Is 28:27 - Chuj San Sebastian Bible

²⁷ A te eneldo cha, matz te'x 'el sat te', matz tac' yec' pax junc careta 'a yib'n̈ te comino, palta ton̈j tztenx 'el te eneldo chi yet' junc te', ax te comino cha, ton̈j tzma'x 'el yet' junc jixc'ab'te'.

Chuj San Mateo Bible

²⁷ Yujto a an̈ eneldo chi', max tec'chaj an̈, max ec' pax junoc carreta d'a yib'an̈ an̈ comino chi'. Ton̈ej smac'jiel an̈ eneldo chi' yed' junoc te te', axo an̈ comino chi', smac'chaj an̈ yed' junoc te' jixc'ab' te'.

Is 28:27 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 13:7

A Joacaz cha, man̈x niwnoc sb'isl eb' soldado win 'ix cani. Cojxn̈ej 50 soldado tz'och 'a yib'n̈ chej, lajn̈e caruaje yic owal, lajn̈e pax mil soldado tzb'ey 'a yoc, yujto a sreyl chon̈b' Siria, a 'ix satn 'el eb'.

Pr 20:26

A junc rey caw 'ay snab'en, c'uxn tzpechl eb' maysch'olnil 'a stz'ey, tzcan eb' 'a yaln̈ yu'uj.

Is 28:26

A Dios tzch'oxni, tas tz'aj sb'o junjn c'aj munljel.

Is 28:28

A 'ixm trigo tzte'xi, tztac' yec' junc careta 'a yib'n̈ 'ixim, palta toto 'elnc xo 'ixm sat cha, 'an̈ja yec' jun careta chi 'a yib'an̈, to 'ixta', tzpoj 'ixm sat cha.

Is 41:15

'Oj ex wa'ch 'icha junc q'uen 'i'm 'el sat trigo to caw 'a'to, 'ay ye si'mb'il. 'Oj e mac' poj eb' lum witz, pococ 'oj eyutc can eb' lu'um, ax eb' lum tzalan, 'icha stzapil 'ixm trigo, 'ixta 'oj eyutc can eb' lu'um.

Jeremías 10:24

'A'n̈ cuenta 'a 'icha wal yaj 'a tojlal, comnoc man̈oc yet' yowl 'a c'ojol, toq'ue tzon̈ a satl on̈.

Jeremías 46:28

Ex yin̈tl can Jacob, in checb' eyaji, caw man̈ ex xiwoc. 'Aynn̈ej 'och eyet'oc, 'oj in satl smasnil jun tzo'n̈ nacion̈ 'aj ex wac' sactzic can 'ati. Palta ax xo tic, ma'oj ex in satli. Ton̈j 'oj wa'ch yailal 'a eyib'an̈, 'icha wal smoj e chani, ma'oj e cann̈j 'a 'ichn̈jta', xchi Dios.

Am 1:3

A Jehová a 'ix aln 'ixtic: A wal eb' 'aj Damasco, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto 'icha wal tz'aj ste'x 'ixm trigo, 'ixta wal x'aj yixtx 'el eb' 'aj Galaad yuj eb'.

Mt 23:23

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Cob' tzeyac' sdiesmoal jun tzo'n̈ te 'alwena, jun tzo'n̈ te 'anix, yet' jun tzo'n̈ te comino. Palta ax jun tzo'n̈ schecnb'il Dios niwn yel'chi, matz eyiclej. A jun tzo'n̈ checnb'il chi tzalni, to yowlal tojl tzcutjec qui b'a, tz'o'ch qui c'ojlec 'a eb' quit 'anma'il, tzca'nec 'och pax qui c'ojl 'a Dios. Palta 'in may yel'ch jun tzo'n̈ tic 'a e sat. Octom tzeyiclj jun tzo'n̈ tic, tze b'on pax jun tzo'n̈ xo cha.