Is 33:17 - Chuj San Sebastian Bible

¹⁷ Ex 'aj Sión, 'oj eyil jun qui reylec yet' stzictznial, 'oj c'och smacb'en jun nacion̈ tic 'a caw najat.

Chuj San Mateo Bible

¹⁷ Ayic ol eyilan jun Rey te ay stziquiquial, ol eyilpaxi to te najat ol c'och smacb'en jun nación tic,

Is 33:17 ပူးပေါင်းရင်းမြစ်များ

2 Cr 32:23

Yuj cha, caw niwn eb' nacion̈ xyij cot yofrenda 'a Jerusalén, yic tzya'n eb' 'a Jehová, xya'n pax eb' siylab' chan̈ stojl 'a Ezequías sreyl Judá. A yictax cha, caw niwn yel'ch x'aj 'a sat jun tzo'n̈ xo nacion̈.

Job 19:27

'Oj wilch wal yet' in sat, caw an 'oj wila', man̈toc chuc mach 'oj 'ilnoc. Caw wal an tzin nib'j wilchi.

Salmos 31:8

Ma'in a'cn 'och 'a yol sc'ab' eb' 'ajc'ojl yajch 'ayin; palta ata in a'cn 'och lin̈n 'a 'aj may tas tzin 'i'ni.

Salmos 45:2

Ach rey, cojn ach yel xo wach' 'elx 'a yib'n̈ smasnil eb' winac. Man̈x jantcoc wach' paxti tzala, yujto 'ix yac' Dios syaxilal 'a eb'n̈ 'a jun 'ejmn̈ej.

Cantares 5:10

A ni quelm chamc'ojlb'il wuj cha, sac yilx na, chac b'och'nac pax janc yilx na, cojn ni 'ixta yilx 'a scal lajn̈e'oc mil eb' winac.

Is 24:23

A 'a jun c'ul cha, 'oj 'och q'uic'q'uinl 'a c'u yet' 'a 'uj, ax Jehová tztac' yuj smasnil, 'oj 'och Reyl 'a lum tzaln Sión 'a Jerusalén, ax sch'oxn stzictznil 'a sat eb' yichm wincal schon̈ab'.

Is 26:15

Mamin Jehová, ach 'ix ac' q'uib' jun qui chon̈b' tic on̈, sec tz'ijx chan̈ a b'i, ach 'ix ac' nitzmjoc smon̈jonal qui lum on̈.

Is 33:21

Ata 'oj sch'ox Jehová spoder to caw 'ay smay 'ayn̈ec. Til wal a niwc a lewn sat tzb'ey ta', palta ma'oj stac' yoch eb' 'ajc'ojl yet' sniwc barco yic tz'at ya'nc eb' owl quet'ec.

Is 33:22

A Jehová a 'aych qui juezaloc, a tzb'on qui leyal, a pax 'aych qui Reyloc, a tzon̈ colnec paxi.

Is 37:1

A yic 'ix yab'n win rey Ezequías tas 'ix alx cha, 'ix stziln jat win spichul, ax pichl n̈achtac sat xya'ch yuj cusc'ojlal. Xlajw cha, 'ix 'at 'a yatut Jehová.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Zacarías 9:17

Man̈x jantcoc swach'il, caw wal wach' yilx 'oj 'aj eb' 'aj chon̈b' cha. Yujto 'oj yac' sobra 'ixm trigo yet' yal uva, yuj cha, caw wal wach' 'oj 'aj sq'uib' eb' quelem, yet' eb' cob'es.

Mt 17:2

Ata xjelmj yilx Jesús 'a sat eb'. Caw tzictzni x'aj sat 'icha yilx c'u, ax spichul, caw sac x'aj si'mb'il.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 14:21

A eb' 'aych snab'en 'a jun tzo'n̈ in checnb'il, tzyiclni paxi, atn eb' chi 'ay schamc'ojlal 'ayin. A eb' 'ay schamc'ojlal 'ayin, ax in Mam 'oj chamc'ojlanc eb'. An̈jtona 'in, 'oj in chamc'ojloc pax eb'. Ax in ch'oxn in b'a 'a eb' 'a 'esal, schi Jesús 'a eb'.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.

2 Co 4:18

Man̈ ca'c 'och qui nab'en 'a jun tzo'n̈ tas tzquilc yet' qui sat, yujto a jun tzo'n̈ tzquilc tic, ton̈j 'e'lb'a yeq'ui. A 'a jun tzo'n̈ tas matz quilec, ata tzca'c 'och qui nab'en, yujto a jun tzo'n̈ matz quilc cha, 'ayc'n̈ej 'a jun 'ejmn̈ej.

1 Jn 3:2

Ex wu'tac, ex wanb' chamc'ojlb'il wu'uj, yunnaln̈ec xo Dios ticnec. Mant cojcoquec, chajtl yilx 'oj cajec. Palta cojquec to a yic 'oj jawc Jesucristo, lajn 'oj cajc yet'oc, yujto 'oj quilc wal chajtl yilxi.