Is 30:20 - Chuj San Sebastian Bible

²⁰ Wach'xam tzex 'ec' 'a scal yailal, yet' 'a scal somc'ojlal yuj Cajlil, palta to e cuymal yaji, man̈x 'oj sc'ub'c 'el sb'a 'ayex, to caw 'oj eyil yet' e sat.

Chuj San Mateo Bible

²⁰ Vach'chom tzex ec' d'a scal syaelal yuj Dios Cajal, palta e c'ayb'umal yaji. Man̈xo ol sc'ub'ejel sb'a d'ayex, palta ol eyil yed' e sat.

Is 30:20 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:27

Tzeyaln 'ixtc 'a winac: A win rey 'ix alni to tz'och jun winc tic 'a preso, man̈ niwnoc tas tz'ajx sc'uxu', jab' wal jac wal tz'ajx 'a 'a. 'Ixta pax tas tzyuq'uej, masnto tzin meltzj pax 'a tzaljc'ojlal 'a owl cha, xchi win rey, xe chi, xchi win rey chi 'a eb' schecb' cha.

2 Cr 18:26

Tzeyaln 'a eb', to an tzwala to tz'och 'a preso, jab' wal tas tze yac' sc'uxu', yet' tas tzyuq'uej, masnto yic 'oj in meltzj 'a junc'ojlal, xchi.

Salmos 102:9

A stan̈il c'ac' 'ay q'ue 'a in jolom, a chi tz'em 'a scal tas tzin c'uxu, ax tas tzwuq'uej, caln yaj yet' yal in sat.

Salmos 127:2

May jac tzca'c ganar yic tzon̈ cob' seb' 'ochc 'a qui munljel, tz'at pax c'u cob' qui meltzjec, yic cob' tzqui saynec tas tzqui c'uxu, yujto a Dios tzyac' swach'c'ojlal 'a eb' chamc'ojlb'il yu'uj, ya' sb'a to tz'ilj eb'.

Salmos 30:5

Yujto jun wal rato tzcot yowal, palta ax swach'c'ojlal, 'ayc'n̈ej 'a smasnil tiempo. Wach'xam tzon̈ 'o'c 'a 'ac'wal, ax 'a yic tzsa'cb' pax 'eli, tzjapx qui tzaljc'ojlalec jun 'ejm xo.

Salmos 74:9

Man̈x 'aj wach' quiln junc senya, man̈x 'a junc a checab', mant cojcoc pax on̈, jantcto tiempo 'oj yac' jun tic.

Salmos 80:5

A qui cusc'ojlal on̈ yet' yal qui sat on̈, a 'ix ac' qui b'ut'jub'oc on̈.

Is 28:9

Tzyaln eb' wuj 'ixtic: ¿Mach laj tznib'j jun winc tic scuyu'? ¿Am eb' 'unn tzat 'el 'a yim?

Is 33:16

A eb' cha, 'oj 'aj cajn eb' 'a junc chon̈b' q'uenn̈ej smuroal, ata 'oj scol sb'a eb', 'ayn̈j tas tzc'ux eb', 'ayn̈j pax tas tzyu'j eb'.

Is 51:14

A mach tz'ixtx 'a nab'an̈ej, yajn̈ej ax scolxi; ma'oj cham 'a preso, ma'oj yac' pax wejel.

Mt 9:38

Yuj cha, leslwan̈c 'a jun 'aj munljel, sec 'oj schecb't eb' smunljum 'a scal eb', xchi Jesús.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

Ef 4:11

Yuj cha, a tz'a'n copiso junjn on̈ec. 'Ayn̈ schecb' caji. 'Ayn̈ tzyac' cal-l spaxti'. 'Ayn̈ tzcal-l wach' 'ab'x yic colnb'il. 'Ayn̈ tz'ajx quil eb' quit creyenteal, tzqui cuyn pax eb'.

Dt 16:3

A no noc' tzeyac' e xajmb'alc cha, tze chi no', tze wan pax 'ixm pan may yich. Uque c'u tze waj 'ixm pan cha, sec a 'ixm tz'och snanb'ilc cot yailal, yujto caw ji'ltixn̈ej on̈ 'eltec 'a Egipto. Ya' sb'a pitzn ex, 'a junjn ab'il yowlal tze na cot jun c'u yic queltec cha.