Is 29:13 - Chuj San Sebastian Bible

¹³ Atn yuj cha, xyaln Jehová 'ayn 'ixtic: A eb' 'anma tic, tzcob' yal eb' to tzin yac' servil eb', tzyaln cob' eb' to 'ay wel'ch 'a sat eb', palta ax snab'en eb' caw najt yajl 'ayin. Tzcob' yal sb'a eb' 'ayn yalni, palta cojn jun tzo'n̈ checnb'il tzlaj spitzchan̈ eb' 'anma', a chi tzyac' eb' cuyxoc.

Chuj San Mateo Bible

¹³ Yuj chi' ix yal Jehová d'ayin icha tic: A juntzan̈ anima tic, stz'ac yal eb' to tzin yic'chaan̈ eb', stz'acan yal eb' to ay velc'och d'a yol sat eb', palta axo val spensar eb' najat yajcanel d'ayin. Stz'ac yaq'uem sb'a eb' d'ayin, palta an̈ej juntzan̈ schecnab'il eb' anima snaq'uei, a syac' eb' c'ayb'ajoc.

Is 29:13 ပူးပေါင်းရင်းမြစ်များ

Salmos 17:1

Mamin Jehová 'ab' wal tas tzwal 'ayach, 'ochn̈ wal q'ueln 'ayin, yic tzwaln in b'a 'ayach. Maclj wal ab' in lesal, yujto man̈ in c'ayncoc wa'n 'es.

Salmos 50:16

Palta ax eb' maysch'olnil sb'eyb'al, tzyal Dios 'a eb' 'ixtic: ¿Tom 'ay eyaln eyic eyaln 'el in cuynb'il, yet' eyaln 'el yab'xil in trato?

Pr 30:6

Man̈ ca'c 'och stz'acb' tastc yaljnac cani, ax to laj x'aji, 'oj on̈ stumquec, ax on̈ ya'nec can 'och 'a'm 'esal.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Is 29:1

'Oltac wal chon̈b' Jerusalén, tzcuch Yet'l Xajmb'al Yic Dios, 'aj 'e'nc cajn David. 'A junjn ab'il tznan jun tzo'n̈ q'uin̈ tz'eq'ui.

Is 29:12

Toto tz'ajx pax ch'an̈ 'a junc mach matz tac' yiln u'un̈, tzalx 'a 'ixtic: 'Awtj jun un̈ tic, toto xchi; tzyaln junx chi 'a 'ixtic: Matz tac' wiln u'un̈, xchi.

Is 30:11

'Eln̈ec 'a yol qui b'e 'on̈. A jun Dios To Cojxni, atn qui Diosal an̈ israel on̈, caw man̈ eyal cot 'ayon̈, xchi eb'.

Is 42:25

Yuj wal cha, 'ix cot yowl Dios, xya'n 'och yailal 'a yib'n̈ eb', 'ix jaw wal jun niwquil owl 'a yib'n̈ eb', 'icha wal sn̈ilchj te c'ac', 'ixta 'ix 'aj sjawi; palta man̈ yujoc cha 'ix sna sb'a sc'ojl eb'.

Is 63:17

Mamin Jehová, ¿tas yuj tzon̈ ejcan 'el 'a yol a b'e, tza'n pitb'oc 'el qui nab'en yic man̈x 'a qui xiwc'ojlal 'ayach? Ax ticnec jun, ch'oxx wal a chamc'ojlal chi 'ayn̈ an̈ a checb' on̈ tic, atn an̈ yin̈tl on̈ can eb' a chon̈b' to ecn̈ej yaji.

Jeremías 12:2

Ach a b'ojnac eb', 'ix yi'n eb' yip. 'Ix q'uib' eb', xniwtj chan̈ sb'isl eb'. Caw tzach sb'inej cob' eb', palta ax snab'en eb', caw najt yajl 'a a tz'ey.

Jeremías 3:10

An Jehová in, an tzwala, wach'xam xyil eb' 'aj Judá smasnil jun tzo'n̈ tic, man̈ yujoc cha, 'ix meltzj pax eb' 'ayn 'a smasnil sc'ojol, palta ton̈j 'ix stz'ac meltzjoc sb'a eb' 'ayin, xchi Dios 'ayin.

Jeremías 42:20

Ax tic, caw wal niwquil jun e tenmtacl wan eya'n 'ochi, yujto ax xeyac' in c'anb'c 'a Jehová qui Diosalec, 'ix eyaln 'ayn 'ixtic: Tewan̈ 'a Jehová qui Diosal cuj on̈, ax a'n cojcoc 'el smasnil tas 'oj yala', 'oj qui yicloc, xe chi.

Jeremías 5:2

'Ay cob' eb' tzin b'inan an Jehová in tic, palta tzin sb'inej eb' 'a ya'm 'esal, xchi.

Ez 14:1

'Ix jaw nan̈l eb' yichm wincal chon̈b' Israel 'ayin, yic tzwul sc'anb'noc sb'a eb' 'a Jehová, 'ix 'em wocn eb' 'a wojltac.

Ez 33:30

Xyaln pax 'ayn 'ixtic: Ach 'anma', a eb' et chon̈b' tic, a yic tzchan sb'a eb' 'a 'aj 'ay smuroal chon̈ab' yet' 'a stitc n̈a, tzlaj stz'ac eb' yal 'a junjn 'ixtic: Coyec, 'at cab'c spaxti Jehová, xchi cob' eb'.

Os 7:14

Man̈ smasnilc sc'ojl eb' tzin yawtn eb' 'a yic tzyaln sb'a eb' 'ayn 'a sat sch'at. Tzyam sb'a eb', yic tzc'ann cob' eb' 'ayin to wach' tz'aj strigo eb', sat yuva eb', palta caw wal tenmtac tzyutj sb'a eb' 'ayin.

A Scarta San Pablo D'a Eb' Aj Colosas 2:22

Palta a jun tzo'n̈ tzalx 'ay yowlal cha, man̈x 'a yel'ch 'ayn̈ec, yujto a jun tzo'n̈ cha, a yic tzqui c'anni, ton̈j tzlajw muc'uc. A jun tzo'n̈ tzalx cha, comn checnb'iln̈ej eb', 'anman̈ej tznan chan̈ jun tzo'n̈ cuynb'il cha.

A Ch'an̈ B'ab'el Libro Samuel 15:30

—Caw x'och in mul, palta tzin tew 'ayach, to 'ay cab' wel'ch 'a a sat 'a yojltac eb' 'ichmtac winac yet' 'a yojltac cab' smasnil eb' quit chon̈ab'. Meltzjan̈ wet'oc, yic tz'at ca'nc 'emmquilal 'a yojltac Jehová qui Diosal, xchi Saúl.