Is 30:26 - Chuj San Sebastian Bible

²⁶ A yoc 'uj, lajn 'oj 'aj 'icha yowl yoc c'u, ax yoc c'u, uc 'ejm 'oj 'aj yowb' sacq'uinlal, 'icha wal sacq'uinlal uque'oc c'u to yamn yaji, 'ixta wal 'oj 'aj jun c'u cha. Atn wal 'a yic jun c'ul cha, ata 'oj yan̈tc Jehová eb' schon̈ab', ax spichn tas lajwnac 'a eb' yu'uj.

Chuj San Mateo Bible

²⁶ Axo yoc q'uen uj, icha yoc c'u ol ajcanoc. Axo pax yoc c'u chi', uquel ol aj yoval yoc. Icha val yoc uqueoc c'ual ol aj jun c'ual chi'. A val ta' ol b'oxoc sc'ol schon̈ab' Jehová yuuj. Ichato ol spich yechen eb' lajvinac yuuj.

Is 30:26 ပူးပေါင်းရင်းမြစ်များ

Job 5:18

Toto a tz'a'n lajwc junc mach, a pax tz'an̈tni; toto a tz'a'n 'och syailal junc mach, a pax tz'a'n b'oxc sc'ojol.

Is 11:9

Xyaln Jehová 'ixtic: Man̈x 'a xon yailal 'oj jawc 'a tzaln Sión, atn jun sic'b'il 'el wu'uj, xchi. 'Icha wal tz'aj sb'ut'j 'el a mar, 'ixta wal tz'aj yolyib'n̈q'uinl tic sb'ut'j 'el yuj eb' 'anma tz'ojcan 'el Jehová.

Is 19:22

Yujto 'oj ya'ch Jehová syailal eb' 'aj Egipto, yuj cha, 'oj laj meltzj eb' 'a 'a, ax yo'ch sc'ojl 'a eb', 'oj b'ox can sc'ojl eb' yu'uj.

Is 24:23

A 'a jun c'ul cha, 'oj 'och q'uic'q'uinl 'a c'u yet' 'a 'uj, ax Jehová tztac' yuj smasnil, 'oj 'och Reyl 'a lum tzaln Sión 'a Jerusalén, ax sch'oxn stzictznil 'a sat eb' yichm wincal schon̈ab'.

Is 30:13

Yujto ax 'ay e mul, yuj cha, lajn 'oj eyajcn 'icha junc muro pojl xo, wal 'a yajn̈ej ax swach' 'em lan̈njoc.

Is 30:14

'Oj e satx 'eli. Lajn 'oj eyaj 'icha junc niwquil xalu to tzma'x pojoc, man̈x 'a niwnc'ojlal 'a 'a. Caw choc' tz'aj spoji. A jun tzo'n̈ sc'axpil cha, man̈x 'a c'axpoc tztac' yoch lechlab'ilc a', man̈x 'a pax c'axpoc tztac' yi'n 'at stzac'ac' 'a yol cusnu, xchi Dios.

Is 33:24

May junc mach cajn 'a Sión chi 'oj alnc 'ixtic: Ya 'ayn an tic, man̈ xchioc. A eb' cajn ta', 'oj 'ajxoc niwnc'ojlal smul eb'.

Is 57:18

Xcham wal woch q'ueln 'a sb'eyb'al eb', palta 'oj wan̈tc eb', ax wa'n 'iljoc eb'. 'Oj wac' pax stzaljc'ojlal eb' si'mb'il, ax wa'n sniwnal sc'ojl eb' in chon̈b' 'ay scusc'ojlal yuj smul.

Is 58:8

Toto 'ixta 'oj eyutc e b'a, yajn̈ej ax scheclj 'el in wach'c'ojlal 'ayex, 'icha tz'aj sq'uin̈lb'i 'a junc xo c'u. Yajn̈ej ax e colchj 'eli. A 'in tojlal, a chi b'ab'l s'at eyu'uj, ax in tzictznial a tza'n 'och eyu'uj.

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Jeremías 30:17

Wach'xam tzyal eb' 'ajc'ojl 'a e patc 'ixtic: A Sión tox 'ix 'actx cani, toc 'ayt mach tz'och 'il yu'uj, 'oj xchic eb'. Palta an Jehová in, an tzwala, 'oj wac' b'oxc e c'ojl jun 'ejm xo, 'oj wan̈t tas lajwnac 'ayx cha, xchi Dios.

Lm 2:13

Ex 'aj Jerusalén, ¿mach junc tzex in lajb'tzej yet'oc? Ex 'aj Sión, ¿tas junc ch'oxnb'il tzwac' 'ayex yic tzwa'n sniwnal e c'ojol? Caw wal niwn ex 'aj e satli. ¿Mach to wal junc 'oj 'a'nc b'oxc pax e c'ojol?

Os 6:1

'Oj cob' yal eb' 'anma chi 'ixtic: Cotn̈ec e masnil, meltzj coyc pax 'a Jehová. A 'on̈ cotc ch'iychtanec 'ati, palta 'oj ya'x b'oxc qui c'ojlec, on̈ ya'c lajwoc, palta a pax 'oj can̈tnec.

Os 6:2

Cojn chab' c'u 'oj 'ec' cujec, ax ya'n pax qui tzatzlec. 'A yoxl c'ual, ax on̈ ya'nec pax pitzwoc, ax qui pitzw can pax 'ec' 'a yojltac.

Am 9:11

'Ix yaln pax Jehová 'ixtic: A yopiso David, satnc 'ejmi, 'icha junc n̈a lan̈chjnac 'ejmi, palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi.

Zacarías 12:8

An Jehová in, 'oj in tan̈wc eb' cajn 'a Jerusalén cha. A eb' may wal sjelnal ya'n owl 'a scal eb' cha, caw wal 'oj jelnb'oc eb' 'icha rey David. Ax eb' yin̈tl David cha, a eb' 'oj jucb'tzan eb' 'a jelnal, 'icha to a jun wángel b'ab'l s'at 'a yojltac eb' mto 'icha to a 'in.

Zacarías 14:7

Man̈x 'a junc xo c'ul 'icha jun c'u cha, sacq'uinln̈ej, may c'ual, may pax 'ac'wal, a yic 'oj 'em c'u, sacq'uinln̈ej. A jun cha, cojn Jehová a 'ojtnac tas 'oj 'ajoc.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Dt 32:39

An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.

Apoc 22:5

A wal ta', man̈x 'a 'ac'wal. Ax eb' 'oj c'och ta', man̈x 'a yopiso junc cantil yuj eb'. Man̈x 'a yopiso yoc c'u yuj eb'. Yujto a Dios Cajlilec, a 'oj yac' sacq'uinlal 'a eb'. Ax eb' cha, 'oj 'och eb' yajlil 'a smasnil tiempo.