Is 30:10 - Chuj San Sebastian Bible

¹⁰ Tzyal eb' 'a eb' in checb' 'ixtic: Man̈ eyal yuj tas 'ix eyil 'a 'icha waychil, man̈ eyal paxti yic tojlal 'ayn̈ on̈. A paxti tzqui nib'ej, a tzeyal 'ayn̈ on̈.

Chuj San Mateo Bible

¹⁰ Syalan eb' d'a eb' in checab' icha tic: Man̈ eyal d'ayon̈ tas ix ac'ji eyil chi'. Man̈ eyal lolonel yic tojolal. A sco c'ana' to an̈ej lolonel sco nib'ej scab'i, a tzeyala'.

Is 30:10 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:20

'Ix yaln win Acab 'ixtc 'a Elías cha: —Ach 'ajc'ojol, a ticnec in 'ilchj pax o'oj, xchi Acab. —Xyaln Elías chi 'ixtc 'a winac: Ach 'ilchj ton b'i'an, yujto yel xo wal xa te'wtzej a b'a a tas tu 'ix a b'o 'a sat Jehová.

A Ch'an̈ B'ab'el Libro Yic Yab'ixal Eb' Rey 22:27

Tzeyaln 'ixtc 'a winac: A win rey 'ix alni to tz'och jun winc tic 'a preso, man̈ niwnoc tas tz'ajx sc'uxu', jab' wal jac wal tz'ajx 'a 'a. 'Ixta pax tas tzyuq'uej, masnto tzin meltzj pax 'a tzaljc'ojlal 'a owl cha, xchi win rey, xe chi, xchi win rey chi 'a eb' schecb' cha.

2 Cr 16:10

Yuj cha, caw xcot yowl rey Asa chi 'a jun schecb' Dios cha, 'ix ya'n 'och 'a preso, yujto 'ix cot yowl si'mb'il yuj jun cha. An̈jtona', a 'a yic jun tiempoal cha, ata 'ix 'ixtx 'el jaywn̈ eb' 'anma yuj Asa cha.

2 Cr 25:16

Palta a yic xyaln jun schecb' Dios jun tzo'n̈ cha, 'ix ta'w win rey, xyaln win 'a 'ixtic: —¿Tom xwal 'ayach, to ach tzac' in nab'enoc an rey in tic? 'Actj aln jun tzo'n̈ cha. ¿Mto tza nib'j tzach milx chamoc? xchi win 'a 'a. Ax jun schecb' Dios cha, man̈xtoc 'ix tew 'och 'a 'a, palta 'ix yaln can 'a win 'ixtic: —Wojc an tic, nab'ilx yuj Dios to 'oj ach yac' lajwoc, yujto xa b'o jun tic, ma'ix a yiclj tas 'ix wala, xchi 'a 'a.

Job 41:3

¿'Oj tewoc 'och am no 'ayach, sec tz'o'ch a c'ojl 'a no'? ¿'ojm c'unnoc no 'ayach sec tz'a'l no a libre?

Is 28:15

Yujto eyaljnac ab' 'ixtic: 'Ay jun qui trato qui b'ojnac yet' syajlil chamel, a yic 'oj jawc jun tas tzon̈ satn 'eli, ma'oj jawc jun chi 'ayn̈ec, yujto xca' qui trato yet' chamel, to a 'es yet' tas man̈ yeloc a tzon̈ colnec, xe chi.

Is 29:10

Yujto a Jehová, a 'ix a'n cot jun 'icha niwquil wayn̈ 'a eyib'an̈. Ax eb' schecb' Dios, a eb' tz'ilni tas tzjaw 'a eyib'an̈, palta 'ix smac Dios sat eb' schecb' cha, 'icha junc mach tzmacx sat yet' junc nip.

Is 5:20

'Oltac wal eb' tzcob' alnoc to a tas tu', a chi tzyal eb' wach'il, ax tas wach', a chi tzyal eb' tu'al; a sacq'uinal, a chi q'uic'q'uinl 'a eb', ax q'uic'q'uinal, a chi sacq'uinl 'a eb'. A tas chi', 'icha to c'a tzyab' eb', ax tas c'a, a chi tzyal eb' chi'al.

Jeremías 11:21

A eb' 'anma 'aj chon̈b' Anatot, sna eb' tas tzin yutj eb' in smilni. 'Ix yaln eb' to tzin smil cham eb', toto an̈ja waln 'el spaxti Jehová.

Jeremías 23:17

A eb' may yel'ch in paxti 'a sat, tzyal eb' 'ixtic: A Jehová tzalni to wach'n̈j 'oj eyaj 'el'chi, ma'oj jawc yailal 'a eyib'an̈, xchi cob' eb' 'a eb' tzyac' pitb'oc 'el snab'en, yic tzb'on eb' tas tznib'j sb'o 'a yol yico'.

Jeremías 26:11

Xlajw cha, ax eb' ya'mal 'och sti eb' 'anma 'a Dios, yet' eb' tzyalch sb'a schecb'oc Dios, 'ix yaln eb' 'ixtc 'a eb' yajl cha, yet' 'a eb' chon̈b' chi smasnil: A wal jun winc tic, yowlal 'oj chamoc, yujto 'ix yala, to 'ay tas tu 'oj jawc 'a yib'n̈ qui chon̈b'ec tic. Ax tic caw 'ix eyab' tas 'ix yala, xchi eb'.

