Is 33:23 - Chuj San Sebastian Bible

²³ Ax ticnec, a qui chon̈ab' lajn xoj 'icha junc barco matz tac' sto'x n̈ac'wc jun tzo'n̈ smantiadoil 'a yoyal, may 'aj 'oj yic' yip jun tzo'n̈ sch'an̈l cha. Palta 'ay jun c'ual, 'oj qui'c can 'ec' smasnil tas 'ay 'a eb' 'ajc'ojl cha, ax qui pojnec 'eq'ui, 'oj locchjoc c'och to eb' coxo yi'n yico'.

Is 33:23 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 7:16

Xlajw cha, 'ix 'elt smasnil eb' 'anma', 'ix 'at yi'nc eb' smasnil tastc 'ay 'a yol scamplamento eb' sirio. 'Ix 'el'ch 'icha 'ix yutj Jehová yalni, to tztac' smanx junc 'almu 'ixm harina mto chab'oc 'almu 'ixm cebada yet' junc tumn plata.

A Ch'an̈ Schab'il Libro Yic Yab'ixal Eb' Rey 7:8

Ax yic 'ix c'och eb' 'aych lepra 'a sti camplamento cha, 'ix 'och eb' 'a yojl jun mantiado. 'Ix wa eb', 'ix yu'n eb' tas tzyuq'uej. 'Ix yi'n eb' q'uen plata, q'uen oro, yet' pichul, 'ix 'at sc'ub'nc can 'el eb'. 'Ix meltzj pax eb' jun 'ejm xo, 'ix 'och eb' 'a yojl junx mantiado. 'Ix yi'n 'elt eb' tastc 'ay 'a yojol, 'ix sc'ub'n can pax 'el eb'.

2 Cr 20:25

Xlajw cha, 'ix 'at Josafat yet' eb' soldado ajun yet'oc, yic tz'at si'nc chan̈ eb' tastc xcan yuj eb' 'ajc'ojl xcham cha. 'Ix 'ilchj yamc'ab', pichul, yet' tas to chan̈ stojl yuj eb'. Yuj cha, til wal tas 'ix yij cot eb'. Palta 'ayt jun tzo'n̈ xo tas ma'ix tza'wni eb' yi'n coti. A jantcn̈ej tastc 'ix yij cot eb' cha, 'oxe c'u 'ix yac' eb' smolb'tzani, yujto caw niwan.

Salmos 68:12

A eb' rey caw tz'at eb' 'elc yet' soldado, ax eb' 'ix 'ix xlaj can 'a yatut, wan spojn 'ec' eb' 'ix tas x'at to'xoc can 'ec' 'a eb' 'ajc'ojl cha,

Salmos 68:13

atn jun tzo'n̈ yechl no 'uch 'u'nc sc'axl yuj q'uen plata yet' q'uen oro. ¿Tas yuj 'ayx ma'ix eyactj eyiln no e calnelu yic tzex 'at eyac' owal? xchi eb' 'ix.

Is 33:1

'Oltacch wal ach satm 'el 'anma', a ticnec mant 'a mach tzach satn 'eli, ach macm sat 'anma', mant 'a mach tzmacn a sat 'a junc tas. At 'a yic 'oj 'och wan a satn 'el eb' 'anma', atta 'oj a satx 'eli, at 'a yic 'oj 'och wan a macn sat eb' 'anma', atta 'oj macxoc a sat.

Is 33:21

Ata 'oj sch'ox Jehová spoder to caw 'ay smay 'ayn̈ec. Til wal a niwc a lewn sat tzb'ey ta', palta ma'oj stac' yoch eb' 'ajc'ojl yet' sniwc barco yic tz'at ya'nc eb' owl quet'ec.

Is 33:4

'Icha wal tzyutj no c'ulb' satn 'el te 'awb'ente', 'ixta wal 'oj 'aj yijx 'ec' sricoal eb' chon̈b' 'ajc'ojl yajch 'ayach.

Is 35:6

A eb' tz'em sb'eyi, 'oj b'atjoc chan̈ eb' sb'ey 'icha no c'ultquil chej, yet' eb' matz uj xon spaxtini, 'oj b'itnc chan̈ eb' yuj tzaljc'ojlal. Ax 'a lum cusltac lu'um, yet' 'a lum caw tacn̈ sat, til wal a a 'oj q'uelc pulnjoc spac' 'a eb' lu'um.

Ez 38:13

Ax eb' 'anma yic chon̈b' Sabá, eb' yic Dedán yet' eb' chon̈wjum yic chon̈b' Tarsis yet' jun tzo'n̈ xo eb' 'a junc xo chon̈b'al, 'oj sc'anb'nc eb' 'aych 'ixtic: ¿Tom achn̈ej tzwul ec' tas 'ay 'a eb' 'anma tic, yuj cha, xa molb'tzan eb' a soldado tic yet' smasnil 'anma ajun et'oc, yic tzwul elc'noc q'uen plata, q'uen oro, no cajb'en noc' yet' jun tzo'n̈ xo tas yic tzach 'och ricoal yu'uj? 'oj schic eb', xchi Dios, xa chi 'a 'a.

A Tas Sc'ulejnac Eb' Schecab' Jesús Hechos 27:19

Ax 'a yoxl c'u, c'uxn xqui julcn 'el smasnil jun tzo'n̈ syamc'ab'il te barco chi 'on̈.

1 Co 1:27

Yujto a eb' may snab'en 'a sat eb' 'anma 'a yolyib'n̈q'uinl tic, a eb' tzsi' chan̈ Dios, sec wach' ax eb' jelan, 'oj q'uixwc can 'el eb'. Yet' eb' may yel'ch 'a sat eb' 'anma', a eb' tzsi' cha'an̈, sec wach' ax eb' caw 'ay cob' yel'chi, 'oj q'uixwc can pax 'el eb'.

A Ch'an̈ B'ab'el Libro Samuel 30:10

Ata xc'unb' chan̈ chab' ciente ewinac, man̈xtzac stac' yec' eb' 'a jun ch'oln cha. Cojxn̈ej ewin chan̈e ciente 'ix 'at yet' David.