Is 28:15 - Chuj San Sebastian Bible

¹⁵ Yujto eyaljnac ab' 'ixtic: 'Ay jun qui trato qui b'ojnac yet' syajlil chamel, a yic 'oj jawc jun tas tzon̈ satn 'eli, ma'oj jawc jun chi 'ayn̈ec, yujto xca' qui trato yet' chamel, to a 'es yet' tas man̈ yeloc a tzon̈ colnec, xe chi.

Chuj San Mateo Bible

¹⁵ Yujto ix eyal icha tic: Ay co lajti' yed' yajalil chamel, yuj chi' ayic ol javoc tas ol on̈ sataneloc icha a' eluma', malaj tas ol on̈ ic'anoc, yujto a juntzan̈ lolonel es ix cac'och yipoc co c'ool, ol co col co b'a d'ay, xe chi.

Is 28:15 ပူးပေါင်းရင်းမြစ်များ

Gn 37:20

Cotn̈ec qui milc chamoc, tzqui julnec can 'ejm 'a yol junc xab', ax calnec to a junc no calte'al noc' xchini, ax quilnec tas 'oj 'aj 'el'ch jun tzo'n̈ swaych cha, xchi eb'.

Job 5:23

A 'a scal a munljel, may q'uen q'uen 'oj extni; ax e no calte'al noc', may 'oj yutc e no' a munljel cha, ma'oj ac' 'owl yet' e no'.

Ec 8:8

May junc on̈ec 'ay caln quic 'a qui q'uinal, yic tzqui'nec 'och wa'an. An̈jtona', may junc on̈ec tztac' qui'nec 'och wan sc'ul qui chami, lajn 'icha junc soldado matz tac' yajx 'elt 'a scal owal. A junc mach tu sb'eyb'al, ma'oj colxoc 'el 'a yol sc'ab' chamel yuj smaysch'olnilal cha.

Is 28:18

A e trato xe b'o yet' syajlil chamel, 'oj sat 'ejmi, 'oj jawc chaml 'a eyib'an̈, ax e cancn 'a yaln̈ yu'uj.

Is 28:2

'Ay jun winc sic'b'il 'el yuj Jehová, a jun cha caw wal 'ay yip, caw jeln 'a owal. 'Oj jawc yet' yip 'icha tz'aj sjaw yaxn̈ab' yet' sacb'atil, 'icha pax tz'aj sjaw chacxuxm'ic' yic tzyutz'n telwc smasnil tas, 'icha pax yic tzya'n yowl a b'eymal a sb'eyi. Yuj wal yip cha, ax slan̈chj can 'ejm Samaria smasnil.

Is 29:15

'Oltac wal eb' tzc'ub'j 'el cob' sb'a 'a sat Jehová snani, tzc'ub'n 'el eb' tas tzna'a, c'ultacl tzb'o eb' maysch'olnil, tzyaln eb' 'ixtic: May mach tzon̈ 'ilni, may mach 'oj 'ojcanc 'eli, xchi cob' eb'.

Is 3:12

A eb' quelmtac winac a eb' tz'ixtn eb' wit chon̈ab', ax eb' 'ix 'ix, a eb' 'ix tzyac' yajlil 'a yib'n̈ eb'. Ex wit chon̈ab', a eb' tzex jucb'tzani, a eb' tzex 'ixtn paxti', tzex yij 'at eb' 'a b'eyb'al man̈ tojloc.

Is 30:10

Tzyal eb' 'a eb' in checb' 'ixtic: Man̈ eyal yuj tas 'ix eyil 'a 'icha waychil, man̈ eyal paxti yic tojlal 'ayn̈ on̈. A paxti tzqui nib'ej, a tzeyal 'ayn̈ on̈.

Is 30:12

Yuj cha, e Diosal in ax israel ex tic, To Cojxn in ton Dios in, an tzwal 'ayx 'ixtic: Ax tic, 'ix e patquilj can 'el jun tennb'ilal, axn̈ej pitalil yet' maysch'olnilal, a tzeya'ch yipc e c'ojol.

