Is 28:18 - Chuj San Sebastian Bible

¹⁸ A e trato xe b'o yet' syajlil chamel, 'oj sat 'ejmi, 'oj jawc chaml 'a eyib'an̈, ax e cancn 'a yaln̈ yu'uj.

Chuj San Mateo Bible

¹⁸ A e lajti' ix eyac' yed' yajalil chamel chi', ol sateloc. Ayic ol ja jun icha eluma' d'a eyib'an̈ chi', ol ex can d'a yalan̈ yuuj.

Is 28:18 ပူးပေါင်းရင်းမြစ်များ

Is 2:15

'Oj satl storreal chon̈ab' yet' smuroal oyn 'och 'a spatic,

Is 28:15

Yujto eyaljnac ab' 'ixtic: 'Ay jun qui trato qui b'ojnac yet' syajlil chamel, a yic 'oj jawc jun tas tzon̈ satn 'eli, ma'oj jawc jun chi 'ayn̈ec, yujto xca' qui trato yet' chamel, to a 'es yet' tas man̈ yeloc a tzon̈ colnec, xe chi.

Is 28:3

A jun chon̈b' caw wal tzb'an̈ eb' 'u'm 'an̈ 'ay 'a yol yic Efraín, 'oj te'xoc can 'ejm yuj jun winc to caw wal 'ay yip cha.

Is 5:5

Ax ticnec, 'oj wal 'ayex tas 'oj wutc jun munljel tic: 'Oj wi'l scol-lal, sec 'oj lajwc can pax 'ejmi. 'Oj jacx can 'el scol-lal cha, sec 'oj te'xoc can 'ejm yuj no noc'.

Is 7:7

Yuj cha, 'ix yaln Cajlil Jehová 'ixtic: May xon wal b'a'n̈ 'oj 'el'choc jun snab'en e win cha.

Is 8:10

'Oj cob' e mol aloc tas 'oj eyutc e b'a, palta ma'oj scha sb'a eyalni; 'oj cob' eya'ch 'a yoclemal tas 'oj e b'o', palta ma'oj stac' eyu'uj, yujto 'ayc' Dios quet' on̈.

Jeremías 19:7

A 'a jun pan̈n tic, 'oj wac' juwc 'el tas nab'il eyuj ex 'aj Judá, yet' ex 'aj Jerusalén. 'Oj ex wac' telwc 'a yojltac eb' 'ajc'ojl tznib'j tzex miln chamoc, ax e niwnal, 'oj 'och schib'joc e no 'usej, yet' e no calte'al noc'.

Jeremías 2:37

Caw q'uixwc'ojlal 'oj eyaj e meltzj cot 'a Egipto cha, yujto an Jehová in, tox xin patquilj can 'el eb' 'aych cob' yipc e c'ojl cha. May jac tas 'oj eyac' ganar yet' eb', xchi Dios.

Jeremías 44:28

Caw jaywn̈ xoj ex 'oj e colchj 'el 'a scal owal, 'oj eyel 'a Egipto tic, ax e c'ochx can 'a Judá. 'Ixta to b'i'an, e masnil ex 'aj Judá ex to cajn ex 'a Egipto tic, atta 'oj eyila', mach 'oj 'el'choc tas tzyala, tom a tas xwala, mto a tas xeyala.

Jeremías 47:2

A Jehová tzaln 'ixtic: A 'a stojlal norte, ata 'oj cot jun b'uln̈ eb' soldado, 'icha wal junc niwquil 'elmal a tzpultz'j 'el 'a sb'e scoti. C'uxn 'oj yac' lajwc 'el eb' jun nacion̈ tic, yet' smasnil tas 'ay 'a 'a, yet' smasnil jun tzo'n̈ xo chon̈ab'. A smasnil eb' 'anma cajn 'a schon̈b' eb' filisteo tic, caw 'oj 'el yaw eb', ax yoc' eb' yab'n syail.

Lm 4:17

Caw wal on̈ c'unb' qui macn sjaw junc mach tzon̈ coln on̈, palta may mach xjawi. 'Ay cob' jun nacion̈ yipc'ojlal yaj cuj on̈, palta ma'ix stac' on̈ scolni.

Ez 17:15

Palta 'ix 'och win 'ajc'ojlal 'a win sreyl Babilonia cha, 'ix ya'n 'at win schecb' 'a win sreyl Egipto yic tzc'ann cot win no chej yic owal yet' nan̈loc eb' soldado, (a no schab'l salt'iw cha, tzyal 'el'chi, atn win sreyl Egipto). ¿Tom 'oj yac' ganar scoln sb'a yet' jun snab'en cha? ¿Tom 'oj stac' scoln sb'a jun mach to matz yac' 'el'choc strato cha?

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.

Nahúm 1:8

A pax eb' tu tzyutj sb'a 'a 'a, caw tzlajw 'el eb' yu'uj, tz'ijx 'at eb' 'icha tz'aj yijx 'at junc tas yuj a 'elmal a'. 'Oj ya'cn 'at q'uic'q'uinl 'a yib'n̈ eb' 'ajc'ojl cha.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.

Apoc 12:15

Ax jun chan cha, 'ay wal jun niwquil a xpitzw chan̈ yu'uj. A 'a yol sti tz'el-li. Yujto tznib'j a jun a chi tz'ec' 'i'nc 'at 'ix.

Apoc 17:15

Xlajw cha, xyaln pax 'ayn 'ixtic: —A jun tzo'n̈ a mar 'ix ela, 'aj wocn q'ue 'ix 'ajmul 'ix, tzyal 'el'chi, atn jun tzo'n̈ chon̈ab', jun tzo'n̈ nacion̈, yet' eb' 'anma 'a junjn chucchc ti'al.