Is 33:1 - Chuj San Sebastian Bible

¹ 'Oltacch wal ach satm 'el 'anma', a ticnec mant 'a mach tzach satn 'eli, ach macm sat 'anma', mant 'a mach tzmacn a sat 'a junc tas. At 'a yic 'oj 'och wan a satn 'el eb' 'anma', atta 'oj a satx 'eli, at 'a yic 'oj 'och wan a macn sat eb' 'anma', atta 'oj macxoc a sat.

Chuj San Mateo Bible

¹ Ob'iltac ex, ex satumel anima, ex ixtum anima. Malaj mach tzex sataneli, ma tzex ixtani. Ayic ol lajvoc e satanel eb', tzeyixtanpax eb', ol ex satjoqueloc, ol ex ixtajpaxoc.

Is 33:1 ပူးပေါင်းရင်းမြစ်များ

Pr 22:23

yujto a Jehová 'oj colnoc eb', ax 'oj 'a'noc spac 'ayx yuj tas tze b'o cha.

Is 10:12

A yic tox xlajw 'el'ch 'icha tas nab'il yuj Dios 'a yib'n̈ tzaln Sión yet' Jerusalén, 'ixta to b'i'an, ax ya'n 'och syailal win sreyl Asiria cha. Yujto cob' xyij chan̈ sb'a, sb'an̈n sb'a yuj tas xlaj sb'o cha.

Is 14:25

'Oj in satl eb' asirio 'a sat in lu'um, ax wa'n lajwc 'el eb' 'a lum jolmctac witz, lum 'ay 'a yol in macb'en, ax wi'n 'el yailal 'aych yuj eb' 'a yib'n̈ eb' in chon̈ab'. Man̈x 'a pax b'a'n̈ 'oj 'ixtxoc eb' in chon̈b' chi jun 'ejm xo yuj eb'.

Is 17:14

A 'a yemc'ul cha, caw wal 'ay smay eb' 'ajc'ojl cha, palta ax yic 'oj sacb'oc 'el 'a junx c'u, man̈x checloc 'aj 'ay eb'. 'Ixta wal 'oj 'aj eb' tzon̈ 'elc'nec, mto eb' tznib'j tzon̈ 'ixtnec.

Is 21:2

Caw wal 'ay xo smay jun tas x'ajx wil tic 'a 'icha waychil. A mach toxn to tu snab'en, caw tu tas tzb'o'o, a mach milwjum xoni, caw tzmilwjn̈ej. 'Ixquec mu'c 'a owl ex 'aj Elam, ex 'aj Media, 'ochn̈ec oyn 'a chon̈b' Babilonia. Smasnil jun tzo'n̈ yailal xya'ch Babilonia cha, c'uxn 'oj 'och wan yuj Jehová.

Is 24:16

Caw 'oj 'ab'xoc sb'itn eb' 'a 'aj tzlajw c'och sti lum lu'um, yuj yijx chan̈ sb'i Dios, jun caw tojl snab'en. Palta xwaln 'ixtic: 'Oltacn wali, caw wan in lajw 'el tzwab'i. A eb' tu snab'en cha, caw tu tas tzb'o eb'.

Is 31:8

'Oj 'ejmc Asiria yuj q'uen espada, palta man̈ 'anmac 'oj utnc 'ixta yet' sjelnal. A jun owl chi 'oj pechnc 'at eb' 'anma 'a jun chon̈b' chi 'eloc, ax eb' quelmtac, 'oj 'ochcn eb' mosoal.

Is 48:8

Yel toni, a jun tic mant 'a 'aj eyab'jnac, mant eyojcoc, an̈jtona mantzac eyab' pax ticnec. Yujto wojtac to man̈ ex yiclumoc, tenmtacx xon 'a yic mantzac ex 'alji.

Ez 39:10

An Jehová in, an tzwala. Man̈x yowlalc 'oj 'at eb' israel chi say sc'atztz 'a najat, man̈x 'oj 'at yic' eb' sc'atztz 'a calte', yujto a jun tzo'n̈ yamc'ab' yic owl chi 'oj sc'atztzoc eb'. 'Ixta wal 'oj yutc eb' yi'n can pax 'ec' tas 'oj wul yi'cc eb' 'ajc'ojl chi 'a eb'.

Sofonías 3:19

A 'a yic jun tiempoal cha, 'oj wac' yowlal 'a jun tzo'n̈ eb' ex 'ixtni. 'Oj in colwj 'a eb' 'anma 'aych syailal yet' 'a eb' sactzicnac yajcn 'ati. 'Oj wi' chan̈ e b'inab'ilal 'a 'aj ex patquilx can 'el 'a smasnil yolyib'n̈q'uinal.

Mt 7:2

Yujto 'icha wal tzeyutj e b'eyc'ojlan eb' eyit 'anma'il, 'ixta 'oj ex yutc Dios ex sb'eyc'ojlan jun xo. A wal eyechtab' tzeya'lb'ej, a 'oj 'a'lb'axc 'ayex, tzyal 'el'chi to 'icha wal tzeyutj e b'eyc'ojlwi, 'ixta 'oj eyaj e b'eyc'ojlax jun xo.

Apoc 13:10

A eb' yic xon yaj yijx 'at presoal, 'oj 'ijxoc 'at eb' presoal. Ax eb' yic xon yaj smilx cham yet' q'uen espada, 'oj milxoc cham eb' yet' espada, xchi. Yuj cha, an̈ec yic on̈c xo Dios, yowlal te'n tzcutjec qui b'a cab'n syail, tzca'nec pax 'och qui c'ojl 'a 'a.

Apoc 16:6

Yujto a eb' 'anma', xlaj smac' 'elt eb' schic'l eb' eco', yet' eb' a checab'. Yuj cha, cojxn chic' tzac' yuc' eb' 'anma ticnec. ¡Caw smoj 'ixta tz'aj eb'! xchi.

Apoc 17:17

Yujto a Dios 'oj 'a'nc sb'o eb' 'icha tznib'ej. Yuj cha, junn̈j 'oj yutc eb' sb'on jun cha. Ax ya'n pax eb' yopiso 'a jun noc' sb'i cha. 'Ixta 'oj yutc eb', sec tz'el'ch tas yaljnac can Dios.

Jueces 1:7

Yuj cha, xyaln Adoni-bezec 'ixtic: A 'a yic yaln̈taxi, in tzu'jnac 'el snun sc'ab' yet' snun yoc 70 eb' rey, x'och eb' sic' sc'ajl schib'l woch 'a yaln̈ in mexa. 'Icha wal wutjnac eb' rey cha, 'ixta wal xyutj Dios ya'n spac 'ayn ticnec, xchi. Xlajw cha, xyi'n 'at eb' 'a Jerusalén, axta xchami.

Jueces 9:23

Xlajw cha, ax Dios 'ix 'a'n 'ejm jun tu nab'enal 'a snan̈l win yet' eb' 'aj Siquem cha. 'Ix schacn sb'a eb' yet'oc, 'ix meltzj 'och eb' 'ajc'ojlal 'a 'a,