Is 33:18 - Chuj San Sebastian Bible

¹⁸ A yic 'oj e nanc cot tas 'ajnc ex e xiw 'a yic yaln̈taxi, 'oj eyal 'ixtic: ¿'Ajtil 'ay win tzc'ann 'el jun tzo'n̈ tojlb'al? ¿'Ajtil 'ay win tz'echtan jun tzo'n̈ tojlb'al cha? ¿'Ajtil 'ay win tzb'isn cot yab'xil jun tzo'n̈ cuartel? 'oj e chioc.

Chuj San Mateo Bible

¹⁸ ol e naancoti tas ajnac e xiv d'a yalan̈taxo, ol eyalan icha tic: ¿Tas ix sc'ulej eb' vin̈ ch'oc nacional sc'ananel q'uen tumin d'ayon̈? ¿Tas ix sc'ulej eb' vin̈ tz'echtan q'uen tumin chi'? ¿Tas ix sc'ulej eb' vin̈ slaj b'isan juntzan̈ yed'tal eb' soldado yuj snaan eb' jantac sb'eyumal co chon̈ab'? xe chama.

Is 33:18 ပူးပေါင်းရင်းမြစ်များ

Gn 23:16

'Ix schaj sc'ojl win Abraham sjeln stojl lum lum cha, 'icha xyutj win yaln 'a sat smasnil ewin hitita cha. 'Ix yechtan Abraham chan̈e ciente q'uen tumn plata cha, lajn x'aj yal-l q'uen 'icha yic eb' chon̈wjum.

A Ch'an̈ Schab'il Libro Yic Yab'ixal Eb' Rey 15:19

ata 'ix jaw win Pul sreyl Asiria yet' eb' soldado yac' owl yet' Israel. Yuj cha, 'ix yac' Menahem 750 quintal q'uen tumn plata 'a win Pul cha yic tz'och win yet'oc, sec wach' te'n yaj 'a yopiso.

A Ch'an̈ Schab'il Libro Yic Yab'ixal Eb' Rey 18:14

Xlajw cha, 'ix ya'n Ezequías alxc 'a sreyl chon̈b' Asiria 'ay 'a Laquis, xyaln 'ixtic: Caw 'ix 'och in mul 'ayach. 'Ij 'el a b'a 'a yol in nacion̈ tic, ax ca'n q'uen tojlb'al 'aych 'a quib'n̈ o'oj, xchi. Ax win sreyl Asiria 'ix ya'ch 225 quintal q'uen tumn plata, yet' 23 quintal q'uen oro tojlb'al-l 'a yib'n̈ Ezequías yet' eb' yit chon̈ab'.

A Ch'an̈ Schab'il Libro Yic Yab'ixal Eb' Rey 18:31

Man̈ e cha eyab' 'a Ezequías cha. Yujto 'a win wajlil tzyac' win wal 'ayex to tzex 'och 'a junc'ojlal yet'oc, tzeya'n servil. Toto 'ixta', junjn ex, 'oj e lo sat eyawb'ente' ax eyu'n eyal joyb'il eyu'uj.

Salmos 31:22

A yic 'ayn 'och 'a in yailal, 'ix in nani chajtlto in 'ijx 'el 'a ojltac, palta ax yic xin c'ann a colwal, yajn̈ej xab'n tas xwala.

Salmos 71:20

Wach'xam til wal yailal 'ix a ch'ox wila', yet' pax cusc'ojlal, palta 'oj in a'x pitzwoc jun 'ejm xo; 'oj in e'x q'uet 'a yol lu'um,

Is 17:14

A 'a yemc'ul cha, caw wal 'ay smay eb' 'ajc'ojl cha, palta ax yic 'oj sacb'oc 'el 'a junx c'u, man̈x checloc 'aj 'ay eb'. 'Ixta wal 'oj 'aj eb' tzon̈ 'elc'nec, mto eb' tznib'j tzon̈ 'ixtnec.

Is 54:14

A tojlal, a chi 'oj yic' yip 'a scal eb', 'oj colchjoc can 'el eb' 'a yol sc'ab' eb' 'anma tz'ixtn eb', 'oj 'el jun xiwc'ojlal chi 'a scal eb', man̈x 'a tas 'oj xib'tnoc eb'.

1 Co 1:20

Yuj cha, may jac yopiso eb' jelan, yet' eb' cuywjum. May pax yopiso eb' jeln tzyutj sten sb'a. A Dios, 'ix ch'oxni, to a jun jelnal yic yolyib'n̈q'uinl tic, may jac yel'chi.

2 Ti 3:11

An̈jtona', lajn pax a te'nal wet' 'a scal jun tzo'n̈ tas tz'ajx 'och 'a wib'an̈, yet' jun tzo'n̈ xo tas tzwab' syail. 'In ojc xo, caw in 'ixtxi, yic wec' 'a chon̈b' Antioquía, 'a Iconio, yet' 'a Listra. Til wal wab'jnac syal 'a jun tzo'n̈ chon̈b' cha, palta a Cajlil, a coljnacn can 'el 'a yol sc'ab' smasnil.

A Ch'an̈ B'ab'el Libro Samuel 30:6

Caw 'ix 'och 'il David si'mb'il, yujto snib'j eb' winc ajun yet' chi sjul q'uenej. Chab'c'ojlal xoj yaj eb' smasnil, yuj tas 'ix 'aj yunnal eb', yisl eb' cha. Palta xya'ch David chi snab'en 'a Jehová sDiosal.