Is 33:22 - Chuj San Sebastian Bible

²² A Jehová a 'aych qui juezaloc, a tzb'on qui leyal, a pax 'aych qui Reyloc, a tzon̈ colnec paxi.

Chuj San Mateo Bible

^22-23 A sch'an̈al juntzan̈ barco chi', man̈ ol toc'joc tzatzb'oc d'a yoyal, man̈xa b'aj ol yac' yip sch'an̈al sc'apaquil. Ol pojchajec' tastac ay d'a eb' ajc'ol chi', ipan eb' tz'em sb'ey ol ic'an jab'oc yico', yujto a Jehová ol on̈ colanoc. A' ol b'oanel tas caji, co Reyal pax yaji.

Is 33:22 ပူးပေါင်းရင်းမြစ်များ

Gn 18:25

Ma'oj stac' a b'on 'ixta', yic tza satn 'el eb' may smul yet' eb' 'ay smul, 'icha to lajn xoj eb' tzyal cha. Man̈ a b'o 'ixta'. Caw Yajl ach 'a yolyib'n̈q'uinl tic. Toc wal 'oj a b'o tas man̈ tojloc, xchi Abraham 'a Dios.

Nehemías 10:14

A pax eb' 'aych yajlil 'a jun nacion̈ cha: atn Parós, Pahat-moab, Elam, Zatu, Bani, Buni, Azgad, Bebai, Adonías, Bigvai, Adín, Ater, Ezequías, Azur, Hodías, Hasum, Besai, Harif, Anatot, Nebai, Magpías, Mesulam, Hezir, Mesezabel, Sadoc, Jadúa, Pelatías, Hanán, Anaías, Oseas, Hananías, Hasub, Halohes, Pilha, Sobec, Rehum, Hasabna, Maasías, Ahías, junx win Hanán, Anán, Maluc, Harim yet' Baana.

Salmos 44:4

Ach qui Diosal on̈, caw yel qui Reyl ach on̈. Ach tzac' cac' ganar an̈ a chon̈b' on̈ tic on̈.

Salmos 44:5

O'oj 'ix ca'n ganar yem eb' 'ajc'ojl yajch 'ayn̈ on̈, yet' wal a b'i 'ix ca'n telwc eb' tznib'n tas tzlaj on̈ yutc on̈.

Salmos 50:6

Ax satcha'an̈ a 'oj ch'oxnoc 'eli, to a Dios atn Juez, caw tojl tzyutj sb'eyc'ojlwi.

Salmos 74:12

Palta yictax pecti', qui Reyl xon aj on̈; til wal 'ajtil 'ix ac' ganar owl 'a sat lum lum tic.

Salmos 75:7

palta a Dios atn Juez. 'Ay eb' tzyij 'ejmi, 'ay pax eb' tzyij cha'an̈.

Salmos 89:18

Ach 'ix ac' jun qui Colmal on̈. Ach qui Diosal on̈, Cojxn ach toni, ach 'ix a sic' 'elt jun qui reyl on̈.

Salmos 98:9

yujto tzjaw wul yac' yajlil 'a sat lum lum tic. A 'oj yac' yajlil 'a yib'n̈ smasnil chon̈b' 'a yolyib'n̈q'uinl tic. 'Oj sb'oyaj eb' 'anma 'a stojlal yet' 'a swach'il.

Is 1:10

Ex 'aj Jerusalén lajn ex yet' eb' eyajlil, 'icha wal eb' 'aj Sodoma yet' eb' 'aj Gomorra 'ixta 'ex. 'Ab'ec, a jun tzo'n̈ paxti tic, cuynb'il xyac' Jehová qui Diosalec.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 16:5

ax jun yin̈tl can David, a 'oj 'ajxoc yopiso reyal. 'Oj yac' yajlil 'a scal 'anma yet' schamc'ojlal. Caw wach' 'oj yutc sb'on yaj eb' 'anma 'a stojlal, yajn̈ej ax tzb'onyaj eb'.

Is 2:4

A Jehová 'oj sb'eyc'ojloc eb' 'anma yic junjn nacion̈ 'aj 'ay owal, 'oj yac' lajwc 'ejm owl chi 'a scal eb'. Ax syamc'ab' eb' yic owl cha, a q'uen espada, 'oj 'ochcn q'uen 'asaronal, ax q'uen lanza, 'oj 'ochcn pax q'uen josal. A 'a jun tiempoal cha, man̈x 'a junc nacion̈ 'oj yac' owl yet' junc xo nacion̈, man̈x 'a pax eb' soldado 'oj cuyxoc 'a owl cha.

Is 24:23

A 'a jun c'ul cha, 'oj 'och q'uic'q'uinl 'a c'u yet' 'a 'uj, ax Jehová tztac' yuj smasnil, 'oj 'och Reyl 'a lum tzaln Sión 'a Jerusalén, ax sch'oxn stzictznil 'a sat eb' yichm wincal schon̈ab'.

Is 25:9

A 'a yic jun c'ul cha, 'oj calc 'ixtic: Atn wal Jehová qui Diosalec tic, a ca'jnaquec 'och yipc qui c'ojol, yuj cha, on̈ scolnec. Ca'c wal tzaljoc qui c'ojol, yujto a 'on̈ colnec, 'oj qui chioc.

Is 33:17

Ex 'aj Sión, 'oj eyil jun qui reylec yet' stzictznial, 'oj c'och smacb'en jun nacion̈ tic 'a caw najat.

