Is 31:2 - Chuj San Sebastian Bible

² A Dios caw jeln paxi, tztac' ya'n cot yailal 'a eyib'n̈ yuj tas maysch'olnil tze b'o'o. Matz 'ec' tas tzyalcn 'el 'a eyib'an̈, yet' 'a eb' cob' tzcolwj eyet'oc.

Chuj San Mateo Bible

² Palta te jelan pax Jehová chi', ol yic'cot somc'olal d'a yib'an̈ eb'. Max ec'b'at tas syal d'a spatic jun chon̈ab' chuc yed' d'a spatic eb' scolvaj d'a eb' sc'ulan chucal chi'.

Is 31:2 ပူးပေါင်းရင်းမြစ်များ

Job 12:13

Palta ax Dios caw wal jelan, 'ay spoder, caw 'ay snab'en. Toto 'ay tas tznib'j sb'o', tz'el'chn̈ej yuj 'icha tzyutj snan cha.

Job 12:16

A Dios caw wal 'ay spoder, an̈j tz'a'n ganar. A 'a yol sc'ab' 'ayc' eb' tz'ixtw 'anma', ata 'ayc' pax eb' tz'ixtx cha.

Job 5:13

A tztenn 'och wan eb' maysch'olnil snab'en cha, sec matz 'el'ch tas tznib'j eb'.

Is 1:4

Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.

Is 14:20

Ma'oj a mucx 'icha eb' rey mucb'il 'a yol lu'um, yujto 'ix extj 'el eb' a chon̈ab', til wal eb' et chon̈b' xa mila. Yuj cha, man̈x 'a b'a'n̈ 'oj b'inaxc yin̈tl win tu cha.

Is 21:17

A eb' 'aj Cedar jeln sjulwji, jaywn̈xoj eb' 'oj canoc. An Jehová sDiosal in Israel, an tzwala, xchi Dios.

Is 22:14

Ax Jehová tztac' yuj smasnil, a 'ix sch'ox sb'a 'ayin, 'ix yaln 'ayn 'ixtc 'a stojlal: Ma'oj wac' niwnc'ojlal 'a eb' 'anma tic yuj stenmtacl cha, palta to 'oj cham eb' yu'uj, xchi.

Is 28:21

'Icha wal xyutj Jehová ya'n owl 'a lum jolm witz Perazim yet' 'a lum pan̈n 'a'lic yic Gabaón, 'ixta 'oj yutc sb'a. Wach'xam matz nib'ej, palta 'oj yac' satxoc 'el schon̈ab'.

Is 28:29

An̈jtona', 'ixta pax jun tzo'n̈ jelnal tic, ata tzcot 'a Jehová tztac' yuj smasnil, caw wal satjub'tac yilx smasnil tas nab'il yu'uj, tzya'n 'el'choc yet' sjelnal.

Is 30:3

Palta a scolwal win faraón cha, 'oj ya'ch sb'a q'uixwc'ojlal 'a eb', ax scolwal Egipto cha, 'oj ya'ch sb'a somc'ojlal 'a eb'.

Is 30:7

A jun nacion̈ cha, matz tac' yu'uj, matz techj scolwji. Yuj cha, xwa'n sb'ic 'ixtic: Noc' to 'ay smay yel yaw, palta may pax tas tztac' yu'uj, xin chi, xchi Dios.

Is 31:3

A eb' 'aj Egipto 'anman̈ej eb', man̈ diosoc eb', ax schej eb' caw chib'jn̈ej, man̈ espírituoc. A yic tzya'n 'och Jehová eyailal, yajn̈ej tzex 'em yet' eb' cob' tzex coln cha; junn̈j 'oj eyaj e cham yet' eb'.

Is 32:6

Yujto a mach amancotn cha, cojn nab'en may yel'ch tzyala; ax 'a snab'en, cojn maysch'olnil tznib'j sb'o'; tznib'j tzma'wji, tzyaln pax tu paxti'al 'a spatc Jehová, matz siyj jac tas 'a eb' tz'och swejel, yet' 'a eb' tztacj sti'.

Is 45:7

An in b'ojnac sacq'uinal yet' q'uic'q'uinal, an tzwac' junc'ojlal, tzwa'n pax yailal. An Jehová in, an tzin b'o smasnil jun tzo'n̈ tic.

