Is 30:7 - Chuj San Sebastian Bible

⁷ A jun nacion̈ cha, matz tac' yu'uj, matz techj scolwji. Yuj cha, xwa'n sb'ic 'ixtic: Noc' to 'ay smay yel yaw, palta may pax tas tztac' yu'uj, xin chi, xchi Dios.

Chuj San Mateo Bible

⁷ A jun nación chi' max yal-laj yuuj, max techaj scolvaji, yuj chi' svac' sb'iej icha tic: Noc' te ay smay yel yav, palta malaj tas syal yuuj, xchi Jehová.

Is 30:7 ပူးပေါင်းရင်းမြစ်များ

Job 9:13

Toto a Dios tzcot yowal, toc 'ay tas ton̈j 'oj 'ec' 'ixta'; a eb' 'aych colwjoc yet' Rahab, 'oj can eb' 'a yaln̈ yu'uj.

Salmos 87:4

A tzaln 'ixtic: Locn eb' 'aj Egipto yet' eb' 'aj Babilonia 'aych 'a scal eb' chon̈b' tzyac' 'ejm sb'a 'ayin. 'Icha wal eb' 'aljnac 'a chon̈b' Sión, 'ixta pax yaj eb' filisteo, eb' 'aj Tiro, yet' eb' 'aj Etiopía 'a in sat, xchi.

Salmos 89:10

'Ix a te'cn 'ejm no Rahab 'a yojl a mar, atn no niwc noc' 'ay smay, 'icha to chamnc xo x'ajcn no o'oj. Ax eb' 'ajc'ojl yajch 'ayach, sactzic can eb' yuj a poder.

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Pr 25:19

A yic 'ay eyailal, toto a junc 'anma tu snab'en tzeya'ch yipc e c'ojol, lajn wal jun chi 'icha yic tzwecchj coquec, mto 'icha yic to oln xo que.

Is 10:3

¿Tas 'oj eyutc e b'a yic 'oj jawc eyailal? A yic 'oj eyiln scot jun yailal chi 'a najat, ¿mach 'aj 'oj eyal e b'a? ¿'Aj pax til 'oj eyactc can smasnil tas 'ay 'ayex?

Is 2:22

Cactquec ca'n 'och eb' 'anma yipc qui c'ojol, yujto an̈ 'anman̈ec tic chamlb'a cajec. Jun wal rato tz'el jab' qui'c tic, yuj cha, man̈ ca'c 'och qui nab'en 'a eb' 'anma'.

Is 20:6

A 'a jun tiempoal cha, a eb' 'anma cajn 'a sti a mar, 'oj laj yal eb' 'ixtic: 'Iltec wal tz'aj eb' 'anma 'aych cob' yipc qui c'ojol, atn eb' 'aj tzlaj calc qui b'a yic tzon̈ scolnec eb' 'a yol sc'ab' win sreyl Asiria, ¿ax ticnec, mach 'oj to qui colnec? 'oj schic eb', xchi Dios.

Is 28:12

Atn 'a eb' tic yaljnac can Dios 'ixtic: Yaj 'iljelal 'a tic, a mach c'unb'nac, 'iljan̈ec, 'a'c sicb' e c'ojl 'a tic, xchi 'a eb'. Palta ma'ix schaj eb' yab'i'.

Is 30:15

A Jehová qui Diosal an̈ israel on̈c tic, jun Dios To Cojxni, a tzaln 'ixtic: Meltzjan̈c cot 'ayin, tzin eya'n 'och yipc e c'ojol, man̈ ex 'och 'il, sec 'ixta 'oj eyaj e colchji, xchi. Palta ax xo tic, ma'ix e chaj eyab'i'.

Is 30:5

'oj 'el sq'uixwel eb' smasnil yuj jun nacion̈ cha. May jac tas 'oj yic' eb' 'a 'a, ma'oj colwjoc jac 'a eb'. A yic eb', to 'oj q'uixwc can 'el eb' yuj eb', xchi Dios.

Is 36:9

Ax tic ¿tom 'oj e tza'wni eya'n owl yet' junc c'aj eb' qui soldado to tzat cuywi, wach'xam to cob' 'aych Egipto yipc e c'ojol, yet' scaruaje yet' eb' soldado 'ay q'ue 'a yib'n̈ chej?

Is 51:9

Mamin Jehová, colwjan̈ yet' a poder, q'uen̈ wan yet' yipl a c'ab', 'icha otjnac 'a yictax pecti'. Ach a ch'iychtejnac no Rahab, atn no dragón sb'i 'a yojl a mar.

Is 7:4

ata tzal 'a win 'ixtic: Tzel wal a b'a, man̈ ach 'och 'il, man̈ a comn xib'tc a b'a yuj win Rezín yet' eb' 'aj Siria, yet' pax win yunnal Remalías, yujto caw wal tzowx 'och eb' 'ayach. A eb' cha, lajn eb' 'icha chab'oc cuxc'ac' ton̈j tztab'lani.

Jeremías 37:7

Alc 'a sreyl Judá, atn jun ex checn cot wul e c'anb'c 'ayin, to a eb' soldado yic win sreyl Egipto 'ix cot colwjoc eyet' eyalni, tox 'ix meltzj pax eb' 'a Egipto cha.

Lm 3:26

Yel xo wach' sictacn̈ej tzon̈ 'ajc qui tan̈wni, masnto yic tzcolwj Jehová 'ayn̈ec.

Os 5:13

A yic 'oj yilnc eb' yic Efraín to ya xo 'ay eb', ax yiln pax eb' 'aj Judá to lajwnacx eb', yuj cha, ax s'at eb' 'aj chon̈b' Efraín yal sb'a 'a sreyl Asiria, yic tzc'ann eb' scolwal jun rey b'inab'il to jeln ya'n owal. Palta ma'oj stac' scolwj win rey chi 'a eb', ma'oj stac' yan̈tn win tas lajwnac 'a eb'.