Is 35:4

Alc 'ixtc 'a eb' chab'c'ojlal yaji: Te'wtzejc e b'a, man̈ ex xiwoc, yaj qui Diosalec 'a tic, a 'oj qui colnec 'eli, ax eb' 'ajc'ojl yajch 'ayn̈ec, 'oj 'ajxoc 'och syailal eb' 'a 'icha wal smoj schani, xe chi.

Is 37:20

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey cha, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Is 41:21

A Jehová sReyl eb' yin̈tl Jacob, a tzaln 'ixtic: Cotn̈ec ex yechel, wul ch'oxc e jelnal, cotn̈ec, wul ch'oxc e colwal.

Is 44:6

A Jehová Rey tztac' yuj smasnil, a tz'a'n 'el eb' israel 'a libre, a tzaln 'ixtic: An ton tic b'ab'l waj 'a smasnil, slajb' in paxi, cojn in ton Dios in, may junc xo.

Is 49:25

Palta a Jehová a tzaln 'ixtic: A 'a junc winc caw wal 'ay yip ata 'oj 'ijxoc 'ec' junc mach 'aych 'a preso, ax junc yajl to yel xo wal ow, 'oj 'ijxoc 'ec' tas 'ix 'at yac' ganar 'a owal. An 'oj wac' owl yet' eb' 'ajc'ojl cha, ax in coln 'el eb' one'.

Is 49:26

A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.

Is 51:4

Ex in chon̈ab', macljec eyab' tas 'oj wala': To a 'in cuynb'il 'oj wac' sb'eylb'oc jun tzo'n̈ xo chon̈ab', 'icha wal sacq'uinl 'oj 'aj 'a scal eb'.

Is 51:5

A ticnec, la'nxo yaj in b'eyc'ojlal, la'nxo pax yaj to 'oj in colwji, 'oj in b'eyc'ojloc jun tzo'n̈ chon̈b' tic yet' in poder. Ax eb' 'anma 'a lum chon̈b' 'ay 'a sti 'a mar, 'oj ya'ch eb' yipc sc'ojl in poder.

Is 51:7

A mach 'ojtnac tojlal, ex to tzeya'ch in checnb'il 'a e nab'en, 'ab'tec tas 'oj wala': Man̈ ex xiw yuj sb'uchwal paxti eb' 'anma', man̈ eyac' chab'c'ojlal yuj tas ya tzyal eb' 'ayex.

Is 60:16

Ax eb' nacion̈ cha, 'oj yac' eb' tas wach' 'oj e c'uxu'. 'Oj ex yac' servil eb' rey yet' tas wach' 'ay 'a 'a, 'icha tzyutj junc 'ix nunb'il ya'n chuw yune'. 'Ixta 'oj ex yutc eb' rey chi ex ya'n servil, ax eyojcan 'eli, to an Jehová in, e Diosal in to tztac' wuj smasnil, e Colmal pax waji.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Mt 21:5

Tzeyal 'ixtc 'a eb' 'aj chon̈b' Sión: 'Iltec wal sjaw e Reyl 'ayex. Caw 'emmquil sjawi. 'Ay q'ue 'a yib'n̈ jun no quelm b'uru, yune jun no 'axna, xe chi, xchi 'a Ch'an̈ U'un̈.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Lc 2:11

A 'a Belén, 'a schon̈b' can win rey David, ata x'alj jun e Colmal q'uiq'ui, atn CRISTO Cajlil.

A Tas Sc'ulejnac Eb' Schecab' Jesús Hechos 5:31

A x'a'n yopiso, xyi'n 'at 'a swach' c'ab'. 'Ix ya'n 'och Cajliloc, qui Colmaloquec. Yuj cha, a Jesús, a tz'a'n qui nac qui b'a an̈ israel on̈c tic, sec tzlajw can qui mulc yu'uj.

2 Co 5:10

Yujto yowlal 'oj qui c'ochc 'a yojltac sdespacho Cristo, sec junjn on̈ec, 'oj qui chac spac tastc tzqui b'o'o, yic 'ayn̈ect 'ec' 'a jun qui niwnalec tic. A tzyala, toto wach' tzqui b'o'o, mto maysch'olnil.

Dt 33:2

'Ix yaln can 'ixtic: 'Ix cot Jehová 'a lum switzl Sinaí, 'ix ya'n cot sacq'uinlal 'ayn̈ec, 'a lum Edom. Toxn̈ej tzwetzwni cot 'a lum switzl Parán, 'ix jaw 'ayn̈ec. Caw smil-l sb'isl eb' ángel ajun yet'oc, ax 'a swach' c'ab', ata yet' jun ley, caw tzn̈ilchj yet' sc'aq'uil.

A Ch'an̈ Carta D'a Eb' Hebreo 5:9

Ax yic 'ix tz'acw 'el'chi, 'ix 'ajx yopiso ya'n colnb'il 'a jun 'ejmn̈ej, 'a smasnil 'anma tzchan 'ab'noc tas tzyala.

Santiago 4:12

Palta cojxn jun mach b'ojnac jun ley, junn̈j juez, atn jun tztac' on̈ scolnec, tztac' pax satn 'el eb' 'anma smasnil. Yuj cha, an̈ec xo, ¿tom 'ay calnec quic qui b'eyc'ojlan eb' quit 'anma'il?

Apoc 19:16

A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.

A Ch'an̈ B'ab'el Libro Samuel 12:12

A yic xeyilni to tzjaw win Nahas sreyl eb' amonita yac' owl eyet'oc, xe c'ann jun rey 'ayin, yic tz'och yajlil 'a qui calec. Tic pax to a Jehová qui Diosalec, a qui reylec yaji.