Is 9:17

Yujn̈ej wal jun tzo'n̈ cha, man̈x 'oj 'o'ch sc'ojl Jehová 'a eb' quelmtac winac, 'a eb' meb'a 'unn chamnc smam yet' 'a eb' 'ix 'ix chamnc yichmil. Yujto a eb' 'anma tic, jun 'eln̈ej maysch'olnil eb', tu eb' smasnil, cojn tu paxti'al tzyal eb'. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Jeremías 10:12

A Jehová, a 'ix b'on lum lum tic yet' spoder. A yet' sjelnal, 'ix sb'on can yolyib'n̈q'uinl tic. An̈jtona yet' sjelnal cha, 'ix sb'on satcha'an̈.

Jeremías 10:7

Ach sReyl smasnil nacion̈, ¿tom 'ay junc mach man̈ smojc tzxiw 'ayach? Smoj wal to 'ay el'ch 'a smasnil sat 'anma'. A 'a scal smasnil eb' jelan, yet' 'a scal eb' rey 'a yolyib'n̈q'uinl tic, caw may junc mach lajn et'oc.

Jeremías 36:32

Xlajw cha, xwi'n pax cot junx b'e'n̈ ch'an̈ u'un̈, 'ix wa'n 'a win Baruc, win 'ajtz'ib' yaj 'ayin. Ax win stz'ib'n pax smasnil tas 'ix walx cha, tzyal 'el'chi, atn smasnil tas tz'ib'b'il 'a ch'an̈ sn̈us win Joacim. 'Ayt jun tzo'n̈ xo stz'acb' xwac' stz'ib'c 'och to pax 'a ch'an̈.

Ez 29:6

Tzyal 'el'chi to ach 'ixta oj ach wutoc, sec 'oj yojcoc 'el smasnil 'anma cajn 'a Egipto, to an Jehová in, an 'ixta tzach wutej. Yujto a eb' israel, 'ix cob' sc'an eb' a colwal, palta lajn 'ix otj a b'a 'icha te 'aj c'un spoji.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.

Sofonías 3:8

Yuj cha, tan̈wjec sjaw jun c'ual yic 'oj in jaw wul in ch'oxl spaltail eb' maysch'olnil sb'eyb'al. An Jehová in, an tzwala: Tox 'ix in na'a, to 'oj wec syam sb'a smasnil nacion̈ yet' smacb'en, ax wa'n cot yowl in c'ojl 'a yib'n̈ eb'. Smasnil yolyib'n̈q'uinal, c'uxn 'oj lajwc yuj sc'a'l yowl in c'ojol.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.

Nm 10:35

A yic tz'ijx b'ey te caxa cha, tzyaln Moisés 'ixtic: ¡Cotn̈ mu'c Mamin Jehová! ¡Sactzic cab' eb' 'ajc'ojl yajch 'ayach! A yic tzach yiln eb' matz ach nib'ni, 'at cab' eb' 'elc 'a ojltac, xchi.

Nm 23:19

A Dios man̈ lajnoc 'icha eb' 'anma'. Matz yac' 'es, matz jel snab'en. Toto 'ay junc tas tzyala, tz'el'chn̈ej yu'uj. May 'aj tz'ec' tas tzyala.

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Ro 16:27

Cojxn Dios 'ojtnac smasnil tas. Smasnil tiempo calc wach' paxti 'a yuj Jesucristo. Ya' cab'i'.

Josué 23:15

Palta 'icha wal x'aj yel'ch smasnil tas wach' 'aj ya'jnac can sti ya'n 'ayn̈ec, 'ixta pax 'oj yutc ya'n cot smasnil yailal 'a eyib'an̈, masnto 'oj e satl e masnil 'a sat lum lum caw wach' 'ix yac' 'ayn̈ec.

A Ch'an̈ B'ab'el Libro Samuel 2:3

Yuj cha tztac' tzwal 'ixtc 'a eb' tzyij chan̈ sb'a: Man̈ e b'an̈ e b'a, yujto a Jehová yojc smasnil, a Dios tzon̈ b'eyc'ojlanec yuj tas tzqui b'o'ec, 'oj in chic 'a eb'.