Is 30:28

A spaxti Jehová, a tz'i'n cot tas tzsatn 'el eb' 'ajc'ojol, 'icha junc a a tz'el pulnjoc 'a sb'e, tzq'uel xab'l yich a 'a qui jaj, 'ixta jun cha. 'Oj 'ijxoc 'at eb' yuj Jehová 'icha tz'aj stzicxchan̈ stzab'il 'ixm trigo 'a cha'an̈. 'Icha wal to 'oj ya'ch sfreno eb' chon̈b' cha, ax yi'n 'at eb' 'a 'aj 'oj satcn 'eli.

Is 30:9

A eb' in chon̈b' tic, caw 'e'nc eb' 'a yib'an̈, 'a'm 'es eb', matz nib'j eb' yab' in paxti an Jehová in tic.

Is 44:20

A jun tzo'n̈ 'anma 'ixta tzyutj sb'a cha, 'icha to a stan̈il c'ac' tzc'ux eb', juwnacx 'el snab'en eb', satnc eb'. A jun tzo'n̈ 'anma cha, ma'oj stac' scoln sb'a eb'. Matz nachj 'el yuj eb', toto a tas b'ob'il yuj eb' cha, may jac yel'chi.

Is 59:3

Yujto ax tic, caw wal x'och e mul e miln cham eb' quit 'anma'il. Xlaj 'el schic'l eb' eyu'uj, cojxn maysch'olnil yet' 'es tzlaj eyala'.

Is 59:4

May xon junc mach tojl tas tzb'o'o, may mach tzb'oyaj sb'a 'a wach'. A tas 'aj 'aych e nab'en, atn 'a 'es yet' jun tzo'n̈ paxti man̈ yeloc. A maysch'olnil, a chi 'ayc' 'a e nab'en e b'oni, ax tz'aji, tzeya'n 'el'choc 'icha tas tze na cha.

Is 9:15

(A jun jolm cha, tzyal 'el'chi, atn eb' yichm wincal chon̈ab' yet' eb' yajl yaj 'a scal eb'. Ax jun sn̈e cha, atn eb' tzcob' yalch sb'a schecb'oc Dios, palta yes eb'.)

Jeremías 13:25

Atn wal chi 'aych xon 'a eyib'n̈ ex 'aj Israel, a chi smoj wa'n 'ayex. Yujto in 'atcn satc'ojlal eyu'uj, ax jun tzo'n̈ yechl to may jac yel'chi, axn̈ej eb' xeya'ch yipc e c'ojol.

Jeremías 14:13

In ta'w 'a 'ixtic: Palta Mamin Jehová, a eb' a checab', tzyal eb' 'a eb' a chon̈ab', to may owl 'oj 'ochoc, may wejl 'oj jawoc. Tzyal eb' to 'oj a'n̈j ab' junc'ojlal 'a 'aj cajn on̈ 'ec' tic on̈, xin chi 'a 'a.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Jeremías 44:17

'Oj qui b'eylb'oc n̈ej tas 'ix qui nalb'ej qui b'oni. 'Oj ca'n̈j incienso yet' yal uva xajmb'al-l 'a 'ix syajlil satcha'an̈, 'icha wal tas wan qui b'on ticnec, 'icha pax ya'jnac eb' qui mam quicham yet' eb' qui reyal, yet' pax eb' syajlil chon̈b' 'a yol yic Judá yet' 'a yoltc scayeal Jerusalén. Yujto a 'a yic yaln̈taxi, caw 'ay tas tzqui c'uxu, wach'n̈j yec' cu'uj, may junc yailal xjaw 'a quib'an̈.

Jeremías 5:12

A eb' 'aj chon̈b' Israel yet' eb' 'aj Judá, man̈ yelc tas xyal eb' 'a spatquil Jehová. Yaljnac eb' 'ixtic: A Dios toc 'ay tas tzna 'a quib'n̈ec. May yailal 'oj jawc 'a quib'n̈ec, may owal, may pax wejl 'oj jawoc.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Ez 13:22

Yuj eyixtm 'anma'il xlaj eya'nc cus sc'ojl eb' tojl snab'en. A jun cha, caw matz in nib'j an tic. Ax eb' maysch'olnil sb'eyb'al, tzeyac' sc'ojloc eb' sec matz jel eb' sb'eyb'al yic tzchan eb' sq'uinl 'ayin.

