Is 29:2 - Chuj San Sebastian Bible

² 'Oj ya'ch Dios eb' 'anma cajn 'a chon̈b' chi 'a b'ilc'ojlal, 'a cusc'ojlal. 'Oj laj c'acljoc eb' yab'n syail. A jun chon̈b' cha, 'icha wal yet'l xajmb'al, 'ixta 'oj 'ajcn 'a sat Dios.

Chuj San Mateo Bible

² A Dios ol ac'anoch eb' anima d'a jun chon̈ab' tic d'a ilc'olal yed' d'a cusc'olal. Ol laj c'acvoc eb' yab'an syail. Axo jun chon̈ab' tic, icha junoc altar ol ajcan d'a yichan̈ Dios.

Is 29:2 ပူးပေါင်းရင်းမြစ်များ

Is 1:14

Caw tzex in chacl yet' jun tzo'n̈ e q'uin̈ 'a yic tzpac' 'uj, yet' jun tzo'n̈ xo eyamnil. Man̈xtzac ex in nib'j wil yet' jun tzo'n̈ cha, yujto xyoch'b' c'och wu'uj.

Is 10:32

Ax ticnec, xc'och sc'ul syamn sb'a eb' 'a'm owl chi 'a lum Nob, yic tzch'oxn eb' 'ilxoc to 'aych 'a snab'en eb' satn 'el Sión, atn lum stzalnil Jerusalén.

Is 17:14

A 'a yemc'ul cha, caw wal 'ay smay eb' 'ajc'ojl cha, palta ax yic 'oj sacb'oc 'el 'a junx c'u, man̈x checloc 'aj 'ay eb'. 'Ixta wal 'oj 'aj eb' tzon̈ 'elc'nec, mto eb' tznib'j tzon̈ 'ixtnec.

Is 3:26

Ax smasnil eb' 'aj Jerusalén, 'oj 'oc' eb' yuj scusc'ojlal, yujto sch'ocxoj eb' 'oj canoc.

Is 34:6

Chi'ctac 'oj 'aj yespada Jehová, xeputac pax 'oj 'ajoc, 'icha tzyac' q'uen cuchlub' yic tzmilx no quelm calnelu yet' no chiwo xajmb'alil. A 'a lum Bosra 'oj sb'o Jehová junc xajmb'al, caw niwn eb' 'aj Edom 'oj chamoc.

Is 36:22

Xlajw cha, 'ix tziln jat Eliaquim spichul, yet' win Sebna yet' Joa. 'Ix 'at eb' 'a win rey Ezequías, xyaln eb' smasnil tas 'ix alx yuj win sreyl Asiria cha.

Is 37:3

'Ix yaln eb', to a win rey Ezequías 'ix aln 'ixtic: A ticnec 'ayn̈ 'och 'a cusc'ojlal, 'a yailal, 'a q'uixwc'ojlal. 'Icha junc 'ix 'ix tz'alj yune', caw tz'elcn yip, 'ixta caj ticnec.

Lm 2:5

Lajn wal xyutj sb'a Cajlilec 'icha junc eb' 'ajc'ojol. 'Ix lajw 'ejm chon̈b' Israel yu'uj. 'Ix smac' 'ejm lan̈chjoc jun tzo'n̈ sdespacho yet' jun tzo'n̈ scuartel chon̈b' Judá; xya'n niwtjoc syailal eb' 'aj Judá chi 'a junjn c'u.

Ez 22:31

Yuj wal cha, 'oj wa' cot yowl in c'ojl 'a yib'an̈. 'Oj wac' lajwc 'el eb' 'anma yuj in c'a'lc'ojlal. 'Ixta 'oj 'aj sjaw yailal 'a yib'n̈ eb' yuj sb'eyb'al cha, xchi Dios, xa chi 'a eb', xchi 'ayin.

Ez 39:17

'Ix yaln pax Jehová 'ixtic: Ach 'anma', al 'a e no 'usej yet' 'a e no calte'al noc' to chib'j tzchi'a, smolb'tzoc cot cab' sb'a e no 'a lum jolmctac witz yic chon̈b' Israel, to 'oj wac' schi e no jun tzo'n̈ xajmb'al 'oj in b'o ta', 'oj wac' schi e no chib'ej, ax yu'n e no chic'.