Is 25:3 - Chuj San Sebastian Bible

³ Yuj cha, a eb' nacion̈ caw 'ay yip, 'ayx el'ch 'a sat eb' ticnec, ax eb' may sniwnc'ojlal, 'oj xiw eb' 'ayach.

Chuj San Mateo Bible

³ Yuj chi', a juntzan̈ nación te tec'an, ol ach yic'chaan̈, aton juntzan̈ maj oc' sc'ol d'a yetanimail, ol xivpax eb' d'ayach.

Is 25:3 ပူးပေါင်းရင်းမြစ်များ

Salmos 66:3

Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Is 13:11

Yuj cha, ax yaln Jehová 'ixtic: A ticnec, 'oj wa'ch yailal 'a yib'n̈ eb' 'anma 'a yolyib'n̈q'uinl tic yuj maysch'olnil tzlaj sb'o. 'Oj wac' sat 'ejm sb'an̈quinal eb' tzlaj yi' chan̈ sb'a, yet' eb' may yel'ch yit 'anmal 'a sat.

Is 24:15

An̈jtona yet' pax 'a stojlal 'aj tzq'uel c'u, yet' 'a jun tzo'n̈ nacion̈ 'ay 'a sti a mar, 'oj yal eb' wach' paxti 'a Jehová sDiosal Israel.

Is 29:5

Ax 'oj 'ajoc, a Jehová tztac' yuj smasnil, wal 'a yajn̈ej ax sjaw yet' yowl sc'ojol yic tzya'n 'och yailal 'a yib'n̈ eb' 'ajc'ojl yajch 'a Jerusalén. 'Oj c'an̈ c'u, ax yec' niwc quixcab'. 'Oj jawc niwc chacxuxm'ic', niwc yaxn̈ab', yet' junc niwquil c'ac' 'et'jnac chamel. A eb' 'ajc'ojl cha, man̈x yalnb'ilc sb'isl eb'. Lajn xoj 'oj 'ajcn eb' 'icha pococ. Caw choc' 'oj 'ajcn eb' 'a'm owl cha. 'Oj 'ijxoc 'at eb' 'icha tz'aj yijx 'at solcal 'ixm trigo yuj 'ic'.

Ez 38:23

'Ixta wal 'oj wutc in ch'oxn in poder yet' in jelnal 'a sat jun tzo'n̈ nacion̈ 'oj 'ilnoc jun cha. 'Ixta to b'i'an, ax yojcan 'el eb' to an Jehová in, to cojn in ton Dios in, xchi Dios.

Miqueas 7:17

Caw wal 'oj xiw eb', ax yi'n 'ejm sb'a eb', 'oj can teln eb' 'a scal pococ 'icha no chan. 'Oj laj 'ib'xoc eb' yuj xiwlal, ax yelt eb' 'a scuartel. Caw tzxiw eb', ax sjaw eb' 'a 'ayn an Jehová e Diosal in tic, xchi Dios.

Zacarías 14:16

A yic 'oj lajwc 'ec' jun tzo'n̈ cha, a jancto eb' 'anma 'oj can 'a jun tzo'n̈ chon̈b' 'oj 'a'nc owl yet' Jerusalén cha, 'a junjn ab'il 'oj jawc eb' wul sna q'uin̈ Chinama, ax sjaw eb' wul yac' 'emmquilal 'a jun Rey, atn Jehová tztac' yuj smasnil.

Zacarías 14:9

A 'a yic jun c'ul cha, cojxn̈ej Jehová 'oj yac' Yajlil 'a yib'n̈ smasnil yolyib'n̈q'uinal, cojxn̈ej ton Dios. A Dios, Jehová sb'i, cojxn̈ej 'oj b'inaxoc.

Apoc 11:13

At wal cha, ax yec' jun quixcab'. Caw ow 'oj 'ec'oc. Til wal n̈a 'oj laj lan̈chjoc 'ejm 'a jun niwquil chon̈b' cha. A 'a junjn lajlajn̈e n̈ail, junjn 'oj laj lan̈chjoc 'a 'a. Uque mil 'anma 'oj cham yu'uj. Ax jun tzo'n̈ xo eb' 'anma', caw 'oj xiw chan̈ eb'. Ax laj yalnc eb', chajtlto caw niwn yel'ch Dios 'a satcha'an̈.