Is 33:20 - Chuj San Sebastian Bible

²⁰ 'Iltec wal Sión, atn jun chon̈b' to yic qui q'uin̈c yaji, ax eyiln pax swach'l yilx Jerusalén jun 'ejm xo, atn jun chon̈b' may tas tzna'a; 'icha junc mantiado matz xuyxcha'an̈, matz to'x q'uet yistacail, matz n̈i'chj junc sch'an̈il, 'ixta 'oj 'ajoc.

Chuj San Mateo Bible

²⁰ Ol eyil chon̈ab' Sion, b'aj scac'taxonoch q'uin̈, aton Jerusalén, jun chon̈ab' b'aj junc'olal ol on̈ ajoc. Man̈xa b'aq'uin̈ ol q'uexmajoc. Icha junoc mantiado scann̈ej, max chocjiq'ueta yestacail, max d'in̈chaj junoc sch'an̈al, icha chi' ol ajoc.

Is 33:20 ပူးပေါင်းရင်းမြစ်များ

Salmos 128:5

A 'a lum tzaln Sión, a cab' ta tzyac' cot Jehová syaxilal 'a quib'n̈ec 'a smasnil tiempo. 'Oj quilc swach'l chi 'a Jerusalén tic.

Salmos 46:5

A Dios 'ayc'n̈ej 'a jun chon̈b' cha, a tz'a'n yip; a tz'och yet'oc yic tzsacb' pax 'eli.

Salmos 46:6

'Oj 'el yaw jun tzo'n̈ niwc nacion̈ yuj owal, ax laj yib'x chan̈ eb' 'aych yajlil, ax yulb'x pax 'ejm lum lum tic, yic 'oj 'ab'xoc spaxtin Dios.

Is 32:18

Ex wit chon̈ab', wach'xam 'oj laj lo'chjoc eb' te niwc te yuj q'uen sacb'at 'oj 'ejmoc, ax satl jun tzo'n̈ chon̈b' yu'uj, ax xo tic 'oj e can cajn 'a junc'ojlal, 'oj eyac' tzaljoc e c'ojl eyilj 'a eyatut.

Is 33:6

'Oj ac' ste'nal eb', sjelnal eb', yet' snab'en eb'; a jun tzo'n̈ chi 'oj colnc 'el eb', ax yoch eb' yiclumal 'ayach, 'icha to 'oj 'och eb' ricoal o'oj.

Is 37:33

Ax pax yuj win sreyl Asiria, 'ix yal Jehová yuj win 'ixtic: Ma'oj 'oxtoc 'a yol chon̈b' Jerusalén tic, may wal junc sjul-lab' 'oj ya'lc sjuln coti, ma'oj jawc yac' owl yet' smacl sat jul-lab', ma'oj sb'o pax chan̈ sb'achte 'a spatquil smuroal chon̈b' tic.

Is 4:5

A 'a c'ual, 'oj ya'ch Jehová jun 'asn yen̈loc lum tzaln Sión yet' eb' 'anma 'oj syam sb'a ta'; ax 'a 'ac'wal, a jun c'ac' caw tzn̈ilchji, a 'oj 'a'nc sacq'uinl 'a eb', yujto a stzictznil Dios a 'ayc' 'a yib'n̈ eb' smasnil.

Is 54:2

'Oj lewnb'oc smantiado 'aj cajan, ma'oj xiw snitzn 'a junjn stitac. 'Oj snitz sch'an̈il, ax sma'n tzatzb'oc yistacail 'aj 'aych sch'an̈l cha,

Is 66:14

A yic 'oj eyilnc jun cha, caw 'oj e tzalj cha'an̈. 'Oj 'ochx eyip jun 'ejm xo. Caw tz'unnan yilx e niwnal 'icha tzyac' te 'unn c'ultac. Yujto 'oj sch'ox Jehová spoder 'a scal eb' schecab', ax yowl sc'ojol, ata 'oj ya'cn 'at 'a scal eb' 'ajc'ojl yajch 'a 'a.

Ez 48:35

A yechl jun muro chi 'a smasnil, jun oyn 'och 'a spatc 'el jun chon̈b' cha, b'aln̈e mil metro. Ax sb'i jun chon̈b' cha: Scajnub' Jehová, 'ixta 'oj sb'ioc, xchi Dios 'ayin, xchi Ezequiel.

Ez 48:8

A yic tzlajw schan eb' chi yic cha, ax yechtax can 'el lum wic sic'b'il can 'eli, 'oj cot lum 'a jun mon̈jon 'ay 'a stojlal 'aj tzq'uel c'u, ax sc'och lum 'a sti a Mar Mediterráneo cha. A jun lum cha, nan̈lyoxlajn̈il kilómetro yoc, ax sat, lajn yet' yic junc 'in̈tal eb' israel cha. A 'a snan̈l jun lum cha, ata 'oj can watut.

Mt 16:18

An tzwal 'ayach, ach ton Pedro ach. (A Pedro tzyal 'el'chi, q'ue'en.) A 'a yib'n̈ jun niwquil q'uen tic 'oj in b'o wiglesia. A jun wiglesia tic, toxn ma'oj lajwc yuj chamel.

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

Dt 16:16

Smasnil eb' winac, yowlal 'ox'ejm tz'och eb' 'a yojltac Jehová Dios 'a junjn ab'il, atn 'a jun lugar 'oj si'l yico'oc cha. A jun tzo'n̈ q'uin̈ 'aj 'oj 'och eb' cha, atn tic: Q'uin̈ yic 'ixm pan may yich, q'uin̈ yic tzlajw spolx trigo, yet' q'uin̈ Chinama. May cab' junc mach tzsat sc'ojl yi'n 'at yofrenda 'a yojltac Jehová.

Apoc 3:12

A eb' 'oj 'a'nc ganar ya'n techjoc, 'icha jun tzo'n̈ yoyl yatut in Diosal 'a yojol, 'ixta 'oj 'aj eb' wu'uj, yujto man̈x 'a b'a'n̈ 'oj 'eltc eb' ta'. 'Oj in tz'ib'c 'och sb'i in Diosal 'a eb', yet' sb'i schon̈ab', atn jun 'ac' Jerusalén 'oj 'emtc 'a satcha'an̈, 'a 'aj 'ayc' in Diosal cha. An̈jtona', 'oj in tz'ib'c pax 'och jun b'i 'a't 'a eb'.