Is 25:4 - Chuj San Sebastian Bible

⁴ Yujto cojn 'aych 'aj tztac' scoln sb'a eb' meb'a', colwjum aj 'a eb' 'ay scusc'ojlal yuj tas 'ay sc'a'l tz'och yu'uj. A eb' 'anma may sniwnc'ojlal, lajn eb' 'icha yaxn̈ab' 'aych yic'al, lajn pax eb' 'icha yowl sma'wj yoc c'u. Palta ach tzon̈ a col 'a eb' on̈.

Chuj San Mateo Bible

^4-5 Yujto a d'ayach scol sb'a eb' meb'a', tzach colvaj d'a eb' ay tas tz'och yuuj d'a scusc'olal. A eb' anima te chuc, lajan val eb' icha yaxn̈ab' ay yic'al. Lajan pax eb' icha sc'ac'al yoc c'u d'a chimc'ualil. Palta a ach tzon̈ a c'ub'ejel icha junoc q'uen q'ueen. Icha chi' tz'aj ic'anem yac'umtaquil eb' ch'oc nacional chi'. Icha tz'aj siclab' yoc c'u ayic tz'och svevenal asun, icha chi' tz'aj ac'anoch vaan eb' chuc chi' yel yav.

Is 25:4 ပူးပေါင်းရင်းမြစ်များ

Salmos 107:41

A tz'i'n 'elt eb' meb'a 'a scal scusc'ojlal, tzya'n q'uib' sb'isl yunnal eb'. Til wal sja'l sq'uib' eb' 'unn chi 'icha sq'uib' no calnelu.

Salmos 119:31

Mamin Jehová, 'ix wa'ch in nab'en 'a jun tzo'n̈ a checnb'il tic; man̈ a chach q'uixwc'ojlal 'ayin.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Salmos 121:5

A Jehová qui tan̈malec yaji, a 'a yen̈ul ata 'ayn̈ec 'eq'ui, yic tzon̈ scolnec.

Salmos 35:10

Yet' wal smasnil in c'ojol 'oj wal 'ixtic: Caw may mach lajn et' Mamin Jehová. A eb' meb'a' yet' eb' may xon jac tas 'ay 'a 'a, tza colcn 'el eb' 'a yol sc'ab' eb' caw te'n yaji, yet' 'a eb' tz'i'n 'ec' jac tas 'ay 'a eb', 'oj in chioc.

Salmos 55:8

Caw ji'lti tzin 'at in col in b'a yuj jun 'icha owl yaxn̈ab' 'aych yic'al, xin chi.

Salmos 72:13

'Oj 'o'ch sc'ojl 'a eb' 'emmquil yeq'ui, ax scoln 'el eb' meb'a 'a yol sc'ab' chamel.

Salmos 72:4

Wach' cab' tzyutj win rey tic sb'on yaj eb' meb'a'. A eb' 'ay tas 'ay sc'a'l tz'och yu'uj, colx cab' 'el yunnal eb' yu'uj. Ax pax eb' 'ixtm 'anma', satx cab' 'el eb' yu'uj.

Salmos 9:10

A eb' tox ach 'ojcan 'eli, 'aych 'och yipc sc'ojl eb', may b'a'n̈ tzactj can eb' tzc'ann a colwal.

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Is 14:32

¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.

Is 16:3

Ax yaln eb' 'ixtc 'a eb' 'aj Sión: Na'ec tas tzon̈ eyutj on̈ e colni, ax tzex 'och qui colmalc on̈. 'Icha junc te 'ay yen̈l 'a chimc'ual, 'ixta cab' tzeyutj on̈ e c'ub'n 'el 'a eyen̈ul. 'Icha tzyac' junc tas 'a 'ac'wal, man̈ checloc, 'ixta tzon̈ eyutj an̈ tzon̈ 'atcn 'elc tic on̈, man̈ on̈ e ch'ox on̈.

Is 17:10

Yujto 'ix eyac' sat e c'ojl 'a qui Diosal coljnacn̈ec, ma'ix e na coti toto ata qui coljnaquec qui b'a. Yuj cha, wach'xam 'oj eyawc eyawb'ente caw wach' xlaj eyi' cot 'a chuc chon̈b'al.

Is 27:5

Toto tznib'j eb' 'ajc'ojl in colwal, 'och cab' eb' 'a junc'ojlal wet'oc. An tzwala, to tzyij 'ejm sb'a eb', xchi Dios.