Jeremías 36:29

Tzaln jun tzo'n̈ paxti tic 'a win rey cha: 'Ixtc wal yaln Jehová: Ach tic 'ix 'a n̈us tz'a ch'an̈ u'un̈, 'ix a tenn 'och wan Jeremías yujto stz'ib'j 'a ch'an̈ un̈ cha, chajtlto 'oj jawc win sreyl Babilonia wul satl jun nacion̈ tic, man̈x 'a junc 'anma', man̈x 'a pax junc no noc' 'oj can 'a 'a.

Jeremías 38:4

Yuj cha, 'ix yaln eb' yajl chi 'a win rey chi 'ixtic: —Mil cham jun winc tic, yujto tzjaw schab'c'ojlal eb' soldado 'ayt 'ec' 'a yol chon̈b' tic yuj spaxti win tzyala, tzya'n pax win somchjoc snab'en smasnil eb' 'anma'. A wal jun winc tic, caw man̈oc swach'l eb' quit chon̈b' tzsaya, palta to tzjuw 'el snab'en eb' yu'uj, xchi eb'.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Am 2:12

Palta ax tic, xeyac' pural yu'w 'an̈ eb' xya'ch sb'a nazareoal cha, xe tenn pax 'och wan eb' in checb' tzaln 'el in paxti'.

Am 7:13

palta may cab' tas tzal-l 'a yib'n̈ Bet-el tic, yujto a 'a tic tz'och win rey 'emmquilal, caw niwn yel'ch jun n̈a tic 'a smasnil yol qui macb'en tic on̈, xchi Amasías cha.

Miqueas 2:11

Ax tic, a junc checb' to caw wal 'a'm 'es, a tze nib'ej, atn junc mach tzaln 'eli chajtlto caw niwn eyal uva yet' eyan̈ 'oj eyic'.

Miqueas 2:6

Tzyaln eb' 'anma 'ixtc 'ayin: Man̈ al 'ayn̈ yuj yailal 'oj jawoc, toc wal 'oj jawc jun q'uixwc'ojlal chi 'a quib'n̈ec.

Jn 7:7

A eb' yic yolyib'n̈q'uinl tic eyet'oc, matz tac' tzchichn 'och eb' 'ayex. Palta an xo tic, tzchichn 'och eb' 'ayin, yujto tzin ch'oxli, to maysch'olnil sb'eyb'al eb'.

Jn 8:45

Aln tic, caw yel jun tzo'n̈ tas tzwal 'ayex, palta matz e chaj eyab'i'.

A Tas Sc'ulejnac Eb' Schecab' Jesús Hechos 4:17

A ticnec, man̈x 'a cab' mach tzpucn 'el jun tic 'a scal eb' 'anma'. Yuj cha, qui xib'tquec eb', sec man̈x 'oj yal-l eb' yab'xil Jesucristo 'a junc xo mach, xchi ewinac.

A Tas Sc'ulejnac Eb' Schecab' Jesús Hechos 5:28

—'In tox 'ix cham wal caln 'ayx on̈, to man̈xtzac ex cuywj 'a scuynb'il Jesús. ¿Tom matz eyiclj jab'oc? A ticnec, c'uxn 'ix pucl e cuynb'il 'a Jerusalén tic. 'In tze nib'j to tzon̈ e checltej 'el on̈, chajtlto cuj on̈, 'ix cham Jesús cha, xchi win 'a eb'.

Ro 16:18

Yujto a eb' cha, man̈oc Cajlil Jesucristo tzyac' servil eb', an̈j jun tzo'n̈ tas tznib'j 'och sniwnal eb', an̈j tzyac' servil eb', caw tzyixtj paxti eb' jun tzo'n̈ eb' mantzac nachj 'el yu'uj. C'un tzcob' yutc eb' yalni, 'icha to wach' cob' chi tzyal eb', palta man̈ wach'oc.

Gl 4:16

Al ticnec, ¿tom tzin 'och 'ajc'ojlal 'ayex, yujto tzwalb't jun tzo'n̈ tas caw yel 'ayex?

2 Ti 4:3

Yujto 'ay jun tiempoal 'oj jawoc, 'ay eb' man̈x 'oj scha alxoc jun tzo'n̈ cuynb'il yel 'a 'a. Til wal jun tzo'n̈ comn paxti 'oj snib'c eb' yab'i'. Yuj cha, til wal eb' cuywjum 'oj smolb'tzoc cot eb'. Palta a eb' cuywjum cha, ton̈j 'oj scomn alc eb' jun tzo'n̈ comn paxti', 'icha tznib'j eb' 'anma cha.

2 Ti 4:4

Yuj cha, man̈x 'oj ya'ch eb' schicn 'a jun cuynb'il caw yel. Cojn jun tzo'n̈ comn 'ab'x 'aj 'oj ya'ch eb' snab'en.

Apoc 11:7

Palta ax 'a yic 'oj lajwc yaln 'el eb' spaxti Dios, 'ay jun noc' sb'i caw ow, q'uenc wul 'a yol jun xab' olan. 'Oj 'at jucn̈joc yac' owl yet' eb'. Ax ya'n ganar smiln cham eb'.

A Ch'an̈ B'ab'el Libro Samuel 9:9

(A 'a pecti', toto 'ay junc eb' quit chon̈b' tznib'j sc'anb'c junc tas 'a Dios, 'ixtc tzyutj eb' yalni: Cotn̈ec, 'at quilc win tztac' yiln junc tas, xchi eb'. Ax ticnec schecb' Dios sb'i eb'. A 'a pecti cha, win Tztac' yiln junc tas, 'ixta sb'i jun chi yuj eb'.)