Ez 22:28

Ax eb' tzcob' yalch sb'a in checb'oc 'a scal eb' chon̈ab', tzlaj sc'ub'c 'el eb' smul, 'icha tz'aj yoch tan̈ 'a yich junc n̈a, tzmacchj 'el cob' lum xamit yu'uj, 'ixta tzyutj eb' tzmacn sat eb' chon̈b' cha. Tzlaj cob' yalnc eb' to 'ay tas tzwac' yil eb', tznan chan̈ eb' tas tzyutj eb' ya'n 'es, tzcob' yalnc eb' 'ixtic: A Jehová Cajlil, a tz'a'n cal jun tzo'n̈ tic on̈, xchi cob' eb', palta wal yel, may tas tzwac' yal eb'.

Ez 8:12

Yuj cha, xyaln 'ixtc 'ayin: Ach 'anma', ¿tzam el wal tas tzc'ultac b'oj eb' et israelal tic? Junjn eb' 'ichmtac winc cha, wocn 'och eb' yal sb'a 'a 'aj b'achn 'elt sdiosal cha. Am wal snan eb' to matz wil eb', 'actb'ilx can jun nacion̈ tic wuj snan eb', xchi 'ayin.

Dn 11:22

Smasnil eb' 'ajc'ojl yajch 'a 'a, c'uxn 'oj satxoc 'el eb' yu'uj, an̈jtona win syajlil trato.

Dn 9:27

A jun yajl cha, caw niwnto eb' 'anma 'oj yac' pural ya'n strato yet' 'a junc xo seman, palta yic wal spacl yaj jun seman cha, ax smacn 'och wan yajx xajmb'al yet' jun tzo'n̈ ofrenda tz'ajx xoni. Ax jun yajl tz'ixtn 'el jun tzo'n̈ cha, a jun tzo'n̈ tas yajb'il el yuj Dios 'oj yac' q'ue 'a schon yatut Dios cha, 'ayc'n̈ej ta masnto 'oj ya' cot Dios tas nab'il yuj 'a yib'n̈ jun yajl cha, xchi Gabriel chi 'ayin, xchi Daniel.

Os 2:18

A 'a jun tiempoal cha, 'oj wac' in trato yet' e no calte'al noc' yuj swach'loc eb' in chon̈ab', e no ch'ic, yet' e no chan, sec man̈x 'a 'oj yutc e no eb', ax wi'n 'el jun tzo'n̈ jul-lab' 'a jun nacion̈ tic, atn lanza, yet' espada yic owal, sec 'oj 'iljoc eb' in chon̈b' tic 'a tzaljc'ojlal.

Am 2:4

A Jehová tzaln 'ixtic: A wal eb' aj Judá, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Spatquilj can 'el eb' in cuynb'il, ma'ix syiclj eb' in ley. A yic eb', to xyac' eb' 'emmquilal 'a jun tzo'n̈ comn dios, atn jun tzo'n̈ 'aj ya'jnac eb' smam yichm eb' 'emmquilal.

Am 6:13

Ax tic, caw tze b'an̈ e b'a, yujto 'ix 'ejm jun yune chon̈b' Lodebar eyu'uj, palta toc 'ay jac yel'chi, tzeyaln cob'i, to caw tztac' eyu'uj, yic 'ix eyi'n 'ec' chon̈b' Carnaim.

Jonás 2:8

A eb' tzlaj 'och tza'n yuj jun tzo'n̈ yechl tzalx 'och diosal, tzpatquilj can 'el eb' a wach'c'ojlal.

Sofonías 1:12

A 'a jun tiempoal cha, 'oj in tzictajc smasnil 'anma cajn 'a chon̈b' Jerusalén. 'Oj wa'ch syailal eb' 'anma may jac tas tzna'a, tzlaj cob' yaln eb' 'ixtic: A Jehová toc 'ay tas tzpactzej 'ayn̈ 'a wach'il, matz pactzej pax 'ayn̈ yet' yailal, xchi eb'.