Is 33:11 - Chuj San Sebastian Bible

¹¹ A tas nab'il eyuj ax tic, yet' tas tze b'o'o, lajn wal yet' c'alem yet' pax 'ac, 'oj wutz'c 'at wic' 'a 'a, ax stz'acn 'ejm smasnil.

Chuj San Mateo Bible

¹¹ A tas nab'il eyuuj yed' tas toxo ix e b'o'o, lajan icha c'alem, ma icha an̈ ac. Ol in pub'at vic' d'ay, ol tz'ab'at smasanil.

Is 33:11 ပူးပေါင်းရင်းမြစ်များ

Job 15:35

A eb' cha, cojn maysch'olnil nab'il yuj eb', tznib'j eb' to tzjaw maysch'olnil chi 'a yib'n̈ junc xo yit 'anma'il; cojn chi 'ayc' 'a snab'en eb', xchi win Elifaz.

Salmos 2:1

¿Tas yuj caw tzq'ue 'awjoc eb' chuc chon̈b'al? ¿Tas yuj a jun tzo'n̈ may jac yel'ch 'aj tzya'ch eb' snab'en?

Salmos 7:14

'Iltec wal eb' tzb'on maysch'olnil, tzna chan̈ eb' tas tu 'a spatc yit 'anma'il. Tzyamn 'och eb' ya'n 'es 'a eb', cojn 'ixtj 'anma tzb'o eb'.

Salmos 7:15

Caw xab' yich jun sjul eb' sb'ojnac, palta a 'a yol jun sjul eb' cha, ata 'oj 'atcn eb'.

Is 1:31

A junc 'anma caw te'n yaj 'a tzyutj snani, 'icha xoj te 'ac 'ixta 'oj 'ajoc; ax jun tzo'n̈ yechl xlaj sb'o cha, 'oj 'och n̈ilnjoc sc'aq'uil, lajn 'oj 'aj scan sc'ac'l eb' 'a schac'ajil, man̈x 'a mach 'oj stac' stupn jun c'ac' cha, xchi Dios.

Is 17:13

Palta ax yic 'oj tenxoc 'och wan eb' yuj Dios, wach'xam tzc'an̈ yec' eb', palta ma'oj yil eb' s'at 'eloc, lajn 'oj 'aj eb' 'icha tz'aj yutz'x 'at solcal trigo yuj 'ic' 'a caltc te', mto 'icha tz'aj yutz'x chan̈ pococ yuj chacxuxm'ic', 'ixta 'oj 'aj eb'.

Is 26:18

'Icha wal syal yalj 'unin, 'ixta 'on̈ 'aj cab'n syal on̈, palta toc 'ay 'unn chi 'ix 'alj 'el 'ayn̈ on̈. May jac colnb'il xjaw 'a yolyib'n̈q'uinl tic cuj on̈, ma'ix 'em eb' nacion̈ cuj on̈.

Is 5:24

Yuj cha, 'icha wal tz'aj stz'a 'ejm te 'ac yuj c'ac', c'uxn tz'a te xil chi smasnil, 'ixta 'oj 'aj slajw 'el eb' tic, 'oj tacjoc 'el eb' 'icha te te c'al xo sch'an̈lyib', munxoj tzpucl snich, 'icha xoj pococ tz'ajcni. Yujto tzpatquiljcan 'el eb' sley Jehová tztac' yuj smasnil, atn qui Diosal to Cojxni.

Is 59:4

May xon junc mach tojl tas tzb'o'o, may mach tzb'oyaj sb'a 'a wach'. A tas 'aj 'aych e nab'en, atn 'a 'es yet' jun tzo'n̈ paxti man̈ yeloc. A maysch'olnil, a chi 'ayc' 'a e nab'en e b'oni, ax tz'aji, tzeya'n 'el'choc 'icha tas tze na cha.

Is 9:17

Yujn̈ej wal jun tzo'n̈ cha, man̈x 'oj 'o'ch sc'ojl Jehová 'a eb' quelmtac winac, 'a eb' meb'a 'unn chamnc smam yet' 'a eb' 'ix 'ix chamnc yichmil. Yujto a eb' 'anma tic, jun 'eln̈ej maysch'olnil eb', tu eb' smasnil, cojn tu paxti'al tzyal eb'. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

A Tas Sc'ulejnac Eb' Schecab' Jesús Hechos 5:4

A 'a yic mantzac a chon̈o, yel eco'. An̈jtona', 'ixta pax 'a yic xa chon̈ni, yel ec ton stojl cha. Yuj cha, ¿tas yuj xa na jun maysch'olnil tic 'ixtic? Man̈ocn̈ej 'a 'anma xac' 'es, palta a 'a Dios xac' pax 'es, xchi Pedro 'a winac.

Santiago 1:15

Ax 'a yic tzqui b'on jun tzo'n̈ maysch'olnil tzqui nib'j 'och cha, tzwach' 'och qui mul. Ax yic tzwach' juw 'el qui nab'en yuj qui mul cha, yujn̈ej cha, ax qui cham 'a jun 'ejmn̈ej.