Is 29:19 - Chuj San Sebastian Bible

¹⁹ A eb' 'emmquilal yeq'ui, 'oj tzaljoc chan̈ eb' 'a Jehová, ax eb' caw meb'a', 'oj tzaljoc chan̈ eb' 'a sDiosal Israel, atn jun Dios To Cojxni.

Chuj San Mateo Bible

¹⁹ A eb' emnaquil yaji, ol te tzalaj eb' d'a Jehová. A eb' te meb'a', ol te tzalaj eb' d'a sDiosal Israel Axon̈ej Ochi.

Is 29:19 ပူးပေါင်းရင်းမြစ်များ

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Salmos 149:4

Yujto a Jehová tzyij stzaljc'ojlal 'a quib'n̈ec an̈ schon̈b' on̈c tic, ax ya'n qui tzaljc'ojal an̈ 'emmquilal queq'ui, yujto a tzon̈ colnec.

Salmos 22:27

Mamin Jehová, smasnil jun tzo'n̈ niwc nacion̈, yet' yin̈tl junjn macn̈ 'anma 'a 'aj tzlajw c'och lum lum tic, 'oj a nax cot yuj eb'. 'Oj jawc eb' 'a ojltac, ax yem cumn eb' 'ayach,

Salmos 25:9

ax eb' 'emmquilal yeq'ui, tza ch'ox eb' 'a tojl b'eyb'al.

Salmos 37:11

A eb' 'emmquilal yeq'ui, 'oj scaj eb' lum lum tic; ax ya'n eb' snab'en yaj cajn 'a sat lum 'a junc'ojlal.

Salmos 9:18

Palta a eb' meb'a', man̈ ye'n̈joc tz'atcn eb' 'a satc'ojlal o'oj, 'oj jawc sc'ul schan eb' tas 'aych yipc sc'ojol.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Is 14:30

A eb' israel 'icha to smeb'ail xoj yajcni, caw 'oj wa eb' si'mb'il yet' yunnal. Ax eb' 'anma may tas 'ay 'a 'a, 'oj way eb' 'a tzaljc'ojlal. Palta ax xo ax filisteo ex tic, 'oj ya' cot Dios wejl 'a eyib'an̈, ax jaywn̈oc ex 'oj e cant cani, a wejl chi 'oj e milni.

Is 14:32

¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.

Is 25:4

Yujto cojn 'aych 'aj tztac' scoln sb'a eb' meb'a', colwjum aj 'a eb' 'ay scusc'ojlal yuj tas 'ay sc'a'l tz'och yu'uj. A eb' 'anma may sniwnc'ojlal, lajn eb' 'icha yaxn̈ab' 'aych yic'al, lajn pax eb' 'icha yowl sma'wj yoc c'u. Palta ach tzon̈ a col 'a eb' on̈.

Is 26:6

sec tzte'x can 'ejm eb' yuj eb' 'emmquilal yeq'ui, yet' yuj eb' meb'a', xchi jun b'it cha.

Is 3:14

Ata 'oj sb'eyc'ojloc Jehová eb' yichm wincal chon̈ab' yet' eb' 'aych yajlil 'a scal eb', ax yaln 'a eb' 'ixtic: An Jehová in tztac' wuj smasnil, an tzwala: Ax am wal tic xe satl eb' in chon̈ab', 'icha 'awb'en uva, 'ixta yaj eb' 'ayin. Xeyelc'n tas 'ay 'a eb' meb'a', xlaj e c'ub'n 'el 'a yol eyatut.

Is 3:15

¿Tas eyaln eyic eyixtn eb' in chon̈b' tic, tzex q'ue chan̈ eyixtn pax eb' meb'a'? xchi Dios.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Dn 12:4

Palta ach tic Daniel, 'a'cn 'och seyoal jun libro tic, tza moln cani, masnto 'oj jawc jun slajb' tiempoal cha. Til wal eb' 'anma ji'lti 'oj 'ec' 'a tic, ji'lti 'oj 'ec' 'a cha, yic tzsayn 'ec' eb' tas tzuji, yujto caw 'oj niwtjoc jelnal 'a jun tiempoal cha, xchi jun ángel chi 'ayin.

Sofonías 2:3

'A'c 'och e b'a 'a yol sc'ab' Jehová e masnil, ax 'emmquilal tzeyutj e b'a eyiclni tojlal 'a yolyib'n̈q'uinl tic. B'oc stojlal, yet' pax 'emmquilal, sec toq'ue 'oj e colchj 'a yic 'oj jawc jun c'u yic 'oj ya'nc Jehová yowl sc'ojol.

Mt 11:29

Cuchc junx 'icha 'ictz 'oj wac' 'ayex. Cuywan̈c 'ayin, yujto an tic manso in, 'emmquil in, toto 'ixta', 'oj ex wac' 'iljoc.

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Mt 5:3

A eb' tznachj 'el yu'uj, to man̈ wach'c eb' 'a sat Dios, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Mt 5:5

A eb' 'emmquil tzyutj sb'a, caw wach' yic eb', yujto 'oj yico'oc eb' jun lugar 'aj ya'jnac can Dios sti'.

Ef 4:2

'Emmquilal tzlaj eyutc e b'a, wach' tzeyutj e b'a. Tzlaj eyac' techjoc 'a eb' tz'och smul 'ayex. Niwn tzlaj eyutc e c'ojl 'ayx junjn ex. An̈jtona', tzlaj e chamc'ojloc pax e b'a.

A Scarta San Pablo D'a Eb' Aj Filipos 4:4

Tzalj coyc 'a Cajlil 'a smasnil tiempo. Tzwaln pax jun 'ejm xo, caw tzalj coyec.

Santiago 1:21

Yuj cha, 'actjec can jantcn̈ej tas tu 'a sat Dios, yet' smasnil maysch'olnil. Caw tze wach' 'a'j 'och e c'ojl 'a spaxti Dios 'a 'emmquilal, atn jun alb'ilx can 'ayex, yujto a spaxti tic, tztac' tzon̈ colchjec yu'uj.

Santiago 1:9

Ax xo ex meb'a', tzaljan̈ec, yujto niwn eyel'ch 'a sat Dios.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.