Is 29:17 - Chuj San Sebastian Bible

¹⁷ Jab'xoj wal tiempo ax yoch eb' lum yaxc'ultc yic Líbano 'awlanb'il, ax eb' lum 'awlanb' cha, 'oj 'ochx can eb' lum yaxc'ultcal.

Chuj San Mateo Bible

¹⁷ Quenxon̈ej val tiempo ol ochcan lum yax luum b'aj sb'o munlajel, axo lum b'aj sb'otaxon munlajel chi', ol ochcan lum yax lumal.

Is 29:17 ပူးပေါင်းရင်းမြစ်များ

Salmos 107:33

A Dios tz'a'n tacjoc chan̈ a niwc b'eymal a', tzya'n tup chan̈ eb' a spac'b'a'.

Salmos 107:35

A lum tacn̈ lum may yalil sat, ax tz'a'n pitzwc a niwc pama' yet' eb' a spac'b'a 'a lu'um.

Salmos 84:6

A yic tzlaj 'ec' eb' 'a lum pan̈n yic cus'ojlal, tzlaj checlj can a spac'b'a yuj eb', ax yic tzya'n n̈ab', tzlaj b'ut'j chan̈ a 'a lum pan̈n cha.

Is 32:15

'Ixta 'oj 'ajoc masnto 'oj jawc Yespíritu Jehová 'a quib'n̈ec jun 'ejm xo, yuj cha 'oj yaxb'oc sat lum cusltac lu'um, man̈x jantcoc sat 'awb'en 'oj ya' lu'um.

Is 41:19

A 'a lum cusltac lu'um, 'oj wawc te c'ute', te acacia, te arrayán yet' te olivo. A 'a lum tacn̈ sat cha, 'oj wawc te taj, te c'u'taj, yet' te q'uisis,

Is 5:6

'Oj can 'a cusltacl wu'uj, may xon mach 'oj mesnoc 'el te sc'ab', may mach 'oj 'i'nc 'el ya'nil, 'oj q'uib'x chan̈ sc'ultcal, nab'a q'uix 'oj 'ajoc. Ax waln 'a 'asun, to man̈xtzac yac' cot n̈ab' 'a yib'n̈ jun lum cha, xchi win 'aj munljel cha.

Is 55:13

A lum lum 'aj 'ay te q'ui'ix, a te c'u'taj 'oj q'uib'x 'a sat lum sjelc te'. Ax lum lum 'aj 'ay eb' te pechac, a te arrayán 'oj q'uib' sjelc te', atn jun tic 'oj in b'o an Jehová in, yuj yi'nb'ilc chan̈ in b'i, to 'oj in nax cot yuj 'a smasnil tiempo, xchi Dios.

Is 63:18

An̈ a chon̈b' on̈ tic on̈, jayen̈ej ab'il xquique'ej a cajnub', ax ticnec, a eb' 'ajc'ojl yajch 'ayn̈ on̈, a eb' xma'n 'ejm lan̈chjoc.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Habacuc 2:3

Wach'xam a tas wan in ch'oxn 'aych tic, 'ayt sjaw stiempoal yuji, palta yowlal 'oj ujoc. Tan̈wj ela', wach'xam 'oj 'ec' tiempo, palta 'oj 'el'chn̈ej.

Hageo 2:6

An Jehová in, an tzwala, to jab'xoj wal tiempo, ax wa'n 'ib'xoc satcha'an̈, yolyib'n̈q'uinl tic, a mar yet' lum lu'um.

Mt 19:30

'Ay eb' 'anma niwn yel'ch 'a qui calc ticnec. Palta a eb' cha, niwn eb' toxn may jac yel'ch 'a yic jun tiempoal cha. An̈jtona', 'ay eb' may jac yel'ch 'a qui calc ticnec. Palta a eb' cha, niwn eb' caw 'ay yel'ch 'a yic jun tiempoal cha, xchi Jesús 'a eb'.

Mt 21:43

Yuj cha, tzwal 'ayex, 'oj yal Dios to man̈x 'a eyaln eyic eyoch 'a yol sc'ab'. Ax yaln 'a jun tzo'n̈ xo eb' 'anma', to 'ay yaln eb' yic yoch e jeloc. Yujto a eb' cha, lajn eb' 'icha eb' tz'a'n stojl te 'awb'ente 'a win 'aj lu'um.

A Ch'an̈ Carta D'a Eb' Hebreo 10:37

Yujto 'ixtc tzyal 'a Ch'an̈ U'un̈: Jab'xoj wali, ax sjaw jun mach to yowlal 'oj jawoc, ma'oj 'ec' tiempo sjawi.