 'a stz'ey a niwn a Éufrates.

Jeremías 47:6

¡'Ay, a wal yespada Jehová! ¿B'a'n̈ wal 'oj 'och wan q'ue'en? Comnoc tzmolx 'ejm q'uen 'a yol yatut jun 'ejm xo, sec tz'och wa'an, man̈x 'a tas tzb'o'o.

Ez 32:29

Ata 'ayc' win sreyl Edom yet' eb' niwc yajal. Caw jeln cob' yutjnac sb'a eb', palta ax ticnec, ata teln 'ec' eb' 'a scal eb' chamnc yuj owl cha. Atn eb' man̈ wico'oc mucb'il 'a 'aj 'ay yet'l eb' chamnac.

Ez 35:1

'Ix yaln pax Jehová 'ayn 'ixtic:

Ez 35:15

Yujto a yic slajw 'el chon̈b' Israel wu'uj, caw wal tzaljnac ach, yuj cha, 'icha wal 'ajnc cha, 'ixta 'oj ach wutc ach in satn 'eli. 'Oj can eb' lum switzl Seir 'a cusltaquil, atn lum slum can Edom, 'ixta to b'i'an, ax in ojcan 'eli to an Jehová in, to cojn in ton Dios in, xchi Dios, xa chi.

Ez 35:8

A eb' lum jolmctac witz, eb' lum tzalctac, eb' lum pan̈ctac, yet' eb' lum ch'olctac 'aj tzb'ey eb' a a', 'oj b'ut'joc eb' lum yuj sniwnal eb' 'anma 'oj cham yuj owal.

Ez 36:5

Yuj cha, yet' wal yowl in c'ojol, tzwaln 'ixtc 'a yib'n̈ chon̈b' Edom yet' 'a yib'n̈ jun tzo'n̈ xo nacion̈, yujto caw xcob' tzaljoc jun tzo'n̈ nacion̈ chi smacn 'ec' lum in lum tic yico'oc, yuj schichnc'ojlal eb' xyi'n can 'ec' eb' lu'um, xchi Dios.

Sofonías 1:7

Sictac tzex 'aj 'a wojltac an Jehová Yajl in tic, yujto jab'xoj sjaw jun c'u yic 'oj wa'nc yowl in c'ojol. Tox 'ix wac' lista jun tzo'n̈ xajmb'al. Tox 'ix in si'l pax eb' 'awtb'il cot wac wet'oc.

Sofonías 2:12

An̈jtona ex 'aj Etiopía, 'oj e lajw pax yuj yespada Jehová, ax e chami.

Malaquías 1:4

Toto a eb' edomita yin̈tl Esaú a eb' tzaln 'ixtic: Wach'xam on̈ lajwec 'eli, palta 'oj qui b'oc pax chan̈ qui chon̈b'ec tic jun 'ejm xo, toto xchi eb', wach'xam tzb'ox chan̈ eb' schon̈ab', palta an 'oj in ma'x lan̈chjoc jun 'ejm xo. A snacion̈ eb' cha, 'oj yal eb' 'anma yuj 'ixtic: A jun nacion̈ tic, caw wal maysch'olnil, 'ayn̈j 'och pax yowl sc'ojl Jehová 'a yib'an̈, 'oj xchic eb'.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

1 Co 16:22

Toto 'ay junc mach matz chamc'ojlan Cajlil Jesucristo, 'ay cab' yowl sc'ojl Dios 'a yib'an̈. Ach Cajlil on̈, comnoc tzach jaw muc'uc.

Gl 3:10

A eb' tzya'ch yipc sc'ojl syiclni ley yic Moisés, 'ay cot yowl sc'ojl Dios 'a yib'n̈ eb'. Yujto tzyal 'ixtc 'a Ch'an̈ U'un̈: Tzann̈j mach matz yiclnin̈ej smasnil tas tz'ib'b'il can 'a ley, 'ay cot yowl sc'ojl Dios 'a yib'n̈ eb', xchi.

Dt 32:14

Til wal lech yet' queso 'oj yac' e wacax. 'Oj e chi no quelm calnelu, no mam calnelu, yet' no chiwo 'ay 'a Basán. 'Oj e wa 'ixm trigo caw wach', ax eyu'n yal uva.

A Schab'il Carta San Pedro 2:14

Tzann̈j junc 'ix tzyil eb', caw tznib'jn̈ej 'och eb'. Caw matz tac' stenn 'och wan sb'a eb' sb'on 'ajmulal. Ax eb' mant 'a ste'nal, caw tz'ajx sc'ojloc eb' yuj eb'. C'ayncn̈ej eb' snib'n 'och maysch'olnil. Yuj cha, caw 'ayx cot yowl sc'ojl Dios 'a yib'n̈ eb'.

Apoc 1:16

A 'a yol sc'ab' 'a swach', ata yamb'il uque c'anal yu'uj. A 'a yol sti', 'ay 'elt jun espada chab' ye, caw jay. Ax sat, lajn yilx 'icha c'u 'a yic caw ow yoc.