Is 28:6

A 'oj 'a'nc sna eb' juez yic tzb'eyc'ojlwi eb' 'a stojlal, 'oj yac' yip eb' soldado yic tztan̈wni eb' schon̈ab'.

Is 29:19

A eb' 'emmquilal yeq'ui, 'oj tzaljoc chan̈ eb' 'a Jehová, ax eb' caw meb'a', 'oj tzaljoc chan̈ eb' 'a sDiosal Israel, atn jun Dios To Cojxni.

Is 29:20

A eb' may yel'ch yit 'anmal 'a sat, 'oj lajwc 'ejm eb'. Ax eb' ch'an tzyutj sb'a, man̈x 'a junc eb' 'oj can 'a pitznal. A eb' cojn maysch'olnil tzna'a, 'oj satl eb' smasnil,

Is 29:5

Ax 'oj 'ajoc, a Jehová tztac' yuj smasnil, wal 'a yajn̈ej ax sjaw yet' yowl sc'ojol yic tzya'n 'och yailal 'a yib'n̈ eb' 'ajc'ojl yajch 'a Jerusalén. 'Oj c'an̈ c'u, ax yec' niwc quixcab'. 'Oj jawc niwc chacxuxm'ic', niwc yaxn̈ab', yet' junc niwquil c'ac' 'et'jnac chamel. A eb' 'ajc'ojl cha, man̈x yalnb'ilc sb'isl eb'. Lajn xoj 'oj 'ajcn eb' 'icha pococ. Caw choc' 'oj 'ajcn eb' 'a'm owl cha. 'Oj 'ijxoc 'at eb' 'icha tz'aj yijx 'at solcal 'ixm trigo yuj 'ic'.

Is 32:2

A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

Is 33:16

A eb' cha, 'oj 'aj cajn eb' 'a junc chon̈b' q'uenn̈ej smuroal, ata 'oj scol sb'a eb', 'ayn̈j tas tzc'ux eb', 'ayn̈j pax tas tzyu'j eb'.

Is 33:2

Mamin Jehová, 'o'ch cab' wal a c'ojl 'ayn̈ on̈, caw tan̈b'ilch cuj on̈, 'ochn̈ quet' 'a junjn c'u yic 'ay qui yailal on̈, coln̈ 'el on̈.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Is 49:25

Palta a Jehová a tzaln 'ixtic: A 'a junc winc caw wal 'ay yip ata 'oj 'ijxoc 'ec' junc mach 'aych 'a preso, ax junc yajl to yel xo wal ow, 'oj 'ijxoc 'ec' tas 'ix 'at yac' ganar 'a owal. An 'oj wac' owl yet' eb' 'ajc'ojl cha, ax in coln 'el eb' one'.

Is 57:13

A yic 'oj 'el eyaw e c'ann in colwal, an xo tzwal 'ayex to a cab' eb' e diosal chi tzex colni. A eb' cha lajn eb' 'icha c'alem, 'oj 'utz'xoc 'at eb' yuj 'ic'. Ax pax eb' tzin 'a'n 'och 'a sc'ojol, 'oj can cajn eb' 'a jun chon̈b' tic, 'oj can eb' 'a lum tzaln to wicn̈ej yaji, xchi Dios.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Is 8:14

An xo tic 'oj woch a cajnub'oc 'a 'aj tztac' a coln a b'a. Palta a 'a eb' 'aj israel yet' 'a eb' 'aj Judá 'icha wal junc q'uen 'aj tztench eb' yoc, 'ixta 'oj waj 'a eb'. Yuj cha, ata 'oj yamchjoc eb' 'aj Jerusalén tic.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Ez 38:9

'Icha wal junc niwquil q'uic' 'asn 'aych yalil, 'aych pax yic'al, 'ixta wal 'oj aj a c'och 'a jun nacion̈ cha, ax oyn jun chon̈b' chi yet' eb' a soldado, yet' pax smasnil 'anma ajun et'oc.

Sofonías 3:12

Cojxn̈ej eb' 'anma tzyij 'ejm sb'a, eb' 'emmquilal yeq'ui, a eb' 'oj wac' cajnc in chon̈ab'. Cojxn̈ej 'ayn 'oj ya'ch eb' sc'ojol.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.